Euskadiren alde lan egiteko esan dio Rajoyk EAJri, 'beste polemikak' alboratuta
Euskadiren alde lan egiteko eta "beste polemikak" alde batera uzteko eskatu dio gaur Mariano Rajoy Espainiako Presidenteak Aitor Esteban EAJk Kongresuan duen bozeramaileari.
Manuel Sanchez Corbi Guardia Zibilaren UCO Operazio Unitate Zentralaren burua kargugabetzeko eskatu zuen Estebanek, hark EAJri buruz egindako adierazpenengatik. La Vanguardia egunkariari eskainiko elkarrizketa batean, ETAren kontrako borrokan EAJk egindako lana zalantzan jarri zuen UCO unitateko buruak.
Kongresuko kontrol saioan Rajoyk onartu du Sanchez Corbiren hitzak "mingarriak" izan zitezkeela EAJrentzat, baina elkarrizketa baten testuinguruan ulertu behar direla gaineratu du. Gainera, Espainiako presidenteak gogoratu du elkarrizketa egin zuen kazetariak zuzendu egin zituela EAJri buruzko adierazpenak, eta horrekin polemika amaitutzat eman du.
Estebanen iritzian baina, elkarrizketa horretan bakarrik ez, beste agerraldi batzuetan ere EAJren jardunaren kontrako "adierazpen gogorrak" egin ditu Corbik. Besteak beste, jeltzaleek ETAren desagertzea ez dutela nahi esan izan du Guardia Zibileko kideak, eta baita, EAJ ETAren aginduetara ibili dela ere.
Hori dela eta, Estebanek ez du uste Rajoyk Kontrol Saioan aipatu duen zuzenketa nahikoa denik.
ETAren kontrako borrokan EAJk egin duen lana azpimarratu du Estebanek.
Albiste gehiago politika
Bingen Zupiriaren eta Ertzaintzaren aurkako pintaketak agertu dira Hernanin
Hainbat esaldi margotu dituzte herriko frontoiko paretetan; horien artean, "hilda hobe", “Vicente Zupiria txakurraren jabia”, “ertzainak borroka tiro en la boka” eta “ertzaina exterminio”.
_01:eitb-banner?$eitb-banner$&fmt=webp-alpha&qlt=80)
Koldo Garciak bi laguntzaile zituen PSOEren barne mugimenduak ezagutu eta zelatatzeko
Hainbat agentziek entzun ahal izan duten audio batean, gizon batek eta emakume batek Garciari kontatzen dizkiote PSOErekin lotutako bi pertsonak jatetxe batean 55 minutuz izandako elkarrizketaren xehetasunak.
Begoña Gomezek Air Europako erreskatearekin zerikusirik ez duela esan zuen Aldamak Koldo Garciari bidalitako audio batean
"Ezer ez da egia", esan zuen audio horretan. Horrek, bertan behera utziko lituzke UCOren ondorioak. Ez zen Auzitegi Gorenera bidalitako azken txostenean erantsi, Publicok jakinarazi duenez. Enpresaburuak onartzen du presioak egon zirela Jose Luis Abalos, Nadia Calviño eta Maria Jesus Monterorentzat.
EAJk arduragabetzat jo du EH Bilduren jarrera Ertzaintza demokratikoa ez dela esatean
EAJren ustez, EH Bilduk "beste pauso bat eman du" Ertzaintza polizia demokratikoa ote den zalantzan jarrita, eta Ertzaintza eta udaltzainak jarrera "arduragabean" jartzea egotzi dio koalizio soberanistari.
Donostiak atzera bota du, EAJ, PSE eta PPren botoekin, Illunbeko zezenketei amaiera emateko mozioa
Podemos Euskadik deitoratu du Donostiak "animalien tortura eta animalien eskubideak urratzen" jarraituko duela. Victor Lasa zinegotziak gogorarazi duenez, "tauromakiak ukiezina badirudi ere, ez da ukiezina, Estatuko hainbat hiritan lortu baitute zezenketetatik libratzea".
Ayusoren mutil-laguna auzipetzeko eskaera berretsi du epaileak, iruzurraren "zantzu argiak" ikusita
Antza denez, Alberto Gonzalez Amadorrek 350.951 euroko iruzurra egin zion Ogasunari, 2020 eta 2021 urteen artean, faktura faltsuak erabilita.
"Errepresio polizialaren" aurkako elkarretaratzea egin dute Gasteizen, GKSk eta Etxebizitza Sindikatu Sozialistak deituta
Era berean, protestarako eskubidearen defentsa aldarrikatu dute elkarretaratzean. Gainera, Gazte Koordinadora Sozialistako ordezkariek azpimarratu dutenez, atzo gertatutakoak "argi uzten du, beste behin ere, nor den segurtasun arazoak sortzen dituena: Polizia bera, protesta sozialen aurka eginez".
Azpeitian eta Gasteizen izandako istiluek polizia ereduari buruzko eztabaida piztu dute: EH Bilduk eta PPk aurkako ikuspegiak dituzte
Koalizio subiranistak "polizia eredua berrikustea eta sakon erreformatzea" eskatu du. Izan ere, EH Bilduren ustez, polizien azken esku-hartzeak ez dira "proportzionalak eta kalte handiagoak prebenitzeko egokiak" izan. PPk, ostera, uste du arazo bat dagoela "ezker erradikalarekin, EAJk aurre egiten ez jakiteaz gain, elikatzen eta animatzen laguntzen ari dena".
GEBehatokiak Espainiari ohartarazi dio uztailaren 31ra arte duela tortura kasu bat ikertzen hasteko
Gobernuari eskatzen dio aplika ditzala Nazio Batuen Giza Eskubideen Batzordearen azken txostenean jasotako "nahitaez bete beharreko" gomendioak. Txosten horretan kezka adierazten du Batzordeak, Espainian tortura-kasuak modu eraginkorrean ikertzeko bermerik ez dagoelako.
Bizkaiko Foru Aldundiak eraikin berria eraikiko du Etxetxua Plazan, 31 egoitzatan sakabanatutako zerbitzuak bertan hartzeko
Urtean hiru milioi euro aurreztea ahalbidetuko du egoitza berriak, eta "digitalagoa, herritarrekiko hurbilagoa eta eraginkorragoa izango da energia kontsumoan", ahaldun nagusiak nabarmendu duenez. Ez da eman proiektuaren exekuzio-epearen berri.