Eusko Jaurlaritzak 1936ko lehendabiziko ertzainak omendu ditu
Iñigo Urkullu lehendakariak gaur azaldu duenez, gaur egungo Ertzaintzak 1936. urtean sorrerako promozioa osatu zuten horien "identitate zeinuak" mantentzen ditu eta lehendabiziko ertzain horien "lekukoa eta legatua" ere jaso du.
Miguel Etxaguibel arrasatearra -97 urte- da bizirik gelditzen den garai hartako ertzain bakarra eta gaur omenaldia egin diote Arrasateko Udaleko osoko bilkuren aretoan, eta Arrasateko Udalaz gain, Eusko Jaurlaritzak ere ekitaldian parte hartu du Iñigo Urkullu lehendakaria eta Estefania Beltran de Heredia Segurtasun sailburua buru zirela.
Urkulluk Etxagibelen eta duela 80 urte horietan Ertzaintzako parte izan diren pertsona guztien "konpromisoa eta dedikazioa" nabarmendu ditu.
"Hasiera ez zen erraza izan: lehendabizi, Espainiako Gerra Zibila eta, gero, kartzela, erbestea eta diktadura", adierazi du Urkulluk. Ildo horretan, demokraziaren iritsierarekin "autogobernua" eta Ertzaintza berreskuratzea lortu zela azpimarratu du.
Terrorismoaren eta indarkeriaren garaiak ere gogora ekarri ditu Urkulluk. Haren esanetan, Ertzaintzak irmotasunez, sakrifizioz eta konpromisoz gainditu zuen egoera hori.
Bestalde, Etxagibel 80 urte iraun duen legatuaren ikurra dela aldarrikatu du eta oraindik ere hasierako identitate zeinuak indarrean daudela nabarmendu du Urkulluk: zerbitzurako bokazioa, herriarenganako gertutasuna, talde-lana, erantzuteko gaitasuna eta hiritarren konfiantza irabazteko konpromiso profesionala.
>
>
Albiste gehiago politika
Cerdan Servinabarreko bazkide zela ukatu egin du Antxon Alonso enpresariak
Epailearen aurrean egindako deklarazioan, Alonsok aitortu du PSOEko antolakuntza idazkari ohiak Servibanarreko bazkide bihurtzeko dokumentua sinatu zuela, baina hura ez zela inoiz burutu. Horrekin batera, Abalos ministro ohiaren fundazioari 4.500 euro eman zizkiola onartu du.
Sanchezek ustelkeriaren aurkako neurri sorta “handia” eramango du Kongresura, “konfiantza berreskuratzeko” asmoz
Horixe jakinarazi du Felix Bolaños Espainiako Presidentzia, Justizia eta Gorteekiko Harremanen ministroak, “milioika espainiar atsekabetuta, triste eta desengainatuta” sentitzea ulertzen duela azaldu aurretik.
Asensio “ziur” dago Cerdanen auziak ez duela PSE-EEko inor zipriztinduko
Miguel Angel Morales Antolakuntza idazkariaren izena UCOren txostenetan omen dagoela dioten informazioen aurrean, “urte hauetan Moralesek herriari egin dion zerbitzua” defendatu du Jose Ignacio Asensiok Euskadi Irratiko “Faktoria” saioan egindako elkarrizketan, eta ziur agertu da, "PSE-EEko inori buruz ez baita ezer aterako”.
Antxon Alonsok, Servinabar enpresan Cerdanen ustezko bazkideak, astelehen honetan deklaratuko du Auzitegi Gorenean
PSOEko Antolakuntza idazkari ohiaren eta EAJko eta EH Bilduko kargudunen artean bitartekari lanak egin zituen pertsona ere bada.
Otegi: "Ohore bat da, Euskal Herritik ez zarete pasatuko"
EH Bilduko idazkari nagusiak argi utzi du "ohorea" dela Alderdi Popularrak koalizioaren aurka "babes-hesia" ezartzea.
Gobernura iristen bada, Feijook ez dio osasun-hesirik jarriko ez Voxi, ez PSOEri, EH Bilduri baino ez
Alderdi Popularraren XXI. Kongresu Nazionalaren amaieran egindako hitzaldian, Sanchezen aurkako hitzak izan ditu nagusi, eta "zentraltasuna alde batera utzi" eta Sanchezek alderdia, herrialdea eta gutxiengoak "mendean hartu nahi" dituela leporatu dio, bai eta Espainia nazio anitza dela "ahaztu" izana ere.
Feijoo: "Gure herrialdea berreraikitzea da nire konpromisoa"
PPren burua berriro hautatu dute alderdiko presidente botoen % 99,24ko babesarekin. Hain zuzen ere, Feijooren lidergoa indartzea eta gobernu-alternatiba gisa agertzea helburu dituen XXI. Kongresu Nazionala egiten ari dira popularrak asteburu honetan.
Yolanda Diaz: "Pedro Sanchezek ez du herrialdea demokratikoki berreraikitzeko neurririk proposatu"
Espainiako Gobernuko Lan ministroak Pedro Sanchezek PSOEren Batzorde Federalean egindako agerraldia kritikatu du, eta, ohartarazi duenez, "aldaketarik ezean", asteazkenean Kongresuko osoko bilkuran egingo duen agerraldian "Alderdi Sozialistaren izenean hitz egingo du Sanchezek, ez Gobernuaren izenean".
Sanchezek hamahiru neurri proposatu ditu alderdi barruko ustelkeria kasuei aurre egiteko
Rebeca Torro valentziarra, orain arte Industriako Estatu idazkari zena, izango da Cerdanen ordezkoa. Ezagunak ziren polemikez gain, orain beste bat gehitu zaie, Salazarrek uko egin baitio bere karguari sexu-jazarpen salaketengatik.