Rajoy: 'Barkamena eskatzea eta desagertzea besterik ez zaio geratzen ETAri'
Mariano Rajoy Gobernuko presidenteak larunbat honetan adierazi duenez, "egindako mina aitortzea, biktimei barkamena eskatzea eta desagertzea besterik ez zaio geratzen zaio ETAri, gizarteak hala eskatzen baitio".
PPko Belaunaldi Berriek antolatutako Miguel Angel Blanco Udako Ikastaroaren lehenengo jardunaldian izan da Rajoy, Bilboko Euskalduna Jauregian, hain zuzen ere.
Gobernuko presidenteak azpimarratu duenez, Espainiar Estatuak gaur egun dituen gai nagusiak dira "subiranotasun nazionalaren defentsa eta terrorismoaren aurkako borroka". Izan ere, azken hilabeteetan Europako hainbat herrialdetan izandako atentatu jihadistak gogora ekarri ditu.
Duela 20 urte ETAk hildako Miguel Angel Blanco PPko zinegotziaren memoria oroitu du Rajoyk. "Zerbitzu publikoaren bokazioa eta lan egiteko grinak zituen, eta PPn izena eman zuen, baina terroristek bizitza kendu zioten", adierazi du.
Gainera, duela 20 urte gizarteak terroristei esandako "aski da" azpimarratu du Gobernuko presidenteak, eta horrek "'Ermuako izpiritua' herritarren altxamendua eragin" zuela. "Terrorismoaren aurkako borrokan inflexio-puntua izan zen", nabarmendu du.
Katalunia
Bestalde, Kataluniako auzia ere hizpide izan du Rajoyk. Ohartarazi duenez, Kataluniako referendumarekin Puigdemontek aurrera egiten badu, eta "erradikaltasunaren malda arriskutsutik irristatzen bada, Legearen neurrizko indarrarekin erantzungo dugu".
"Inora ez daraman erronka da", esan du, "ez dauka arrakastarik izateko inolako aukerarik, haiek badakite, zarata handia sortu arren".
Zure interesekoa izan daiteke
EH Bildurentzat ulergaitza da Gipuzkoako Kutxa fundazioak Ayesa erosteko osatzen ari den euskal partzuergoan egoteari uko egitea
Maddalen Iriartek anbizio gehiago eskatu die Gipuzkoako jeltzaleei, Ayesak lurraldean duen errotzea ez galtzeko. "Gipuzkoak ez du ahotsik izango Ayesan, hala erabaki dutelako bertako elite politiko eta finantzieroek", deitoratu du Iriartek.
Feijook ukatu egin du Mazonen mezuak ezabatu izana, eta ziurtatu du bete duela epaileak eskatutakoa
Eskatutako WhatsAppak epaitegira bidali dituela adierazi du PPko buruak, eta telematikoki deklaratzea eskatu du.
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.
Euskararen aurkako "oldarraldia marra gorri guztiak gainditzen" ari dela salatu du EH Bilduk
Euskalgintzaren Kontseiluak larunbat honetarako Bilbao Arenan antolatu duen ekitaldian parte hartzeko deia egin du koalizio subiranistak, "euskaltzaleen indar eta batasun erakustaldiarekin" bat egiteko.
Jon Insausti: "Politika ez da pankartetatik edo sare sozialetatik egiten"
Urriaren 29an hartu zuen Gipuzkoako hiriburuko aginte-makila, Eneko Goiak uko egin ostean, baina dio ez duela "minutu bat ere" galdu.