E26ko garaipena berretsi nahi du Ahal Duguk hauteskunde autonomikoetan
Ahal Duguk uste du udazkenean egingo diren hauteskunde autonomikoetan ekainaren 26ko hauteskunde orokorretan izandako emaitza onak berretsiko dituela, gutxienez. EAEn, aipatu alderdia zegoen koalizioak botorik gehien eskuratu zituen indarra izan zen, bai eta eserleku gehien lortu zituena ere. Aurreikuspen hori plazaratu du igande honetan Lander Martinez Antolaketa idazkariak.
Martinezek prentsaurrekoa eman du Gasteizen, Ahal Duguren Kontseilu Autonomiko Hiritarra amaituta, eta nabarmendu du oso garrantzitsuak direla Elkarrekin Ahal Duguk Euskadin lortutako emaitzak.
Ahal Duguk, Ezker Batuak eta Equok osatutako koalizioak gainerako alderdiek baino boto eta eserleku gehiago lortu zituen Euskadin hauteskunde orokorretan; botoen % 29 jaso zuen eta Diputatuen Kongresuan sei ordezkari erdietsi.
Emaitzak, "nahiko homogeneoak"
Euskadin Ahal Duguko idazkari nagusiak azaldu du oraindik ez dutela identifikatu zergatik izan diren desberdinak emaitzak EAEn eta Estatuan. Hala ere, nabarmendu du Euskadiko emaitzak "oso positiboak" eta "nahiko homogeneoak" izan zirela, autonomia erkidegoa osatzen duten hiru lurraldeetan.
Martinezek hitz egin ere hitz egin du udazkenean egingo dituzten hauteskunde autonomikoen gainean (oraindik ez dago zehaztuta horien data). Podemoseko agintariak azaldu du alderdiaren helburua dela abuztuaren amaierarako izatea erabakita lehendakarigaia nor izango den. Gainera, azaldu du jarraitzen dutela pentsatzen hautagaia "independentea" izan behar dela, profil horrek ekar lezakeelako ekarpenik handiena.
Galdetu diotenean ea Ahal Duguk Ezker Batua eta Equorekin batera aurkeztuko den hauteskunde autonomikoetan, adierazi du "ate guztiak zabalik" daudela. Dena dela, plazaratu du aztertu behar dela zein izan den formula horren eragina hauteskunde orokorretan; une honetan, Podemoseko hainbat agintari zalantzan ari dira jartzen koalizio hori.
Ez da egon "mailegatutako botorik"
Martinezek aztertu du zein aukera dituen bere alderdiak hauteskunde autonomikoetan. Adierazi duenez, Euskadin izandako emaitzak ez dituzte lortu "mailegatutako botoari esker", edo "ontzi-aldatze mekaniko batengatik"; batzuek uste omen dute emaitzek harreman zuzena dutela hauteskundeak orokorrak izatearekin, eta, hortaz, ez direla errepikatuko autonomikoetan, eta horregatik esan du aipatutakoa Martinezek.
Bere iritziz, Ahal Duguk EAEn lortutako garaipenak "erro sakonagoak baditu"; izan ere, Euskadin "aldaketa sozial eta politikoak ari dira jazotzen".
Egoera horrek, esan duenez, hauteskunde-lur bat ematen dio alderdiari, hauteskunde-gune bat, eta, ondorioz, Ahal Dugun uste dute "gutxienez" errepikatuko dituztela emaitza oso onak autonomikoetan.
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.