Talde politiko guztiak izan dira Miguel Angel Blanco oroitzeko ekitaldian
ETAk bahitu eta hil zuela 20 urte bete direnean, Miguel Angel Blanco omendu dute gaur eguerdian Ermuan. Udalak antolatutako ekitaldian indar politiko guztietako ordezkariak izan dira, baita EH Bildukoak ere.
Besteak beste, ondoko politikari hauek izan dira: Itxaso Atutxa EAJren Bizkaiko presidentea; Maddalen Iriarte, Peio Urizar eta Julen Arzuaga EH Bilduko legebiltzarkideak; Nagua Alba Elkarrekin Podemoseko parlamentaria; Idoia Mendia PSE-EEko idazkari nagusia; Patxi Lopez lehendakari ohia; eta Alfonso Alonso Euskadiko PPren presidentea.
Javier de Andres Espainiako Gobernuak Euskal Autonomia Erkidegoan duen ordezkaria, Bakartxo Tejeria Eusko Legebiltzarreko presidentea eta Juan Luis Ibarra EAEko Justizia Auzitegi Nagusiko presidentea ere bertan izan dira.
Ertzaintzak, Espainiako Poliziak eta Guardia Zibilak ere parte hartu dute omenaldian, baita ordezkari sindikalek, enpresariek eta herritarrek ere.
Agustin Ibarrola artistak biktimen omenez egindako oroigarriaren aurrean egin dute ekitaldia. Amaitzeko lore-eskaintza egin dute, Blancoren omenez.
(Maddalen Iriarte EH Bilduko legebiltzarkideak Miguel Angel Blancoren omenezko lore-eskaintzan. Argazkia: EFE)
Barkamena eskatzea eta iragana gaitzestea
Carlos Totorika Ermuko alkateak esan du ETAk barkamena eskatu eta desegin egin behar duela. "ETAk eta ezker abertzaleak beren iragana kritikatu eta gaitzetsi egin behar dute, gaizki egin zutela esan behar dute; izan ere, ezberdin pentsatzen zutenak hiltzeko erabili zuten indarkeria, hori da egia historikoa", adierazi du.
Horrez gain, ETAk "indarkeria justifikatzeko erabili zuen arrazoia ere" gaitzetsi behar duela azpimarratu du.
"Bizikidetza ez da posible izango gazteengan gorrotoa landuz gero; eta hala gertatuko da Etakideak heroi bezala hartzen badira, intimitatean bada ere, eta abertzale ez garenok euskaldunen kontrakoak garela ulertzen bada", erantsi du.
Totorikak garai hartan Euskal Herrian bizi zen testuingurua salatu du eta gogor kritikatu du ezker abertzaleak izandako jarrera. "ETAk, Herri Batasunarekin batera, Estatu paralelo bat osatu zuen, Euskadiko herriak, eskolak, epaileak… kontrolatzen zituen sare mafiosoa eratu zuen", esan du.
"Estatu paralelo hori oso indartsua izan zen, gizarte zibila paretaren kontra jarri zuen, mehatxuekin, pintadez, ibilgailuak eta etxebizitzak erreta", gaineratu du.
Manifestazio jendetsuak
Totorikak aitortu du ez zuela itxaropen handirik ETAk Miguel Angel Blanco aske utziko zuela eta, beraz, oso garrantzitsutzat jo zuen haren askatasuna exijitzea eta "hiltzaileak zirela aurpegiera esatea".
Blanco hilda, "ETA okertu egin zen, ez baitzuen imajinatzen hilketa hark Ermuan hasieran eta Espainia guztian gerora eragingo zuen erantzuna hain handia izango zela", nabarmendu du.
"Mobilizazio handi horiekin beste aldera begiratzea eta beldurra amaitu ziren. Handik aurrera, hilketa bakoitzeko mobilizazioak izan ziren, ETA ahuldu egin zen eta Zuzenbide Estatuak indarra hartu zuen", azpimarratu.
Bestalde, gaurko omenaldian Jose Maria Calleja kazetariak ere hartu du hitza. Alde batetik, pozik egoteko eguna dela esan du, "ETA garaitua izan delako" eta "hileta batean berriro elkartuko ez garela badakigulako".
Baina bestetik, "egun tristea ere bada, hildakoak ez direlako bueltatuko eta terrorismoaren biktimak kalean gure artean berriro ikusiko ez ditugulako", deitoratu du.
Julen Arzuaga omenaldira joan izana kritikatu du Alfonso Alonsok
Bestalde, Alfonso Alonsok gogor kritikatu du Julen Arzuaga EH Bilduko legebiltzarkidea Miguel Angel Blancoren omenezko ekitaldian egon izana: "Bere burua zuritzera etorri da".
"Bere burua zuritzera etorri da. Miguel Angel bahitu zutenean ez zuen haren askatasuna eskatu; hil zutenean, hilketa txalotu zuen eta hiltzaileak babestu zituen; eta gaur hilketa hura egiteko erabili ziren kausa eta proiektu bera defendatzen jarraitzen du", azpimarratu du Euskadiko PPren buruzagiak.
"Arzuaga jauna soberan dago. Gainerako guztiak batuta geunden duela 20 urte eta batuta jarraitzen dugu orain. Hori da garrantzitsuena", erantsi du.
Bigarren aldia da EH Bilduk Miguel Angel Blancoren omenaldian parte hartzen duela, Ermuan. Iaz, Peio Urizar EAko idazkari nagusi eta EH Bilduko parlamentaria izan zen ekitaldian.
Zure interesekoa izan daiteke
Transferentzien asteleheneko bilera urtarrilaren 16ra atzeratu dute, ez dagoelako “beharrezko baldintzarik” bermeekin egiteko
Eusko Jaurlaritzak eta Espainiako Gobernuak egin behar zuten bilera bermeekin gauzatzeko baldintzarik gabe, bi aldeek atzeratzea adostu dute. EITBk kontsultatutako Autogobernu sailaren iturrien arabera, finantzaketa-sistemari buruzko gaiak konpontzeke daude oraindik.
Ayesaren erosketari "danbatekoa" eman eta "garapena mespretxatzea" egotzi dio PPk EAJri
"Zenbat milioi euro utziko ditu Foru Ogasunak horrelako erabaki politiko batengatik", galdetu du PPk Gipuzkoako Batzar Nagusietan duen bozeramaileak. Bere arabera, jeltzaleek "arrisku larrian jartzen dute langileak zein enpresa bera errotzea zerga ordaintzaile gisa".
EH Bildurentzat ulergaitza da Gipuzkoako Kutxa fundazioak Ayesa erosteko osatzen ari den euskal partzuergoan egoteari uko egitea
Maddalen Iriartek anbizio gehiago eskatu die Gipuzkoako jeltzaleei, Ayesak lurraldean duen errotzea ez galtzeko. "Gipuzkoak ez du ahotsik izango Ayesan, hala erabaki dutelako bertako elite politiko eta finantzieroek", deitoratu du Iriartek.
Feijook ukatu egin du Mazonen mezuak ezabatu izana, eta ziurtatu du bete duela epaileak eskatutakoa
Eskatutako WhatsAppak epaitegira bidali dituela adierazi du PPko buruak, eta telematikoki deklaratzea eskatu du.
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.