Kataluniako Parlamentuak inbestidurak bertan egon gabe egiteko legea tramitatu du
Kataluniako Parlamentuko Mahaiak Generalitateko Presidentetza Legearen erreforma tramitatu du, JxCatek eskatuta, inbestidurak hautagaia bertan egon gabe egin ahal izateko.
Parlamentutik jakinarazi dutenez, Europa Pressen arabera, Cs eta PSC alderdiek helegitea aurkeztuko dutela igarri dute jada, Mahaiak erabakia zuzendu dezan.
Bi alderdi horiek 48 orduko epea dute helegitea aurkezteko: Mahiak errefusatzen badu -litekeena da, gehienak independentziaren aldekoak direlako- Generalitateko Estatutu Bermeen Kontseiluarengana (GEB) joko dutela adierazi dute sozialistek.
Legea bide azkarrenetik tramitatzea eskatu du JxCatek: normalean Kontseiluak hilabeteko epea izaten du alderdien eskariak aztertzeko, baina kasu honetan zazpi eguneko epean ebatzi beharko du, gehienez.
Aipatutako iturrien arabera, PSC eta Cs alderdiek aurkeztuko dituzten helegiteak kontuan hartuta, ezinezkoa izango da legea Ganberan bozkatzea Aste Santua baino lehen.
GEBa Generalitatearen aholkularitza batzordea da, eta legeak Konstituzioaren eta Estatutuaren araberakoak diren ebazten du. Edonola ere, bere erabakiak aholku mailakoak dira, ez erabakigarriak, baina alderdiek zein Kataluniako Gobernuak aintzat hartu ohi dituzte.
JxCatek otsaila hasieran aurkeztu zuen legearen erreforma, Carles Puigdemonten inbestidura Belgikatik egin ahal izateko, eta ika-mika handia eragin zuen alderdien artean.
Legea tramitatzeak Auzitegi Konstituzionalaren erabakiaren aurka egiten zuen orduan, Puigdemonten inbestidura galarazi baitzuen, bi baldintza ezarrita: Belgikatik etortzea eta epaitegietan aurkeztea.
Egoera konpontzeko, Roger Torrent Parlamentuko presidenteak txostena egitea eskatu zuen Ganberako abokatuei, JxCatek aurkeztutako erreformak Konstituzionalaren erabakiaren aurka talka egiten ote zuen zehazteko.
Abokatuek esan zuten posible zela erreforma egitea, baina ez Puigdemonten inbestidurarako -horren Konstituzionalaren aurka egingo lukeelako-, baizik eta hurrengo inbestiduretarako.
Zure interesekoa izan daiteke
Pertsona berrerorleei zigorra gogortzeko legea bozkatuko dute gaur Espainiako Kongresuan
Gobernuko oposizioaren babesa espero da azken bozketa honetan. Juntsek bultzatu erreformak mugikorrak lapurtzeagatik ezarritako zigorrak gogortzen ditu.
Karmele Tubilla Santurtziko alkateak kargua utzi du "arrazoi pertsonal, profesional eta politikoengatik"
Edorta Rodrigo alkateordeak hartuko du Alkatetza behin-behinean, EAJk agintaldia osatuko duen pertsona izendatu arte.
EAJk Estatuari martxoaren 3ko sarraskiaren ardura har dezala eskatu dio, eta horrek beste aurrez aurreko bat ekarri du jeltzale eta sozialisten artean
EAJk eta EH Bilduk Espainiako Gobernuari eskatu diote aitor dezala martxoaren 3ko sarraskian erantzukizun zuzena izan zuela, eta aitortza horrekin maila goreneko adierazpen ofiziala egin dezala. PSE-EE ez dator bat eskari horrekin.
EH Bilduk eta EAJk Adamuzeko istripua argitzea eskatu dute, herritarrek trenbide sarean konfiantza izan dezaten
Tren-istripuei buruzko azalpenak emateko, agerraldia egin du gaur Sanchezek Kongresuan, eta, ohi bezala, estu hartu du Feijoo oposizioburuak. Ohartarazi dio "auzipetuen aulkian" eseriko dela Gobernua.
EAJ Pasaiako portua "liga nazional batetik erregionalera jaisten" saiatzen ari dela kritikatu du PPk
Mikel Lezama PPk Gipuzkoako Batzar Nagusietan duen bozeramaileak gogor kritikatu du EAJren "asmo ideologikoa", portuaren kudeaketa Eusko Jaurlaritzaren esku uztea baita. Gaineratu du hori ezin dela egin, "Estatuaren interes orokorreko portua" delako.
"Maiatza eta ekaina artean" irekiko dute Zubietako espetxe berria
Gipuzkoako espetxe berria ireki eta Donostiako kartzela zaharra eraitsiko dute. Ondoren, 400 etxebizitza babestu egingo dituzte Txomin Enean.
Cerdanek "errugabea" dela defendatu du eta adierazi du ez dela eta ez dela sekula izan Antxon Alonsoren bazkide
Nafarroako Parlamentuko ikerketa batzordean agerraldia egin du Santos Cerdan PSOEren Antolakuntza idazkari ohiak, eta nabarmendu du ikerketa batzordea baino UPNren "mendeku" gosea asetzeko batzordea dela.
Estatuko Fiskaltza eta Abokatutza Puigdemonti amnistia ematearen alde agertu dira, Gorenaren ezezkoaren aurrean
Bi erakundeek Kontsituzionaleko berme-gortean aurkeztu dituzte beren idazkiak, Auzitegi Gorenak dirua bidegabe erabiltzeagatik amnistia ez aplikatzeko hartutako erabakiaren aurka presidente ohiak jarritako babes-errekurtsoa onar dezan eskatzeko. Bi erakundeek uste dute Auzitegi Gorenak amnistia aplikatu behar ziola, eta kritikatu dute Amnistia Legea modu "arrazoigabe eta arbitrarioan" interpretatu zuela, hura aplikatzea saihesteko.
Arabako Batzar Nagusiek ohorezko tituluak kendu dizkiete Francori eta Molari
Tituluak baliogabetzeko mozioa Arabako Aldizkari Ofizialean argitaratu eta hurrengo egunean sartuko da indarrean.
Pradalesek iritzi dio Sanchezek Estatutuarekiko duen borondatea "itxaropentsu" egoteko modukoa dela, baina ez du atzerapenik onartuko
Imanol Pradalesek gogorarazi du negoziazioei "jarraibide politiko erabakitzaileagoak onartuz" ekitea eskatu dutela. "Hau da, maila politikoan hitzartutakoak ez dituela etengabe topatzen oztopo eta erresistentzia administratibo eta politikoak. Jarrera horrek, ekintza politikoa debaluatzeaz gain, eragin zuzena du Euskadiren aukeretan eta euskal herritarren bizi-kalitatean", esan du.