Rajoy: 'Tresna juridiko eta politiko guztiak martxan jarriko ditugu'
Mariano Rajoy Espainiako presidenteak ohartarazi du Espainiaren subiranotasuna eta batasuna defendatzeko "tresna politiko eta juridiko" guztiak martxan jarriko dituztela, Junts pel Si eta CUP alderdiek gaur Kataluniako Parlamentuan onartutako proposamena aurrera aterako balitz. Errepublika katalana eratzen hasteko adierazpena adostu dute bi alderdiok.
Proposamena aurkeztu eta berehala egin du Rajoyk agerraldia hedabideen aurrean, Espainiako Gobernuaren jarreraren berri emateko. "Probokaziotzat" jo du presidenteak Junts pel Sik eta CUPek aurkeztutako testua. Dela dela, "lasaitasunerako" mezua igorri du, proposamenaren "helburu bakar bat ere aurrera ez dela aterako" esanaz.
Gobernuko presidente den artean, Espainiak bere batasunari eutsiko diola eta "herritar askez osatutako nazioa" izaten jarraituko duela agindu du. "Zentzugabekerien gainetik" justizia gailenduko dela nabarmendu du.
Junts pel Si eta CUP alderdien proposamena "Konstituzioaren, legeen, katalanen gehiengoaren eta espainiarren interes orokorraren kontrakoa da", Rajoyren aburuz. "Katalunia Espainiarengandik banandu nahi dutenek jakin bezate ez dutela helburua lortuko", gaineratu du.
"Elkarrizketaren" alde agertu da Espainiako gobernuburua, betiere legearen barruan. Espainia eta espainiarrak defendatuko dituela agindu du, legeak ematen dizkion erremintak erabilita, hori delako bere ‘ardura’.
Legea betearazteko hartuko dituen neurriei buruz galdetuta, legealdi amaieran onartutako Auzitegi Konstituzionalaren erreforma ekarri du gogora. "Auzitegi Konstituzionalaren erremintekin eta Konstituzioak ematen dizkigun tresnekin, proposamen horretan jasotzen dena ez dela beteko berma dezaket", zehaztu du.
Diaz: 'Marra gorriak ezin dira zeharkatu'
Bestalde, Jorge Fernandez Diaz Barne ministroaren esanetan, JxSiren eta CUPen adierazpena "ke gortina bat" da, Pujol sendiaren etxebizitzetan egindako miaketak estaltzeko.
"Marra gorri batzuk ezin dira zeharkatu, eta horietako bat da Espainiaren batasuna hautsi nahi izatea", ohartarazi du ministroak, kazetarien aurrean egindako adierazpenetan.
Diazek gogorarazi du Estatuaren zerbitzu juridikoak ekimena aztertzen ari direla, eta, beraz, horien ebazpena ezagutu behar dela erantzuna aktibatzeko. Nolanahi ere, adierazpena "astakeria" dela eta Konstituzioa eta Estatutua "argi eta garbi" urratzen dituela esan du.
ituela esan du.Zure interesekoa izan daiteke
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.
Euskararen aurkako "oldarraldia marra gorri guztiak gainditzen" ari dela salatu du EH Bilduk
Euskalgintzaren Kontseiluak larunbat honetarako Bilbao Arenan antolatu duen ekitaldian parte hartzeko deia egin du koalizio subiranistak, "euskaltzaleen indar eta batasun erakustaldiarekin" bat egiteko.
Jon Insausti: "Politika ez da pankartetatik edo sare sozialetatik egiten"
Urriaren 29an hartu zuen Gipuzkoako hiriburuko aginte-makila, Eneko Goiak uko egin ostean, baina dio ez duela "minutu bat ere" galdu.
Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
Eusko Legebiltzarrak "eztabaidak errespetuz" egiteko deia egin du, De Andresi aipamen berezirik egin gabe
PPko presidenteak EH Bilduren "sarraskia" etorriko zela esan ondoren, koalizio abertzaleak babesa eskatu zion Legebiltzarreko Mahaiari baina honek ez dio zigorrik ezarri De Andresi.