Belgikako lehen ministro ordeak Espainia kritikatu du Kataluniako auzian
Jan Jambon Belgikako lehen ministro orde eta Barne Ministerioko arduradun nazionalistak Espainiako Gobernuaren jokabidea kritikatu du, Kataluniako buruzagi independentisten aurka erakutsitako jarreragatik. Haren iritziz, Espainiak lege nazionalak Giza Eskubideen Europako Hitzarmenaren eta arau espainiarraren gainetik dauden beste batzuen aurretik jarri ditu prozesuaren kudeaketan.
"Europako estatu batean gertatzen ari da hau, eta alde guztietatik isiltasuna dagoela nabari dut. Europa zeren zain dagoen jakin nahiko nuke. Polonian edo Hungarian gauza bera gertatu izan balitz, bestelako erreakzioak egongo liratekeela deritzot”, azaldu du VTM telebista kateari eskainitako elkarrizketa batean.
Adierazpen horien aurrean, Esteban Gonzalez Pons PPk Europako Parlamentuan duen bozeramaileak "aurrekari xenofoboak dituen" alderdi bateko kide izatea leporatu dio Belgikako Barne ministroari. Hori kontuan izanik, "Espainiakoa bezalako demokrazia bati ikasgairik ez emateko" eskatu dio.
Horrez gain, Ségolène Royal Frantziako Ekologia ministro ohi eta 2007ko Frantziako hauteskundeetan presidentetzarako hautagai izandakoak "Kataluniako Gobernua jasaten ari den jazarpena" kritikatu du. "Edonork ikus ditzake harriduraz borroka ideologiko bat gidatzeagatik espetxeratu dituztela politikariak", esan du Royalek.
Royalen aburuz, "ongi funtzionatzen ez duen Europa agerian uzten du horrek; izan ere, erakundeek bitartekari lanetan aritu beharko lukete". Dena den, ministro ohia ez dago indepentziaren alde, "Europa mailan bestelako aldarrikapenak eragin baititzake". Hala eta guztiz ere, horren ustez, "ez da onargarria pertsonak kartzelatzea".
Zure interesekoa izan daiteke
Feijooren iritziz, 2025 “sanchismoaren erabateko kolapsoaren urtea” izan da
Alberto Nuñez Feijoo PPren buruak Espainiako Gobernuaren "10 porrot" aipatu ditu, horien artean, etxebizitza, migrazio politika eta "nazioarteko mesfidantza".
Loiuko Udaleko Bozeramaileen Batzordeak herriko alkatearen kontrako pintaketak gaitzetsi ditu
Tokiko erakundeak premiazko bilera egin du gaur goizean adierazpen instituzional bat adosteko. Pintaketetan Josu Andoni Begoriaren izena ageri da, diana bat erdian duela. EAJren eta PPren aldeko botoekin onartu dute testua; EH Bilduk ez du sinatu.
Bilboko Udalak 2026rako aurrekontua onartu du, eta urte bukaerako ohiko brindisa egin dute alderdi guztiek
EAJren eta PSEren botoak nahikoak izan dira aurrekontua onesteko, oposizioaren proposamenak onartu gabe. Hiriburuak 751 milioi euro izango ditu, 2025ean baino 32 milioi gehiago, eta gizarte gastua asetzeko, azpiegiturak hobetzeko eta kultura bultzatzeko erabiliko dira nagusiki. Azken urteetan bezala, Bilboko Udala ez da zorpetuko. Aurrekontuak onartu ondoren, Bilboko Udaleko alderdi politiko guztiek arabiar aretoan topa egin dute.
Otxandianok uste du EAJk Kongresuan duen jarrera ez dela "asko aldatuko", nahiz eta eskuduntzen eskualdatzea ez bete
Zentzu horretan, EH Bilduk Eusko Legebiltzarrean duen bozeramaileak adierazi du EAJ ez dela izan "babes iraunkorra ematen duen bloke baten parte", eta ez duela Pedro Sanchezen Gobernuarekin "programa partekatu bat", beraz, ez du uste "dinamika parlamentarioa asko aldatuko denik".
Gaurko aurreikusita zegoen Aldebiko Batzordearen bilera atzeratu dute, eskumenak transferitzeko berme nahikorik ez zegoelako
Batzarra ostiralean utzi zuten bertan behera, uztailean hitzartutako "gutxieneko baldintza tekniko, ekonomiko eta juridikoak" betetzen ez zirela ikusita. Urtarrilaren 16rako egin dute berriro hitzordua bi aldeek.
Jaengo herri bateko PSOEko zinegotzi bat kargutik kendu dute bideo batean kantu matxistak egiteagatik
Martosko udal gobernuak eta Alderdi Sozialistak "erabat" gaitzetsi dute Manuel Cortes zinegotziaren jarrera. Hala, diziplina-espedientea ireki diote, behin-behinean alderditik botako dute eta zinegotzi akta alderdiaren esku uzteko eskatuko diote.
Honakoak izan dira aurten politika arloko albiste nagusiak
Aldaketaren aldarriaren bidetik, berezko nortasuna erakusten saiatu da aurten Imanol Pradales lehendakaria. Espainian, ordea, gatazka politikoak goia jo du legegintzaldiaren erdian, Pedro Sanchezen agintea kolokan jartzeraino.
Manifestazio jendetsua Azpeitian, bi kasutan auzipetutako 43 herritarren alde
Manifestazioa izan da iluntzean Azpeitian, VOX-en kontra mobilizatzeagatik ikertuta dauden 20 lagunei eta pintaketa baten harira auzipetu zituzten beste 23 herritarrei elkartasuna adierazteko. Urtarrilean eta otsailean epaituko dituzte guztiak. Jendetza batu da Azpeitia Errepresioaren Aurka plataformak deituta, "Errepresioaren aurrean, klase elkartasuna" lelopean egin duten manifestazioan.
ETAko presoen aldeko ekintzak izan direla Gabonetan salatu du Covitek
Terrorismoaren Biktimen Kolektiboak bere sare sozialetan zabaldu dituen hainbat mezutan kritikatu duenez, "ezker abertzaleak -Sortuk eta EH Bilduk- eta bere sateliteek, Sarek kasu, zigorgabetasun handiagoa eskatzen jarraitzen dute ETAkide guztientzat".
Eusko Jaurlaritzak adierazi du erantzukizunez jokatu duela transferitu gabe dauden eskumenen aurrean
"Pentsatzen dugu hobe dela transferentzia horiek erabaki genuen bezala eta nahi dugun moduan gauzatu arte itxarotea", esan du Ibone Bengoetxea lehen lehendakariorde eta Kultura eta Hizkuntza Politikako sailburuak.