Agirreren Gobernuaren aniztasuna aldarrikatu du Urkulluk
Gaur 80 urte osatu zen lehenengo Eusko Jaurlaritza eta Jose Antonio Agirrek 32 urte zituela zin egin zion lehendakari karguari, Gernikako arbolaren aurrean. Gerra Zibila hasi eta sei egunera osatu zen gobernu hura. Urteurrena gogoratzeko, ekitaldi berezia egin dute Gernikan, bost lehendakari bertan zirela.
Irudi hura, eta gizon eta emakume haiek, gogoratu nahi izan dituzte gaur. Argazkia errepikatu du egungo Jaurlaritzak; musikaren, dantzaren eta antzerkiaren bidez, orduko gobernu osaketa irudikatu dute.
Iñigo Urkullu lehendakariak hartu du hitza, eta Agirreren "elkarlanerako eta akordioarako" borondatea azpimarratu du. Ideologia ezberdinetako alderdiak batzeko egin zuen ahalegina ekarri du gogora, Gobernua orduko "aniztasunaren" ispilu bilakatuz. Espiritu hura egungo egoera ekartzeko premia azaldu du Urkulluk. Lehendakariak herria eraikitzen jarraitzeko borondatea berretsi du, autogobernuaren hitzarmen izaera eguneratuz.
"Duintasun-eredua"
Lehen Euskal Gobernu hark islatzen zituen elkarrizketarako, akordioetarako eta emandako hitza betetzeko baloreekin bat egiten dutela adierazi du Urkulluk. "Humanismoan eta etikan oinarritutako gobernua abiatu zuen Agirrek, askatasunari eta demokraziari estuki lotuta. Gobernu ona, duintasun-eredua", esan du.
Horrez gain, "kompromezu soziala, jarrera berritzailea, nazioarteko ikuspegia, eta Europa berri baten eraikuntzan parte hartzeko borondatea" azpimarratu ditu.
Orobat, elkar ulertu eta leial izateko apustuaz gain, "Agirrek desberdinen arteko Gobernu anitza" eratu zuela gogoratu du: "elkarkidetza eta akordiotik abiatuta, aurrera egiteko eredua" orduan bezain beharrezkoa gaur egun ere Euskadin.
"Herriari laguntzea eta herria eraikitzea da gure bokazioa, hitzartutako autogobernuaren jatorria eguneratzea; gure tradizio foralarekin bat egiten duen prozedura, azken batean", gaineratu du lehendakariak.
Azkenik, autogobernurako sistema berezi eta propioa sendotzeko eta Euskadi indartzeko beharra defendatu du, Europa eraikitzen jarraitu eta Basque Country munduan barrena islatzeaz gain.
islatzeaz gain. islatzeaz gain.Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.