Belgikari atxiloketa-agindu berriak bidaltzea eskatu dio Fiskaltzak Llarenari
Toni Comin, Meritxell Serret eta Lluis Puig Kataluniako kontseilari ohiak atxilotzeko euroagindu berriak Belgikari bidaltzea eskatu dio Fiskaltzak Pablo Llarena Auzitegi Goreneko epaileari, nahiz eta asteazkenean Espainiaratzea “forma-akatsengatik” atzera bota.
Ministerio Publikoa Goreneko magistratuarekin ados dago, eta kontseilari ohi auzipetuak entregatzeko aferan “akatsa” Auzitegi Gorenak egin ez duela uste du, Belgikak baizik.
“Hala ere, Belgikako Justiziak azaldutako desadostasun formalak ikusita”, auzipetuak “atxilotzeko euroagindua igortzeko” eskatu dio Llarenari, “zuzenean Belgikako Justizia agintariei bidaltzeko”.
Toni Comin, Meritxell Serret eta Lluis Puig kontseilari ohien Espainiaratzea aztertzeko ardura izan duen Belgikako epaileak euroagindua “forma-akatsengatik” atzera bota zuen asteazkenean.
“Elkarlanean aritzeko borondate falta” egotzi zieten Goreneko iturriek Belgikako agintariei asteazkenean. Gaur, Llarenak berak Alemaniari jakinarazi dioenez, “akatsa ez du Espainiak egin, Belgikak baizik”.
Espainiako magistratuaren iritziarekin bat egin du Fiskaltzak gaur. Ministerio Publikoaren ahotan, “Belgikako Justiziak ulertutakoaren kontra, auzipetze-autoa nahikoa da, kontseilari ohiak atxilotzeko euroagindua oinarritzeko”.
Hau da, “auzipetze-autoek Europako araudiaren eskakizunak betetzen dituzte eta atxilotzeko agindu nazionala eskatzea zentzurik ez du”, Belgikak esandakoaren kontra.
Zure interesekoa izan daiteke
Sanchezek "beharrezko neurri guztiak" agindu ditu Adamuzeko istripuaren ostean, eta Estatuaren erantzun azkarra defendatu du
Espainiako Gobernuko presidenteak larrialdi dispositiboa berehala martxan jarri izana defendatu du Kongresuan, eta biktimei laguntzeko administrazioen arteko koordinazioa nabarmendu du.
Euskal Herria herritarrei ziurtasuna emateko proiektu kolektiboa dela defendatuko du EH Bilduk Aberri Egunean
"Zazpiak bat egin" lelopean, koalizio abertzaleak apirilaren 5ean egingo du urteroko hitzordua Iruñean.
EAJ eta PSE-EE aurrez aurre berriz ere, Donostiako Udalak atxilotuen jatorria argitaratzeko hartutako erabakiagatik
Donostiako Udalak atxilotuen jatorria argitaratzeko hartutako erabakiak EAJren eta PSE-EEren arteko tentsioa areagotu du. Aitor Estebanek jeltzaleen baietza defendatzen duen bitartean, Eneko Andueza ez dago ados eta "akats larria" dela esan du.
"ETAk inposatu nahi izan zuen Euskaditik oso urrun gaudela ikustea da Txerokiren porrot moral handia"
Eusko Jaurlaritzak erdi-askatasun erregimena eman dio Txerokiri, eta astelehenetik ostiralera espetxetik aterako da Garikoitz Aspiazu ETAko buruzagi ohia, eta horren gainean iritzia eman du Eneko Andueza PSE-EEren idazkari nagusiak.
Euskadik LABI aktibatu ahal izango du zibersegurtasuneko gertakari larrien aurrean
Gobernu Kontseiluak inpaktu handiko ziberintzidenteen aurrean erantzun autonomikoa koordinatzea ahalbidetuko duen prozedura onartu du, ziberintzidenteek azpiegitura kritikoei edo herritarren segurtasunari eragiten dietenean.
Nafarroako Parlamentuak Accionaren presidentearen kontra egin du, Belateko ikerketa batzordean ez baita agertu
Jose Antonio Entrecanales Accionaren presidentea bi aldiz deitu dute ikerketa batzordera, baina bi-bietan ordezkariak bidali ditu. Irati Jimenez ikerketa batzordearen presidentearen esanetan, Entrecanales bera deitu dute eta ez Acciona enpresa (pertsona juridiko gisa), eta desobedientzia delitua egin duelakoan Fiskaltzari jakinaraztea erabaki du batzordeak.
Felipe Gonzalezek iragarri du boto zuria emango duela hurrengo hauteskunde orokorretan
Espainiako Gobernuko presidente ohiak ohartarazi du Aragoiko eta Extremadurako emaitzak errepikatu daitezkeela Estatu mailan, eta PSOE eta PP kritikatu ditu proiektu politikorik ez dutelako.
Hauteskundeetarako koalizio bat osatzeko asmoari ekingo diote Sumarrek, Comunsek, IUk eta Mas Madridek otsailaren 21ean
Lau antolakundeen hitzetan, hilaren 21a abiapuntua izango da aliantza komun, elkarbanatu eta ireki bat eraikitzeko datorren hauteskunde orokorretara begira, "sendoa eta denboran zehar fidagarria" izango den eremua. Hortaz, asmoa da hauteskunde testuingurutik haratago, gizarte mugimendu aurrerakoi bat aktibatzea.
Pradalesek 14 lurralde industriali dei egin die beren gaitasunak Europaren zerbitzura jar ditzaten, "etorkizuna bermatzeko"
Imanol Pradales lehendakariak "potentzial berritzaile eta ekonomiko handia" duten hamalau lurralde industriali dei egin die astelehen honetan, Bilbon bilduta, beren gaitasunak Europaren zerbitzura jartzeko, "proiektu europarraren etorkizuna bermatzeko", "arriskuan" baitago mundu "ezegonkor eta zalantza beteriko" batean.
PPk "harresia" ez izateko eskatu dio Voxi, eta PSOE "autokritika" egitea ekiditen dabil
Beste hauteskunde hitzordu batzuetan baino argiago mintzatu da Feijoo Aragoiko bozen biharamunean, eskuin muturrari "2023ko akatsak" ez errepikatzeko eskatuz. Abascalen alderdiak, berriz, ahobizarrik gabe baldintzak jarri ditu mahai gainean: kontseilaritzak nahi ditu, eta politikak errotik aldatzea da bere helburua.