Ortuzar: 'Daukaguna bermatu nahi dugu, daukagunarekin aurrera egiteko'
Andoni Ortuzar EAJren Euzkadi Buru Batzarreko presidenteak gaur adierazi duenez, "Euskadin daukaguna bermatu nahi dugu, daukagunarekin aurrera egiteko".
Buruzagi jeltzaleak EAJk Aberri Egunerako egindako dokumentuaz hitz egin du. "Europan aitortua izateko aukeraren zain" dagoela Euskadi dio txostenak, "aho batez estatus berri baten onarpena" bilatzeaz gain. Izan ere, estatu espainiarraren egoerak "okerrera egin dezake desegonkortasun parlamentarioak aurrera egiten badu", eta horrek "hauteskundeak aurreratu" ditzake. Beraz, "lortutakoa babestu eta berriz aurrera egitera" deitu du, "eusteak garaipena" ekar lezakeelako.
Bizkargi mendira igo da gaur goizean Ortuzar, euskal herritar guztiei bihar Aberri Eguna ospa dezaten eskatzeko. EAJko 300 bat afiliatuk eta jarraitzailek lagunduta, Guda Zibilean hildako gudarien omenezko elizkizun labur batean hartu du parte. Ondoren, ikurrina jaso dute 'Gora ta gora' abestiaren doinuarekin, eta jarraian, hamaiketakoa egin dute.
Hedabideei adierazi dienez, "egoera zaila da nazioartean, baita estatu espainiarrean ere, arlo politikoak, ekonomikoan eta sozialean".
Hori dela eta, "dei berezia" egin du aurten Aberri Egunarekin bat egiteko, "euskal nortasuna eta eraikuntza nazionala aldarrikatzeko". Euskal gizartearen etorkizuna eta Euskadiren eraikuntza nazionala oso lotuta egongo direla ere aipatu du.
"Zailtasunak zailtasun, nahiko ondo goaz", esan du, Euskal Autonomia Erkidegoan autogobernuaren txostena "etorkizuneko autogobernuaren oinarriak finkatzen ari delako dagoeneko". Nafarroan, berriz, "aldaketaren gobernua sendotzen" ari dela berretsi du, eta "Iparralden soilik euskalduna den erakunde bat dugu historian lehen aldiz".
"Une zailak"
EAJk Aberri Egunerako egindako oharrean erabilitako "eutsi" kontzeptuak zer esan nahi duen galdetuta, "arlo politikoan eta ekonomikoan oso garai konplexua eta zaila" dela azpimarratu du buruzagi jeltzaleak. Horrenbestez, "gurea babestuta, daukaguna bermatuta, aurrera egiteko oinarri onenak" jartzen ari direla nabarmendu du.
Zure interesekoa izan daiteke
Sanchez, ustelkeria kasuei buruz: "Ezagutu izan bagenitu, ez genituzkeen onartuko"
Alderdikide gehienak itxaropentsu agertu dira eta PSOErekin eta Sanchezekin konfiantza dutela esan dute Batzorde Federala hasi aurretik. Horrez gain, agintean jarraitzeko eta 2027ko hauteskunde orokorrak eta udal eta foru hauteskundeak prestatzeko gogotsu agertu dira.
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.