Eskubide sozialetan oinarritutako burujabetza defendatu du Ahal Duguk
Kutsu sozial esanguratsua duen "euskal agenda berria" dagoela azpimarratu du gaur goizean Lander Martinez Ahal Duguren idazkari nagusiak Bilbon. Testuinguru horretan, "EAJren politika agortuek eta okerrek" tokirik ez duten alternatiba politikoa behar dela berresteaz gain, lan hori alderdi moreak soilik egin dezakeela aipatu du.
"EAJk denbora gehiegi darama agintzen", gaineratu du Martinezek Aberri Eguna ospatzeko alderdiak Bilbon antolatutako ekitaldian. Horrez gain, Euskadik alderdi progresistek elkarrekin landuta bakarrik lor daitekeen alternatiba behar duela esan du.
Ahal Duguren buruzagiak ohartarazitakoaren arabera, "areagotzen ari den desberdintasun soziala ezkutatzeko erabiltzen diren aberriak" daude. EAJ eta PP alderdiei aipamena eginez, "aberri horien kontura liskarrean ari direnen antzerkiak berdin duela" adierazi du, "bien interesak berdinak direla erakusten dutelako itunak egiten dituzten bakoitzean".
Lander Martínez, Aberri Eguneko ekitaldian. Argazkia: @PodemosEuskadi_
"Euskadiren etorkizuna kaleetan idazten ari dela" esan eta gero, Euskal Estatutuak emakumeen eta gizonen arteko berdintasuna, lana, pentsioak eta eskubide sozialak ardatz izan behar duela azpimarratu du.
Euskadi "aberri gisa" ikusten duela baieztatu du Martinezek, eta euskal gizartea "anitza" dela. Nafarroarekin eta Iparralderekin "harremana sendotzearen" alde agertu da, euskararen balioa defendatzeaz gain. Bestalde, Euskadiren gaitasun konpententziala "eraso zentralizatzaileetatik babesteko" beharraz hitz egin du.
Zure interesekoa izan daiteke
Jaengo herri bateko PSOEko zinegotzia kargutik kendu dute, bideo batean kantu matxistak egiteagatik
Martosko udal gobernuak eta Alderdi Sozialistak "erabat gaitzetsi" dute Manuel Cortes zinegotziaren jarrera. Hala, diziplina-espedientea ireki diote, behin-behinean alderditik botako dute eta zinegotzi akta alderdiaren esku uztea eskatuko diote.
Honakoak izan dira aurten politika arloko albiste nagusiak
Aldaketaren aldarriaren bidetik, berezko nortasuna erakusten saiatu da aurten Imanol Pradales lehendakaria. Espainiar Estatuan, ordea, gatazka politikoak goia jo du legegintzaldi erdian, Pedro Sanchezen agintea kolokan jarri arte.
Manifestazio jendetsua Azpeitian, bi kasutan auzipetutako 43 herritarren alde
Manifestazioa izan da iluntzean Azpeitian, VOX-en kontra mobilizatzeagatik ikertuta dauden 20 lagunei eta pintaketa baten harira auzipetu zituzten beste 23 herritarrei elkartasuna adierazteko. Urtarrilean eta otsailean epaituko dituzte guztiak. Jendetza batu da Azpeitia Errepresioaren Aurka plataformak deituta, "Errepresioaren aurrean, klase elkartasuna" lelopean egin duten manifestazioan.
ETAko presoen aldeko ekintzak izan direla Gabonetan salatu du Covitek
Terrorismoaren Biktimen Kolektiboak bere sare sozialetan zabaldu dituen hainbat mezutan kritikatu duenez, "ezker abertzaleak -Sortuk eta EH Bilduk- eta bere sateliteek, Sarek kasu, zigorgabetasun handiagoa eskatzen jarraitzen dute ETAkide guztientzat".
Eusko Jaurlaritzak adierazi du erantzukizunez jokatu duela transferitu gabe dauden eskumenen aurrean
"Pentsatzen dugu hobe dela transferentzia horiek erabaki genuen bezala eta nahi dugun moduan gauzatu arte itxarotea", esan du Ibone Bengoetxea lehen lehendakariorde eta Kultura eta Hizkuntza Politikako sailburuak.
EAJrentzat "ulertezina" da Sanchezek ez betetzea Estatutua osatzeko akordioa
Estebanek esan zuen sinatutakoa ez betetzea "larria eta inbestidura akordioa urratzea" izango litzatekeela.
Transferentzien asteleheneko bilera urtarrilaren 16ra atzeratu dute, ez daudelako “beharrezko baldintzak” bermeekin egiteko
Eusko Jaurlaritzak eta Espainiako Gobernuak egin behar zuten bilera egiteko beharrezko baldintzak ez daudenez, bi aldeek atzeratzea adostu dute. Autogobernu Saileko iturriek EITBri jakinarazi diotenez, finantzaketa-sistemari buruzko gaiak konpontzeke daude oraindik.
Ayesaren erosketari "danbatekoa" eman eta "garapena mespretxatzea" egotzi dio PPk EAJri
"Zenbat milioi euro utziko ditu Foru Ogasunak horrelako erabaki politiko batengatik", galdetu du PPk Gipuzkoako Batzar Nagusietan duen bozeramaileak. Bere arabera, jeltzaleek "arrisku larrian jartzen dute langileak zein enpresa bera errotzea zerga ordaintzaile gisa".
EH Bildurentzat ulergaitza da Gipuzkoako Kutxa fundazioak Ayesa erosteko osatzen ari den euskal partzuergoan egoteari uko egitea
Maddalen Iriartek anbizio gehiago eskatu die Gipuzkoako jeltzaleei, Ayesak lurraldean duen errotzea ez galtzeko. "Gipuzkoak ez du ahotsik izango Ayesan, hala erabaki dutelako bertako elite politiko eta finantzieroek", deitoratu du Iriartek.
Feijook ukatu egin du Mazonen mezuak ezabatu izana, eta ziurtatu du bete duela epaileak eskatutakoa
Eskatutako WhatsAppak epaitegira bidali dituela adierazi du PPko buruak, eta telematikoki deklaratzea eskatu du.