Rajoy, Riverarekin egon ostean: Gobernua osatzeko aukera gehiago dago
Albert Rivera Ciudadanoseko liderrarekin egindako bilera "lehen pausu" bat izan dela uste du Mariano Rajoy Espainiako jarduneko presidente eta PPko buruak, eta gobernua osatzeko aukera gehiago dagoela iritzi dio. Ingurumaria horretan, akordioa albait arinen lortzeko lan egingo duela hitzeman du buruzagi 'popularrak'.
"Hiruzpalau arazo konpontzeko lankidetzan hastea abiapuntua da", esan du gobernuburuak. Rajoyren iritzian, "gaur badakit negozia dezakedala, aurrena, presazkoa dena". Hurrengo bilera noiz egingo duten ez du zehaztu, ordea.
Bi buruzagiak ia ordu eta erdiz egon dira bilduta. Bilera "adeitsu eta emankorra" izan da, Riveraren aburuz.
PPko presidenteak nabarmendu duenez, gaurkoa "lehen pausoa izan da. Ibilaldi luzeena ere pauso batekin hasten da. Inork ez du esan hau erraza edo arina denik".
Atzo baino baikorrago irten da Rajoy bileratik. "Aukerarik ikusi izan ez banu, ez nukeen gobernua osatzen saiatzeko erregearen enkargua onartuko", esan du. Egungo egoera abenduaren 20ko bozen ostekoa alderatu ezin dela argudiatu du PPko buruak, orduan "argi" zegoelako, haren iritzian, ganberako talde gehienek bere kontra egingo zutena.
Aurrerapausoa onartuta ere, "konpromisoa" eskatu die PSOEri eta Ciudadanosi. Rajoyren ustez, PSOEren konpromisoa barik, ez da gobernurik egongo, eta hauteskundeak izango dira hirugarrenez; era berean, "Ciudadanosen konpromisoa barik, ez da gobernatzeko egonkortasunik egongo".
Riverak, lehengo lepotik burua
Esandakoari eutsi dio Albert Rivera Ciudadanoseko presidenteak, eta, hala, Mariano Rajoyren inbestidura saioaren bigarren bozketan zuri bozkatuko dutela berretsi du gaur, Espainiako jarduneko presidentearekin bildu ostean eskainitako prentsaurrekoan.
Bileraren ondotik Kongresuan egindako adierazpenetan, inbestiduran ez, baina aurrekontuen negoziazioan aurrera egin dutela onartu du Ciudadanosekko buruak. Azaldu duenez, behin inbestidura gaindituta, datorren urterako gastu-sabaia eta 2017ko aurrekontuan negoziatzeko osatuko den mahaian parte hartzeko prest daudela esan dio Rajoyri. Hala, PPk proposamena bidaliko dio Ciudadanosi, azter dezan. Irailaren 30a baino lehen aurkeztu behar ditu gobernuak datorren urterako kontuak.
Alderdi laranjaren presidentearen iritzian, aurrekontuak "Espainiarenak eta Europarenak" dira, eta, beraz, alderdien interesen gainetik daude. PSOE ere negoziaziora bilduko dela espero du Riverak.
Auzi ekonomikoaz landa, independentzia asmoen kontra eta Espainiaren batasunaren defentsan ituna sinatzearen beharrean ere bat egin dute Ciudadanosek eta PPk. Riverak eraman du proposamena, eta Rajoyk "begi onez" ikusten duela esan dio.
Gainerakoan, baina, lehengo lepotik du burua Riverak. Gehienez ere, bigarren bozketan abstenitu egingo dela azpimarratu du Riverak. PPk, baina, aldeko botoak behar ditu Rajoy presidente izendatzeko. PSOEri ere zuzendu zaio Ciudadanoseko burua, eta "ezetz" esateari uzteko eskatu dio. "Blokeoak hirugarren hauteskunde batzuk ekarriko ditu", deitoratu du.
Zure interesekoa izan daiteke
Euskadik eta Espainiar Estatuak aldebiko batzorde bat sortuko dute aireportuen kudeaketan parte hartzeko
Aireportu-azpiegiturei buruzko akordioak bi administrazioen arteko lankidetza-organo bat abian jartzea aurreikusten du, indarrean dagoen eskumen-araudia errespetatuz, Euskadik erabaki estrategikoetan esku hartzeko aukera izan dezan.
