Azkainen atxilotuak epailearen esku utziko dituzte datozen orduotan
Frantziako Poliziak Mikel Irastorza ETAren talde logistiko-militarreko ustezko burua atxilotu du Azkainen, Lapurdin. 2015ean David Pla eta Iratxe Sorzabal atxilotu ostean, Irastorzak taldearen buruzagitza bere gain hartu zuela uste du Poliziak.
Irastorzarekin batera, bikote bat ere atxilotu du Frantziako Poliziak. Epaitegietako iturrien arabera, ETAko ustezko kidea etxean hartu zuten 59 urteko gizona eta 56 urteko emakumea dira atxilotutakoak. 'Nerin' izena jarri diote operazioari.
06:00etan izan dira atxiloketak, Lur Eder auzoko etxebizitza batean.
Guardia Zibilarekin elkarlanean ari da Frantziako Polizia, eta operazioa zabalik dago. Ez dute atxiloketa gehiago egitea baztertzen.
Hiru atxilotuak Baionara eraman dituzte, eta hango polizia-etxean daude (gehienez 96 ordu eman ditzakete bertan), epailearen aurrera deklaratzera noiz eramango zain.
Bi polizia, atxiloketak izan diren etxebizitza zaintzen. EFE.
Donostiarra da Irastorza, eta, besteak beste, Nazio Eztabaidagunean hartu zuen parte. Poliziaren arabera, 2008tik ihesean zegoen.
2011ko urrian ETAk armak utziko zituela iragarri zuenetik, talde armatuko zazpi ustezko arduradun hartu dituzte preso.
2015eko irailean, David Pla eta Iratxe Sorzabal atxilotu zituzten Baigorrin, ETAko buruzagiak izatea egotzita.
2012ko maiatzean, berriz, Oroitz Gurrutxaga Gogorza eta Javier Aranburu Sagarminaga atxilotu zituzten, Cauna udalerrian, Frantzia hego-ekialdean. Gurrutxagari ETAren talde militarraren buru izatea leporatu zioten.
Urte horretan bertan, urrian, Izaskun Lesaka ETAren armategiaren ustezko arduraduna hartu zuten preso Frantzian, Macon eskualdean.
Eta iazko uztailean Iñaki Reta de Frutos eta Xabier Goienetxea ETAren aparatu logistikoko ustezko buruak atxilotu zituzten Ortzaizen.
Armategia
Joan den urrian, Guardia Zibilak eta Frantziako Barne-Segurtasun Zuzendaritzak ETArena izan litekeen armategi bat aurkitu zuten Frantzia iparraldean (Paristik 100 kilometro ingurura). Dirudienez, armategia ez zegoen indarrean, eta armak bidoien barruan zeuden lurperatuta.
Elkarretaratzeak
Bestalde, atxiloketak salatzeko asmoz hainbat elkarretaratze izan dira larunbat arratsalde honetan. Azkainen bertan, polizia-operazioa gauzatu den Herriko Plazan arratsaldeko 19:00etan egin da protestarik jendetsuena. Bertan bildutakoek atxilotuei babesa eskaini diete. Gainera, Donostian eta Ataunen ere egin dituzte elkarretaratzeak, donostiarra baita Irastorza ETAko ustezko buruzagia eta ataundarra atxilotu duten etxeko gizona.
Azkainen izandako elkarretaratzea. Argazkia: EiTB
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.