Urkullu: 'Akordioa da autogobernuaren etorkizuna'
Iñigo Urkullu lehendakariak adierazi duenez, autogobernuaren etorkizuna "akordioa, elkar aitortza eta aldebikotasuna? dira.
Agintariak urte judizialaren irekiera ekitaldian egin ditu adierazpenok. Bertan, "aldaketa aro berriek erantzukizuna eta konpromisoa" behar dituztela ohartarazi du. Gainera, aro horiek Konstituzioan aldaketa ere ekar ditzaketela gogorarazi du.
Horren esanetan, EAEko "erronka politikoa" da "nazio sentimenduen artean topaketa espazioak identifikatzea".
Urkulluk nabarmendu du euskal gizarte gehienak Estatututik sortutako erakunde guztiak babesten dituela, eta Kontzertu Ekonomikoaren alde ere badagoela, "ongizatea hobetzeko oinarria" baita.
Lehendakariak azaldu duenez, Euskadiren "berezitasunaren oinarria" eskubide historikoak Konstituzioan eta araudian sartu izana da, eta hori "itunen" bidez mantendu da.
Horregatik, autogobernuaren etorkizuna "akordioa, elkar aitortza eta aldebikotasuna berreskuratzea" dela azpimarratu du.
Bere hitzaldian, gobernuburuak Adrian Celaya epaile zena (atzo zendu zen) eta Jose Maria Lidon duela 14 urte ETAk hildako epailea ekarri ditu gogora.
Foruen defentsa egin du Rementeriak
Bestalde, Erkidegoetako justizia auzitegi nagusietako presidenteen aurrean, foruak defendatu ditu Unai Rementeria Bizkaiko ahaldun nagusiak. ?Euskadiren eta Estatuaren arteko adostasuna lortzeko aktibo baliagarria dira?, adierazi du Rementeriak.
Rementeriak eta Ana Otaduy Batzar Nagusietako presidenteak Estatuko justizia auzitegien presidenteak hartu dituzte Gernikako Batzar-etxean.
Rementeriaren hitzetan, ?euskal foruen funtsak bizirik jarraitzen du?. ?Politikaren garai ilun hauetan akordioa eta egonkortasuna posible dira. Foruak aukera bat bezala ulertu ahal izatea espero dut, errespetuan eta akordioan oinarritutako garai politiko berri batean?, erantsi du.
Calparsorok Kontzertu Ekonomikoa defendatu du
Era berean, Kontzertu Ekonomikoak ?autogobernuaren ikur? bezala duen garrantzia azpimarratu du Juan Calparsoro EAEko fiskalburuak.
?Lege-dekretu baten bidez, Bizkaia eta Gipuzkoa probintzia traidore deklaratu zituzten 1937an, eta Kontzertu Ekonomikoa kendu zieten. Balio sinboliko bat du, gure autogobernuaren muinean dagoelako?, gogorarazi du fiskalburuak.
Ciudadanosek Kupoa eguneratzeko eskatu du berriro
Alemaniak duen antzeko finantziazio sistema federala nahi duela esan du Albert Rivera Ciudadanoseko presidenteak. Riveraren ahotan, Europako markoan ?zentzu gutxi du erkidegoen finantziazio eredua erreformatzea edo Konstituzioa ukitzea eztabaida horri heldu gabe?.
?Gutxienez? Kupoa eguneratzea nahi dutela aurreratu du Ciudadanoseko buruzagiak. Kupoa EAEk egin beharko lukeen ekarpenaren azpitik (% 30-35) dagoela azaldu du Riverak.
Albiste gehiago politika
Nafarroako herri lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina edo Jose Luis Abalosek agerraldia egiteko eskaerak. Agerraldiak urriaren erdialdean hasiko dira.
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.
Nafarroako PPren presidenteak curriculumeko datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin omen ez duen gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.