Euskal Herriaren proiektu nazionala indartzeko beharra azpimarratu du EH Batera herri ekimenak Lizarran
Aberri Egunaren ofizialtasuna eta instituzionalizazioa ere aldarrikatu dituzte ekimeneko ordezkariek gaur Lizarran egin duten ekitaldian. Zehazki, gaur egun ez duen aitortza eta zabalpena emateko eskatu dute, "urrats txikia bezain eraginkorra" izango litzatekeela iritzita.
Etchegarayk eta Blancok hartu dute Baionako eta Biarrizko alkate kargua
Atzo, Kanboko eta Hendaiako aginte makila jaso zuten Peio Etxelekuk eta Kotte Ecenarrok. Bigarren itzuliaren ostean alkate karguak hartu eta gero, orain argitzeko dagoen bakarra da Euskal Hirigune Elkargoko presidente izateko hautagaiak nortzuk izango diren. Etchegarayk ez du horren inguruko arrastorik eman.
Bizikidetza eraikitzeko, egian oinarritutako memoria eskatu du Eneko Anduezak
Euskadiko sozialista gazteek Oroimen Hegoak sariak banatu dituzte Donostiako Miramar Jauregian. PSE-EEk ezberdin pentsatzeko askatasuna bermatzeko lanean jarraituko duela aldarrikatu du Anduezak.
Euskadiren eraikuntzan buru-belarri arituko den gazteria aldarrikatu du Aitor Estebanek, pankarta atzean geratzen direnen aurrean
EGI egunaren ekitaldi nagusian parte hartu du Aitor Esteban EBBko presidenteak, Mungian. Gizartean eta alderdian euren lekua hartzeko eskatu die gazte jeltzaleei.
Aireportuen kudeaketan parte hartzeko gaitasunak iritzi ezberdinak sortu ditu euskal alderdien artean
EAJk uste du "albiste bikaina" dela, eta PSE-EEk, berriz, akordioa bere dimentsioan jartzeko eta gehiegizko espektatibarik ez izateko eskatu du. Oposizioak kritikatu du "lehendakariak argazki bat bilatu duela Madrilen", eta akordioa "kea baino ez" dela.
Mikel Serrano, Zumarragako PSE-EEko alkatea, Korrikaren lekukoarekin
Alkateak eraman du Korrikaren lekukoa Gipuzkoako udalerriko Udalbatzari esleitutako kilometroaren lehen metroetan. PSE-EEk Korrikan alderdi gisa ez parte hartzea erabaki zuen, CCOOk betoa jaso ostean, baina ordezkari batzuk parte hartzen ari dira.
Aena aztertzen ari da Jaurlaritzak eta Espainiako Gobernuak egin duten akordioaren aurkako neurriak hartzeko aukera
Enpresa publikoak azpimarratu duenez, aldebiko organo berria "aholku-emailea besterik ez da izango" eta ez ditu bere eskumenak aldatuko. Gainera, ohartarazi du arriskuan jar daitekeela legedia, egungo araudiaren mugak gainditzen badira.
Torresek ontzat jo ditu itunak, eta "Konstituzioa, Estatutua eta legedia" errespetatzen dituztela esan du
Angel Víctor Torres ministroak Aldebiko Batzordearen bilera "produktiboa" izan dela esan, eta aurrez egin den "lan handia" nabarmendu du. Bi administrazioek, gainera, etorkizunean industria, energia, osasun eta immigrazio alorretan, besteak beste, akordioak lortzeko negoziazioen ildoak ireki dituztela aurreratu du. Horren ustez, "akordioan, askatasun instituzionalean eta kudeaketa publikoaren eraginkortasunean" oinarritutako lankidetza eredua finkatzen ari da.
Pradalesen iritzian,"akats politiko larria" da 'Guernica' ekartzeari atea ixtea kontserbazio txostena jasotze hutsagatik
Lehendakariaren arabera, Reina Sofia Museoaren ezezkoak ez luke nahikoa izan behar Pablo Picassoren margolana Bilboko Guggenheimera 9 hilabetez ekartzea baztertzeko. Guernica Euskadira ekarrita munduari "erreparazio" mezu bat bidaliko litzaioke, horren ustez, eta hori esan dio Pedro Sanchezi.