Andaluziako Parlamentuak bigarrengoz bota du atzera Diazen inbestidura
Andaluziako Parlamentuak atzera bota du, bigarren aldiz astebetean, Susana Diaz hautagai sozialistaren presidente kargu hartzea. Lehen bozketako emaitza errepikatu da, gaurkoan ere; PSOEko 47k alde bozkatu dute, eta gainerako guztiek, PPk, Podemosek, Ciudadanosek eta Izquierda Unidak aurka, 62 boto denera.
Juan Pablo Duran Andaluziako ganberako presidenteak maiatzaren 14rako deitu du hurrengo saioa, goizeko 11:00etarako. Presidentea izendatzeko hirugarren bozketa egingo dute, eta hor ere, gehiengo soila lortzea beharrezkoa da.
Harriduraz hartu dute parlamentarioek hirugarren bozketa eguna jartzea. Izan ere, oraingoz, ez dago akordiorik alderdien artean, eta, gainera, hauteskunde kanpaina bete betean egongo dira datorren astean.
Legebiltzarreko presidenteak 48 orduko tartearekin bozketa-egun gehiago deitzeko eskumena du datorren maiatzaren 5era arte; hau da, lehen bozketa egin zenetik bi hilabeteko epean.
Behin epe hori igarota, gehiengo soila inork lortu ezean, berriro hauteskundeak deitu beharko dituzte.
"Surrealista eta barregarria"
Susana Diaz jardunean dagoen presidenteak "surrealistatzat" jo du egoera eta PP, Podemos, Ciudadanos eta IU "barregarri" geratzen ari direla esan du.
"Ezetza behartzen ari dira, Espainiako Gobernuko presidenteak bideratuta. Espainiaren egonkortasuna saltzen ari den presidente hori hauteskunde kanpainaren hasieran hemen agertu zaigu ondorengoa esatera: hau da bidea, blokeoa, boikota eta Andaluziak 9 milioi herritarrei zuzendutako gobernua geldiaraztea", esan du Diazek saioaren amaieran, kazetarien aurrean egindako adierazpenetan.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.