Sara Majarenas aske uztea eskatu du Sarek Donostian
Joseba Azkarraga Sare herri mugimenduko bozeramaileak Sara Majarenas presoa "justizia eta gizatasunagatik" aske uztea eskatu du gaur, eta, baita "premiaz" Donostiako Martutene espetxera eraman dezatela ere.
Azkarragak Donostian egin ditu adierazpen horiek, Majarenasen askatasuna eskatzeko Sarek deitu duen elkarretaratzean; izan ere, joan zen igandean, Benifaio (Valentzia) herrian, Sara Majarenasen bi urteko alaba labanaz zauritu haren aitak.
Hirurehun bat lagun bildu dira arratsaldeko 19:00etan Donostiako Alderdi Ederreko lorategietan egin den protesta isilean. Protestaren buruan zegoen kartelean honako lelo hau irakur zitekeen: "Giza eskubide guztiak errespetatuak izan daitezen. Salbuespen legediarekin amaitu!".
Joseba Azkarragak adierazi duenez, Sare behartuta agertu da berriz ere ""justizia eta gizatasuna" eskatzeko Sara Majarenasek bizi duen egoeraren aurrean.
Izar bere alaba "hiltzeko saiakeraz gain", presoak bizi duen "egoera" gaineratu behar zaiola adierazi du Azkarragak, eta bere aburuz, Espainiako "Gobernuak duen espetxe politikaren eta Justiziaren adibide garbia da".
Azkarragaren esanetan, Majarenas "bere etxetik 500 kilometro baino gehiagora urrunduta dago, eta horri gehitu behar zaio salbuespenezko legedia baten menpe dagoela, baldintzapeko askatasuna lortzea eragozten diona, hamahiru urteko zigorralditik hamabi beteta izan arren".
Hori dela eta, Azkarragak, "kasu zehatz honetan, gizatasunagatik besterik ez bada ere, baldintzapeko askatasuna" eskatu du Majarenasentzat, eta, hori gertatzen den bitartean, Martuteneko espetxera "premiaz" leku alda dezatela, bere senitartekoekin egon dadin "bizi duen une larri eta zail horretan".
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.