Independentzia ala 155. artikulua babestea erabakiko du Kataluniak hautetsontzietan
Guztira, 5,5 milioi kataluniar daude deituta ostegun honetako hauteskundeetan parte hartzera. Kataluniako autogobernuan eskua sartu duen Konstituzioaren 155. artikulua babestu eta independentzia errefusatu edo subiranotasun prozesuari bultzada bat ematea erabakiko dute herritarrek.
Bestalde, hauteskundeetako emaitzen behin-behineko zenbaketa gainbegiratuko du Inteligentzia Zentro Nazionalak (CNI). Zibererasoak eta sare sozialetan desinformazioa edo ?fake news? delakoak saihesteko plan bat martxan jarri du Kriptologia Zentro Nazionalak (CCN).
Gainera, 17.000 mosso, polizia nazional, guardia zibil eta udaltzain arituko dira segurtasun dispositiboan, aurreko hauteskundeetan baino askoz ere gehiago.
Parlamentuak aldarrikatutako Errepublika, ñabardurekin, martxan jarri nahi duten hiru alderdi dira lehian: JuntsxCat, ERC eta CUP; independentzia arbuiatu eta 155. artikuluari babesa eman dioten beste hiru (Cs, PSC eta PP); eta zazpigarren bat (CatECP), 155. artikuluaren eta aldebakarreko independentziaren aurkakoa.
Inkestek Parlamentu oso zatitu bat iragarri dute. Alderdi bakar batek ere ez ditu 40 diputatu baino gehiago lortuko. Ganberak 135 ordezkari ditu, eta, antza denez, ez da izango 68 diputatuen muga, gehiengo absolutua, gaindituko duen blokerik, eta baten batek egiten badu oso tarte txikiagatik izango da.
Salbuespenezko hauteskunde-kanpaina
Salbuespenezko hauteskunde-kanpaina izan da Katalunian: hauteskundeak Espainiako Gobernuak deitu zituen, 155. artikulua aplikatuta; lau hautagai Bruselan daude (Carles Puigdemont, Meritxell Serret, Toni Comin eta Clara Ponsati) eta beste hiru kartzelan (Oriol Junqueras, Joaquim Forn eta Jordi Sanchez).
Belgikan dauden Kataluniako Gobernuko agintari kargugabetuek hauteskundeen jarraipen paraleloa egingo dute ostegun honetan, Bruselako Square-Brussels Meeting Centren. Puigdemont, Comin, Ponsati, Puig eta Serret bertan izango dira 17:30etik aurrera, egunean zehar gertatzen dena jarraitzen, horiengandik hurbil dauden iturriek jakitera eman dutenez.
Behargin bat hautetsontzi bat eramaten, Bartzelonako udaletxean. Argazkia: EFE
Inkesten arabera, ERC da faborito nagusia. Subiranotasunaren aldeko ?boto erabilgarria? aldarrikatu du ERCk kanpainan, Ciudadanosen garaipena eragozteko. Kanpainaren hasieran saihestu bazuen ere, hauteskundeak irabazten baldin baditu presidentea, Puigdemont barik, Junqueras izango dela azaldu dute amaieran.
ERCk bloke subiranistaren boto baliagarria aldarrikatu du, eta Ines Arrimadasek (Cs) antzeko zerbait egin du, baina bloke konstituzionalistan. Bere hautagaitza prozesu subiranista bukatzeko eta garai berri bati hasiera emateko boto irabazlea dela ziurtatu du Arrimadasek.
Bruselatik, bere hautagaitzaren transbertsalitatea aldarrikatu du Carles Puigdemont JuntsxCateko zerrendaburuak. ERCrekin borrokatzea saihestu eta PPk, Ciudadanosek eta PSCk osatzen duten ?155.aren hirukoa? garaitzeko beharra azpimarratu du Puigdemontek hitzaldietan.
CUPen ustez, ?ezohiko kanpaina izan da, txarrerako?, hautagai batzuk espetxean baitaude. Hauteskundeetan ezustekoa ematea espero dute antikapitalistek, eta ezkerreko beste indarren anbiguotasunaren aurrean, Kataluniako Errepublika ezartzeko bermea direla azpimarratu du.
Miquel Iceta PSCko hautagaiak Presidentetza eskuratzeko gai dela uste du, eta horren ildotik egin du kanpaina. Zentzu horretan, presidente izateko adostasunak bildu ditzakeen bakarra dela nabarmendu du Icetak. Aldi berean, independentismoarekin bukatu eta Ciudadanosen garaipen batek ekarriko lukeen ?eskuinerako bira? saihesteko hautagaia dela azpimarratu du.
Xabier Garcia Albiol PPCko hautagaiak Mariano Rajoy Espainiako Gobernuko presidentearen laguntza izan du hauteskunde-kanpainan. Eserlekuen galera saihesteko, boto-emaileak ohartarazi ditu Albiolek. Exekutibo konstituzionalista bermatzeko PP indartsu bat behar dela esan du, eta probintzia batzuetan eserlekuak lortzeko ERCrekin eta CUPekin lehian ari direla azaldu.
