Alonso: ‘Euskadiko PP inoiz baino indartsuago dago’
Alfonso Alonso EAEko Alderdi Popularreko presidente berriak esan du bere konpromisoa ?epe luzerako? dela eta bere alderdiak ?espainiar sentitzen diren euskal herritar guztien erreferentzia? izan nahi duela, ?moderazioan eta zentralizazioan oinarrituta?.
EAEko PPren zuzendaritza batzordeak aho batez onartu du Arantza Quirogak utzitako kargua Alfonso Alonsok hartzea. Bilbon arratsalde honetan egin duten bileran Maria Dolores de Cospedal Alderdi Popularreko idazkari nagusia izan da.
Cospedalen esanetan, ?Euskadiko eta Espainiako Alderdi Popularrean mundu guztiak pentsatzen du Alfonso Alonso dela aukerarik eta presidenterik onena?. Arantza Quirogaren dimisioak sortutako krisia ?berehala eta gauzak ondo eginda? konpondu izana goraipatu du.
Presidente kargua ofizialki hartu ostean, Alonsok agerraldia egin du eta Arantza Quirogak egindako lana aintzat hartu behar dela esan du, ?Euskadiko PP zuzentzea osoa zaila delako?.
EAEko PP ?inoiz baino indartsuago dago? dela azpimarratu du Alonsok, eta bere konpromisoa ?epe luzerako? dela adierazi du, baina ez du argitu datozen hauteskunde autonomikoetan lehendakarigaia izango den edo ez.
Alonsok esan du Mariano Rajoyk papel ?oso garrantzitsua? jokatu duela bera EAEko PPren presidente izateko; ?Espainiako Gobernuko ministroa naizen heinean, bere oniritzia beharrezkoa zen nire izendapena gauzatu ahal izateko?, azaldu du.
Osasun ministroaren eta EAEko PPren presidentearen karguak nola uztartuko dituen galdetuta, ?esfortzu gehiago? egin beharko duela esanez erantzun du.
Bestalde, lehentasuna abenduaren 20ko hauteskunde orokorrak Alderdi Popularrak irabaztea dela nabarmendu du.
?Espainiar sentitzen diren euskal herritarren erreferentzia gara, baina euskal herritar horiek euren berezitasuna aldarrikatzen dute?, adierazi du.
?Zentralizazioan oinarritutako moderazioaren erreferentzia izaten eta gure alderdiaren nortasuna mantentzen jarraitu behar dugu?, erantsi du.
Era berean, ?enplegua sortzea? eta bakea eta bizikidetza ?egonkortzea? ezinbesteko eginkizunak izango direla iragarri du.
Eskua luzatuta lan egingo duela adierazi du eta hori esanda EAJz ari zen galdetu diotenean, orokorrean hitzegiten ari dela zehaztu du. Hala ere, jeltzaleekin komunikazioa izatea espero duela erantsi du.
Alderdiarengandik jaso duen babesa eskertu eta konfiantza hori lan eginez bueltatuko duela esan du.
Albiste gehiago politika
Cuelgamurosen zeuden Gasteizko soldadu baten gorpuzkiak eman dizkiote familiari
Memoria Demokratikorako Estatu idazkariak adierazi duenez, "Gobernuak konpromisoa hartzen jarraitzen du biktima guztiak hobitik ateratzeko, haien senideek hala eskatzen badute".
Imanol Pradales: "Diaspora aktiboa behar dugu munduan aliantzak lortzeko"
Boiseko Jaialdira egin duen bidaiaren helburuetako bat Euskadi Globala deiturikoaren bidean aurrera jarraitzea dela esan du lehendakariak eta esparru guztietan aliantzak sortzeko diasporak duen paperaren garrantzia azpimarratu du.
GOIDIAren biktimek diote Feijook erantzun diela ezin duela Mazon kargutik kendu, eta agintean jarraitzea defendatzen duela
PPko buruak biktimen elkarteei adierazi dienez, "ez zen larrialdiaren kudeaketan eraginkortasun gabeziarik egongo" berak gobernatu izan balu.
Aurreskuarekin egin diote harrera Imanol Pradales lehendakariari Boiseko aireportuan
Imanol Pradales lehendakaria Boisera iritsi da 2025eko Jaialdian parte hartzeko, euskal diasporak Euskaditik kanpo egiten duen topaketarik handienean, alegia. Jaialdiaren antolatzaileen batzordeak harrera egin dio,eta aurresku batekin hasi da lehendakariaren agenda bete-betea, kultur, erakunde eta komunitate ekitaldiez betetako aste bati hasiera emanez.
Servinabarrek 22.000 euro eman zizkion Cerdanen arrebari, eta 68.000 euro, Oscar Arizcuren UPNren presidenteorde ohiari
Hori omen dakar Nafarroako Foru Ogasunak Leopoldo Puente Auzitegi Goreneko magistratuaren esku jarri duen dokumentazioak.
Gorenak ez du onartu Koldo Garciak bere audioak argitaratzea debekatzeko egindako eskaria
Instrukzioko epaileak adierazi du ez duela eskumenik kautelazko neurri horiek hartzeko, eta auzipetuari gogorarazi dio horixe bera adierazi zuela Santos Cerdanek audioak oso-osorik ateratzeko eskaera egin zuenean. Audioak hiru telefono mugikorretan eta grabagailu batean aurkitu zituzten, Garciaren etxean, eta, atera ondoren, aldeei entregatu zaizkie.
Auzitegi Goreneko hiru magistratuetatik bik epaiketaren atarian jarri dute Estatuko fiskal nagusia
Hirugarren magistratuak boto partikularra eman du, fiskal nagusiaren aurkako auzia artxibatu behar zela iritzita, Gonzalez Amadorren kasuari buruz aurretik ezagutzen ez zen daturik eman ez zuelako.
Boiseko Jaialdia, AEBko diasporarekin harremanak sendotzeko aldia
Euskal erakundeen ordezkaritza bat, Imanol Pradales lehendakaria buru, Boisen izango da gaurtik abuztuaren 3ra bitartean. Idahoko erakundeekin lankidetza estutzea izango dute helburu, AEBko euskal komunitateari babesa ematearekin batera.
25 urte bete dira ETAk Juan Mari Jauregi hil zuela
ETAk Juan Mari Jauregi hil zuela 25 urte bete dira gaur. Haren alargunak eta alabak gizon adeitsu, ausart eta elkarrizketarako prest bezala gogoratzen dute, baita desberdin pentsatzen zutenekin ere. Mende laurden geroago, ETA desagertuta dagoela, biek egia eta memoria eskatzen jarraitzen dute indarkeria hark utzitako zauriak ixteko.
Espainiako Gobernuak onartu du jaiotzagatiko baimena 17 astera luzatzea eta bi asteko guraso-baimena ordaintzea
PSOEk eta Sumarrek lortutako akordioaren ostean, astearte honetako Ministroen Kontseiluan onartu dute neurria. Pilar Alegria Espainiako Gobernuko bozeramaileak adierazi du "albiste ezin hobea" dela.