Lauaxeta omendu dute Mungian eta Gasteizen, hil zuteneko 80. urtemugan
Estepan Urkiaga Basaraz, "Lauaxeta", euskal idazlea fusilatu zutela 80 urte bete direnean, omenaldiak egin dizkiote gaur Mungian eta Gasteizen. Izan ere, frankistek 1937ko ekainaren 25ean hil zuten, Gasteizko Santa Isabel hilerrian.
Mungian antolatutako ekitaldian, besteak beste, Kultura eta Hizkuntza Politikako sailburu Bingen Zupiria izan da.
Bingen Zupiriak Mungian egindako adierazpenak.
Jaurlaritzako ordezkari horrez gain, beste agintari hauek ere bildu dira bertan: Bizkaiko ahaldun nagusi Unai Rementeria, Euskara eta Kultura diputatu Lorea Bilbao, Gogora institutuko zuzendari Aintzane Ezenarro eta Mungiako alkate Ager Izagirre. Agintari horiekin batera, idazlearen senideak ere izan dira Mungiako Berteizko hilerrian, Lauaxeta omendu eta hari lore-eskaintza bat egiteko.
Lauaxeta Laukizen jaio zen arren, Mungian eman zituen bere haurtzaroko eta gaztaroko urte gehienak. Euskal poeta eta kazetari ezaguna izan zen, eta ekarpen nabarmena egin zuen euskal letretan. Euskaltzalea eta abertzalea zenez, Gerra Zibilean Eusko Jaurlaritzarekin egin zuen lan, tropa frankistek atxilotu arte. Gasteizen hil zuten frankistek, Santa Isabel hilerrian, 1937ko ekainaren 25ean, 31 urte zituela.
Omenaldia Gasteizen
Arabako hiriburuan ere gogoratu dute, Karmengo elizaren plazan Lauaxetaren oroimenez dagoen bustoaren aurrean lore-eskaintza eginez. Horrez gain, bustoari ikurrina bat eta errepublikaren bandera bat jarri dizkiote.
Gasteizko omenaldia. Argazkia: EiTB
Besteak beste, Gorka Urtaran Gasteizko alkateak eta Udaleko alderdi guztietako ordezkariek hartu dute parte ekitaldi horretan. Gasteizko omenaldiak, Lauaxeta gogoratzeaz gain, 1936tik 1977ra arte indar frankistek Santa Isabel hilerriko hormaren kontra fusilatu zituzten ia 200 pertsonak ere gogoratu ditu.
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.