Burujabetzari buruzko ikuskera ezberdinak entzungo dira Aberri Eguneko hitzaldietan
Euskadin "atzerapauso demokratikoak" bizitzeko arriskua dugula ohartaraziko du EAJk aurtengo Aberri Egunaren ospakizunetan, eta "inoiz ikusi diren atzerapauso gogorrenak" bizi ditzakegula salatuko du EH Bilduk, Kataluniako egoerak nabarmen baldintzatuko dituen hitzaldietan.
Aberri Eguna dela eta igande honetarako prestatu dituzten testuetan, EAEko autogobernua "arriskuan" dagoela salatuko dute batzuk eta Katalunian 155. artikulua aplikatu duten bezala hemen ere egin dezaketela besteek. Hala, burujabetzaren inguruko hitzaldiak egingo dituzte.
Podemos Euskadik, bere aldetik, subiranotasunak ez duela, derrigor, "Estatu independiente bat esan nahi" defendatuko du, eta "herritarrak euren eskubideen alde modu masiboan defendatzen ari diren une honetan arlo sozialetan aurrera egiteko garaia" dela nabarmenduko dute.
EAJ
EAJk urteroko hitzordua errepikatuko du Bilboko Plaza Berrian, 11:30etik aurrera, 'Gure etorkizuna, gure aberria' lelopean.
Andoni Ortuzar EAJren Euzkadi Buru Batzarreko presidenteak adierazi duenez, "Euskadin daukaguna bermatu nahi dugu, daukagunarekin aurrera egiteko". Buruzagi jeltzaleak EAJk Aberri Egunerako egindako dokumentuaz hitz egin du larunbat honetan: "Europan aitortua izateko aukeraren zain" dagoela Euskadi dio txostenak, "aho batez estatus berri baten onarpena" bilatzeaz gain. Izan ere, estatu espainiarraren egoerak "okerrera egin dezake desegonkortasun parlamentarioak aurrera egiten badu", eta horrek "hauteskundeak aurreratu" ditzake. Beraz, "lortutakoa babestu eta berriz aurrera egitera" deitu du, "eusteak garaipena" ekar lezakeelako.
EAJren iritziz, "agian ez dugu testuingururik egokiena Euskadiren autogobernua aktualizatuko duen estatutu berri bat, adostasunez, onartzeko Eusko Legebiltzarrean" baina hala ere, beharrezkoa da "lanean jarraitzea errespetu juridiko eta politikoan oinarritutako harreman bat eraikitzeko, bakean eta garapenenean oinarritutako Euskadi berri bat lortzeko".
EH Bildu
Otegik adierazi du EAJk bat egiten duela EH Bilduk aspaldi egin zuen planteamenduarekin, "Estatua badator gure autogobernu apurra eramatera. Gaur Katalunia da eta bihar Euskal Herria izan daiteke" baina ohartarazpen bat egin die jeltzaleei: "Hemen ez gaude erresistitzeko, hemen irabazteko gaude":
Ezker abertzaleak Iruñean ospatuko du Aberri eguna, Independentistak sareak 'Menpekotasunetik askatasunera, burujabe hobe' lelopean egindako deialdiarekin bat eginez. Hala, euskal errepublika aldarrikatuko dute.
Aurten, berrikuntza gisa, Aberri Eguna Sarasate Pasealekutik aterako da 12:00etan, Golem zinemetatik atera beharrean, eta Sarasaten bertan izango da gero ekitaldi politikoa.
Ezker abertzaleak Ipar Euskal Herrian duen ordezkaritzak, EH Baik, berriz, Donibane Garazin egingo du ekitaldia.
Podemos Euskadi
Podemos Euskadik, berriz, Bilbon ospatuko du Aberri Eguna 'Gure Eskubideen Jabe!' lelopean, Bailen kalean, 12:00etatik aurrera. Andeka Larrea Podemos Euskadiko Komunikazio idazkariak azaldu duenez, "Aberri Egunak tradizionalki izan duen esparru eta eztabaida zabaldu" nahi izan dute "euskal gizarteak duen aniztasuna" kontuan hartuta. Aurten "gizarte alorra" lehenetsi nahi izan dute mezu eta aldarrikapenetan.
Larreak "mugimendu feministaren, pentsiodunen, ekologisten eta euskal gazteen eskakizunak" aipatu ditu, eta "subiranotasunen alde apustu egiteko eta martxan jartzeko ordua" dela azpimarratu du."Aberri Egunean subiranotasunaz berba egitea pentsiodunen, atzerrira lan bila joan behar izan diren gazteen edo egunero matxismoaren aurka borrokatu behar duten emakumeen inguruan hitz egitea da".
Larrearen esanetan, "subiranotasuna ez dago etorkizun idiliko batean oinarritua, ez du estatu independente baten beharrik"; horren ordez, "demokrazian sakontzea" eskatzen du "egungo eskumenak eta subiranotasuna erabilita". Hortaz, "borondate politiko kontua" dela ondorioztatu du.
Zure interesekoa izan daiteke
Sanchez, ustelkeria kasuei buruz: "Ezagutu izan bagenitu, ez genituzkeen onartuko"
Alderdikide gehienak itxaropentsu agertu dira eta PSOErekin eta Sanchezekin konfiantza dutela esan dute Batzorde Federala hasi aurretik. Horrez gain, agintean jarraitzeko eta 2027ko hauteskunde orokorrak eta udal eta foru hauteskundeak prestatzeko gogotsu agertu dira.
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.