Eusko Legebiltzarra
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Ertzainen Legebiltzarreko protestaren deitzaileak zigortuko ditu Jaurlaritzak

Segurtasun sailburuak Legebiltzarrean iragarri duenez, 'Mozal Legea' aplikatuko zaie deitzaileei. Haren esanetan, ertzainen jarrera 'toleraezina, salagarria eta zigortzeko modukoa' izan zen.
Argazkia: EFE
author image

AGENTZIAK | ERREDAKZIOA

Azken eguneratzea

Eusko Jaurlaritzak "Mozal Legea" aplikatuko die atzoko ertzainen Legebiltzarreko protesta deitu zutenei. Estefania Beltran de Heredia Segurtasun sailburuak egin du iragarpena gaur goizean Legebiltzarrean egin den osoko bilkuran. Haren esanetan, ertzainen jarrera "toleraezina, salagarria eta zigortzeko modukoa" izan zen.

Atzo, 200 ertzain baino gehiagok protesta egin zuten Legebiltzarraren aurrean. Oihu eta kexu artean egin zieten harrera Iñigo Urkullu lehendakariari eta Estefania Beltran de Heredia Segurtasun sailburuari, eta azken horren dimisioa eskatu zuten. Ertzainek lan baldintzak hobetzeko eskatu zioten Jaurlaritzari, eta, presio neurri gisa, martxoaren 12tik 19ra osasun-bajak hartzeko kanpaina bat bultzatzeko mehatxua egin zuten. Neurriak Athletic eta Marseillako Olympique futbol taldeen arteko partidaren segurtasun neurriei eragingo lioke, martxoaren 15ean jokatuko baita, San Mamesen.

ErNe, ELA eta Sipe sindikatuek deitu zuten protesta. Lanean ari ziren ertzainek polizia-lerroa osatu behar izan zuten, protestan parte hartzen ari zirenak Legebiltzarrera gerturatzea saihesteko.

Argazkia: EFE

Eusko Jaurlaritzako kideak ez ezik, Jone Goirizelaia EH Bilduko legebiltzarkidea ere izan zuten jomuga ertzain batzuek. Goirizelaia Iñigo Cabacas familiaren abokatua da. Athleticeko jarraitzailea Ertzaintzaren pilotakada baten ondorioz hil zen 2012ko apirilaren 5ean.

Gaurko Legebiltzarreko kontrol saioan Beltran de Heredia sailburuak adierazi duenez, ertzainen jarrera "toleraezina, salagarria eta zigortzeko modukoa" izan zen. Gaineratu duenez, Eusko Jaurlaritzak "Mozal Legea" aplikatuko die protesta deitu zutenei eta zigor administratiboak ezarriko dizkie "horrelako kontzentrazioetan aplikatzen den segurtasun-lerroa gainditu zutelako".

Nere Llanos PPko legebiltzarkideak Athletic eta Moskuko Spartaken partidari begira antolatutako polizia dispositiboaren harira galdetu dio Segurtasun sailburuari. Partidaren atariko istiluetan, Inocencio Alonso ertzaina hil zen bihotzeko baten ondorioz.

Ertzainek oihu eta kexu artean hartu dute lehendakaria Legebiltzarrean
Ekonomia Politika Ertzaintza Iñigo Urkullu Eusko Jaurlaritza Eguneko Titularrak

Albiste gehiago politika

(Foto de ARCHIVO) La secretaria de Estado de Industria, Rebeca Torró, interviene durante la inauguración de la IV edición del Foro ANFAC ‘Juntos hacia el futuro’, a 20 de febrero de 2024, en Madrid (España). La Asociación Española de Fabricantes de Automóviles y Camiones (ANFAC), con la colaboración de Grant Thornton y MAPFRE, celebra la cuarta edición del Foro ANFAC, bajo el lema ‘Juntos hacia el futuro’. El evento se establece como punto de referencia para debatir sobre el futuro de la movilidad en España en un momento decisivo para la industria de la automoción. Cada año, ANFAC reúne a los máximos actores de la automoción española, así como de otros sectores relevantes en el nuevo ecosistema de la movilidad del futuro como el energético, componentes, telecomunicaciones, seguros o banca, entre otros. Alejandro Martínez Vélez / Europa Press 20 FEBRERO 2024;MONCLOA;ANFAC;AUTOMOVIL;AUTOMOCIÓN 20/2/2024
18:00 - 20:00
ZUZENEAN
Duela  min.

Rebeca Torro, PSOEko Antolakuntza idazkari berria

Santos Cerdan ordezkatuko du alderdiko hirugarren kargu garrantzitsuenean. Halaber, Sanchezek Antolakuntza idazkariaren hiru ondoko izendatu ditu: bi gizon eta emakume bat. Horrez gain, Montserrat Minguez diputatu kataluniarra izango da PSOEren bozeramaile berria, Esther Peñaren ordez.

Bolaños-efe
18:00 - 20:00
ZUZENEAN
Duela  min.

'Begoña Gomez auzia'-n Gorenak Bolaños ikertzearen aurka agertu da Fiskaltza

Juan Carlos Peinado epaileak Felix Bolaños Presidentzia, Justizia eta Gorteekiko Harremanetarako ministroa ikertzea eskatu zuen, lekukotza faltsua eta dirua bidegabe erabiltzea egotzita, baina Prieto fiskalak uste du epailearen azalpena ez dagoela behar bezala arrazoituta eta oinarrituta eta Onarpen Aretora bideratu du eskaera.

Gehiago kargatu