1936an fusilatutako 32 irakasle nafar omendu dituzte Iruñean
Frankismo garaian hildako eta zigortutako 300 irakasle nafar baino gehiago omendu ditu larunbat honetan Nafarroako Gobernuak, haien lana, oroimen demokratikoaren berreskurapena eta "egia, justizia eta erreparaziorako eskubidearen" defentsa goratzeko asmoz.
1936an estatu-kolpe frankistaren ostean, 32 irakasle (31 gizonezko eta emakumezko bat) fusilatu zituzten Nafarroan. Larunbat honetako omenaldia Iruñeko San Jose Plazan izan da, garai batean Magisteritzako Eskola izan zen egoitzan, hain zuzen ere.
Nafarroako Gobernuak antolatutako ekitaldian irakasle horien senideak izan dira, Foru Gobernuko hainbat ordezkarirekin batera, Uxue Barkos Nafarroako presidentea eta Joseba Asiron Iruñeko alkatea, besteak beste.
Oroitzapenezko plaka bat eta irakasle horien izen-abizenak zekarren panel handi bat inauguratu dituzte garai batean Magisteritza Eskola izandako egoitzaren aurrealdean. Bost senidek hitza hartu dute instituzio publikoei eskerrak emateko.
Gizarte zuzenagoa eta demokratikoagoa
Horien aurrean, Uxue Barkos Nafarroako presidenteak azpimarratu duenez, Nafarroako Gobernuak "konpromiso irmoa du oroimen demokratikoaren berreskurapenarekin eta egia, justizia eta erreparaziorako eskubidearen defentsarekin".
Barkosen hitzetan, 1936ko estatu-kolpeak langile publikoen artean izandako oposizioa ezabatu nahi izan zuen, "irakasleen artean bereziki, hezkuntza aurrera egiteko motorra baita, eta gizarte modernoago eta libreago baten zutabea". Balore horiek "jomuga jo zituen frankismoak", Nafarroako presidentearen aburuz. Gauzak horrela, "gizarte zuzenago, etikoago eta demokratikoago baten alde" egin du.
Barkosek hitzaldia amaitu duenean, frankismoak hildako eta zigortutako iraskaleen izen-abizenak jaso dituen panelaren azpian krabelin gorriak utzi dituzte ordezkari politikoek eta senitartekoek.
Jokin de Carlos Fusilatutako Senideen Elkarteko presidenteak adierazi duenez, frankistek "ez zuten inoiz onartu irakasle progresista horiek klase sozial baxuekiko zuten konpromisoa".
Gero, modu pribatuan, hildako irakasleen familia bakoitzak metalezko zilindro bat jaso du, barruan irakasle omenduaren izena zuela.
Zure interesekoa izan daiteke
Transferentzien asteleheneko bilera urtarrilaren 16ra atzeratu dute, ez dagoelako “beharrezko baldintzarik” bermeekin egiteko
Eusko Jaurlaritzak eta Espainiako Gobernuak egin behar zuten bilera bermeekin gauzatzeko baldintzarik gabe, bi aldeek atzeratzea adostu dute. EITBk kontsultatutako Autogobernu sailaren iturrien arabera, finantzaketa-sistemari buruzko gaiak konpontzeke daude oraindik.
Ayesaren erosketari "danbatekoa" eman eta "garapena mespretxatzea" egotzi dio PPk EAJri
"Zenbat milioi euro utziko ditu Foru Ogasunak horrelako erabaki politiko batengatik", galdetu du PPk Gipuzkoako Batzar Nagusietan duen bozeramaileak. Bere arabera, jeltzaleek "arrisku larrian jartzen dute langileak zein enpresa bera errotzea zerga ordaintzaile gisa".
EH Bildurentzat ulergaitza da Gipuzkoako Kutxa fundazioak Ayesa erosteko osatzen ari den euskal partzuergoan egoteari uko egitea
Maddalen Iriartek anbizio gehiago eskatu die Gipuzkoako jeltzaleei, Ayesak lurraldean duen errotzea ez galtzeko. "Gipuzkoak ez du ahotsik izango Ayesan, hala erabaki dutelako bertako elite politiko eta finantzieroek", deitoratu du Iriartek.
Feijook ukatu egin du Mazonen mezuak ezabatu izana, eta ziurtatu du bete duela epaileak eskatutakoa
Eskatutako WhatsAppak epaitegira bidali dituela adierazi du PPko buruak, eta telematikoki deklaratzea eskatu du.
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.