Rajoy, batasuna defendatzen dutenen arteko gobernu 'zabal' baten alde
PP buru izango duen "espektro zabaleko" edota babes parlamentario zabaleko gobernu bat osatzearen alde mintzatu da Mariano Rajoy Espainiako Gobernuko jarduneko presidentea. Zehaztasunik eman ez badu ere, Espainiaren batasuna, burujabetza nazionala eta espainiarren arteko berdintasuna defendatzen duten alderdiek osatuko lukete.
Urteko azken Ministro Kontseiluaren amaieran, jarduneko Gobernuaren lehendabizikoa, Rajoyk prentsaurrekoa eskaini du Moncloa jauregian Pedro Sanchez (PSOE), Pablo Iglesias (Podemos) eta Albert Rivera (Ciudadanos) buruzagiekin egindako lehen bilera errondaren balorazioa egiteko.
Jarduneko presidenteak ez du zehaztu nortzuk osatuko luketen "babes parlamentario zabaleko" gobernu hori, baina PSOE eta Ciudadanos alderdiei zuzendutako mezua ei zen.
Halaber, Rajoyk ez du adierazi zer nolako gobernua duen buruan eta ez du 'koalizio handia' esapidea ez bere gain hartu eta ezta baztertu ere. "Formula gustukoena babes parlamentario zabalena izango duena da eta hori egingarria da gehiengoak bat egiten duelako hainbat gaitan", gaineratu du.
Balizko akordio zabal hori errazteko, PPren beste presidentegai baten mesedetan Gobernuko presidente izateari muzin egingo liokeen galdetuta, Rajoyk azpimarratu du aukera hori ez dutela mahai gainean jarri.
Gobernua osatzeko aukera horren aurrean, Rajoyk ez du "alternatiba hoberik" ikusten. Haren esanetan, "ez da zentzuzkoa" PSOE Espainiako Diputatuen Kongresuko buruzagitza lortzen saiatzea 350 eserlekuetako 90 bakarrik izanda. Are gehiago, Rajoyk uste du espainiarren "interes orokorretarako oso txarra" litzatekeela PSOEk Podemos, ERC eta Democracia y Libertad alderdien babesarekin gobernua osatzea. "Ez luke egonkortasuna bermatuko eta ez luke konfiantzarik sortuko Espainiatik kanpo eta inbertsoreengan", azpimarratu du.
Hori dela eta, Gobernua osatzen saiatuko dela berretsi du Mariano Rajoy Espainiako Gobernuko jarduneko presidenteak. Haren esanetan, espainiarrek argi adierazi dute herrialdea nork gidatzea nahi duten.
"Uste dugu espainiarrek argi dutela nork gobernatu behar duen. Mandatu bat dago eta espainiarren borondateari eta aginduari jarraituz, Gobernua osatzen saiatuko naiz", adierazi du Rajoyk.
Rajoyk azpimarratu du PPk irabazi zituela abenduaren 20ko hauteskunde orokorrak eta 30 eserlekuko eta 1,7 milioi botoko aldea atera ziola bigarrena izan zen PSOEri.
Espainiako ekonomia % 3,2 hazi da 2015ean
Ekonomiari dagokionez, Mariano Rajoyk aurreratu du Espainiako ekonomia % 3,2 hazi dela 2015ean, aurreikusitakoa baino hamarren bat gutxiago.
Hazkundea goraipatu du Rajoyk eta esan du hazkundea Europar Batasuneko herrialde nagusietako handiena izan dela. Gainera, 600.000 lanpostu sortu direla azpimarratu du.
Bestalde, Espainiak 2016rako Aurrekontua onartuta izatea defendatu du, zenbait kontra agertu badira ere, haren ustez oso positiboa delako.
elako.
Zure interesekoa izan daiteke
Mendozaren eta Asensioren arteko ika-mika gogorra, Ayesa afera dela eta
Ayesa operazioaren inguruko ikuspuntu ezberdinek lehertu dute xextra Gipuzkoako Aldundiko bazkideen artean. Jose Ignacio Asensio PSE-EEko kideak "lidergo falta" egotzi die Eider Mendoza Gipuzkoako diputatu nagusi eta Jon Insausti Donostiako alkate jeltzaleei. Mendozak "desleialtasuna" leporatu dio Jasangarritasuneko diputatuari.
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka egituraren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.