Azkenik, Puigdemonti eta Arrimadasi babesa ematea baztertu du Domenechek (CatECP), Kataluniako gizartearen zatiketa gainditu eta aldebakarreko bideari uko egiten dion ERC batekin, PPrekin itunak baztertzen dituen PSC batekin eta independenteekin gobernu progresista bat bultzatu nahi duelako.
Epeak
Generalitateko Presidentetzaren legearen arabera, Parlamentuak urtarrilaren 23ra arteko epea du osatzeko, eta otsailaren 6ra arte inbestidura lehen saioa egiteko, eta presidente izendatzea lortu ezean, saioa errepikatu ahal dute, baina apirilaren 7a da epemuga; azkenean, adosten ez badute, hauteskundeak berriro egin beharko dituzte.
Abenduak 21aren ostean, bi zalantza nagusi daude: ERCk irabaziz gero, Junqueras presidentegai izan liteke, kartzelan egon arren? Puigdemont eta gainerako kontseilari kargugabetuak Bruselatik itzuliko dira parlamentari lana egiteko, espetxeratzeko mehatxua izan arren?
Zure interesekoa izan daiteke
Arabako Batzar Nagusiek ohorezko tituluak kendu dizkiete Francori eta Molari
Tituluak baliogabetzeko mozioa Arabako Aldizkari Ofizialean argitaratu eta hurrengo egunean sartuko da indarrean.
Sanchezek Estatutuarekin duen borondatea "itxaropentsua" dela uste du Prdalesek, baina ez du atzerapenik onartuko
Imanol Pradalesek gogorarazi du negoziazioei "jarraibide politiko erabakitzaileagoak onartuz" ekitea eskatu dutela. "Hau da, maila politikoan hitzartutakoak ez dituela etengabe topatzen oztopo eta erresistentzia administratibo eta politikoak. Jarrera horrek, ekintza politikoa debaluatzeaz gain, eragin zuzena du Euskadiren aukeretan eta euskal herritarren bizi-kalitatean ", esan du.
Sanchezek agindu du "beharrezko neurri guztiak" hartuko dituela Adamuzeko istripuaren ostean, eta Estatuak azkar erantzun zuela defendatu
Espainiako Gobernuko presidenteak larrialdi dispositiboa berehala martxan jarri zuela defendatu du Kongresuan, eta biktimei laguntzeko administrazioen arteko koordinazioa nabarmendu du.
Euskal Herria herritarrei ziurtasuna emateko proiektu kolektiboa dela defendatuko du EH Bilduk Aberri Egunean
"Zazpiak bat egin" lelopean, koalizio abertzaleak apirilaren 5ean egingo du urteroko hitzordua Iruñean.
EAJ eta PSE-EE aurrez aurre berriz ere, Donostiako Udalak atxilotuen jatorria argitaratzeko hartutako erabakiagatik
Donostiako Udalak atxilotuen jatorria argitaratzeko hartutako erabakiak EAJren eta PSE-EEren arteko tentsioa areagotu du. Aitor Estebanek jeltzaleen baietza defendatzen duen bitartean, Eneko Andueza ez dago ados eta "akats larria" dela esan du.
"ETAk inposatu nahi izan zuen Euskaditik oso urrun gaudela ikustea da Txerokiren porrot moral handia"
Eusko Jaurlaritzak erdi-askatasun erregimena eman dio Txerokiri, eta astelehenetik ostiralera espetxetik aterako da Garikoitz Aspiazu ETAko buruzagi ohia, eta horren gainean iritzia eman du Eneko Andueza PSE-EEren idazkari nagusiak.
Euskadik LABI aktibatu ahal izango du zibersegurtasuneko gertakari larrien aurrean
Gobernu Kontseiluak inpaktu handiko ziberintzidenteen aurrean erantzun autonomikoa koordinatzea ahalbidetuko duen prozedura onartu du, ziberintzidenteek azpiegitura kritikoei edo herritarren segurtasunari eragiten dietenean.
Nafarroako Parlamentuak Accionaren presidentearen kontra egin du, Belateko ikerketa batzordean ez baita agertu
Jose Antonio Entrecanales Accionaren presidentea bi aldiz deitu dute ikerketa batzordera, baina bi-bietan ordezkariak bidali ditu. Irati Jimenez ikerketa batzordearen presidentearen esanetan, Entrecanales bera deitu dute eta ez Acciona enpresa (pertsona juridiko gisa), eta desobedientzia delitua egin duelakoan Fiskaltzari jakinaraztea erabaki du batzordeak.
Felipe Gonzalezek iragarri du boto zuria emango duela hurrengo hauteskunde orokorretan
Espainiako Gobernuko presidente ohiak ohartarazi du Aragoiko eta Extremadurako emaitzak errepikatu daitezkeela Estatu mailan, eta PSOE eta PP kritikatu ditu proiektu politikorik ez dutelako.
Hauteskundeetarako koalizio bat osatzeko asmoari ekingo diote Sumarrek, Comunsek, IUk eta Mas Madridek otsailaren 21ean
Lau antolakundeen hitzetan, hilaren 21a abiapuntua izango da aliantza komun, elkarbanatu eta ireki bat eraikitzeko datorren hauteskunde orokorretara begira, "sendoa eta denboran zehar fidagarria" izango den eremua. Hortaz, asmoa da hauteskunde testuingurutik haratago, gizarte mugimendu aurrerakoi bat aktibatzea.