Mendia: 'Sozialistak ez gaude Rajoyren Gobernuaren paralisira kondenatuta'
Idoia Mendia PSE-EEko idazkari nagusiak gaur goizean Errenterian egindako ekitaldian adierazi duenez, alderdia "kezkatuta" dago osasunari, hezkuntzari edo pentsiodunei dagozkien gaiekin. "Horretan ari gara lanean. Rajoyren Gobernuaren etsipenera eta paralisira kondenatuta ez gaudela erakutsi nahi dugu", adierazi du Mendiak.
Mendiak PPren Gobernuaren aurka hitz egin du, "desberdintasun eta pobrezia gehiagoren eta eskubide gutxiagoren" arrastoa uzten duela salatzeko. PSOEk, aldiz, "etorkizun parekideagoaz gain, elkartasun eta gizarte justizia nabarmenagoa" eskaini nahi dituela berretsi du.
"Horixe da jendea eskatzen ari dena, eta horregatik ari da kalera ateratzen. Rajok protesta egitera behartzen ditu orain dela 40 urte guztion eskubideen aurka borroka egin zutenak", azpimarratu du Mendiak.
Horrenbestez, "guztiontzat tokia duen proiektu berritua beharrezkoa dela" uste du. Ondoren ohartarazitakoaren arabera, sozialistek "proposamenak izateaz gain, besteekin aztertu eta adosteko" borondatea dute.
Jose Luis Abalosek "PPren egoera eutsiezina" kritikatu du
Jose Luis Abalos Alderdi Sozialistaren antolakuntza idazkariak ere hartu du parte Errenteriako ekitaldian. Abalosen esanetan, PPren egoera "eutsiezina" da, eta "ezin du Gobernuan egon ez agintzeko". Dena den, "Ciudadanos alderdiak ordezkatzeak ia beldur gehiago ematen du", argitu du. Horrez gain, "krisiari buruzko hitzaldiek ez dutela balio" esan dio Podemosi, eta "Espainiari buruz ez duela ideia zehatzik".
Bestalde, Abalosek martxoaren 8ko manifestazioen inguruan ere hitz egin du: "Etsipenean gelditu nahi dutenen eta eskuinak egindako mina estali nahi dutenen propaganda ezeztatu zuten mobilizazioek".
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.