Torrak ordezkatu egin ditu espetxean eta Belgikan dauden kontseilariak
Quim Torra Kataluniako Gobernuko presidenteak desblokeatu egin du Generalitatearen egoera, ordezkatu egin baititu espetxean -Jordi Turull eta Josep Rull- eta Belgikan -Toni Comin eta Lluis Puig- kontseilariak.
Espainiako Gobernuak espetxean eta Belgikan dauden kontseilariak berriz ere arbuiatu eta gero hartu du horiek ordezkatzeko erabakia Torrak.
Hori horrela, Generalitateko presidenteak Elsa Artadi (Junts per Catalunya) izendatu du Presidentetza kontseilari eta bozeramaile, Jordi Turullen ordez.
Gainera, Alba Verges (ERC) izango da Osasun kontseilari, Antoni Cominen lekua hartuta. Damia Calvetek (Junts per Catalunya) Josep Rullen tokia hartuko du Lurralde eta Iraunkortasun Kontseilaritzan, eta Laura Borrasek (Junts per Catalunya) Lluis Puigena Kulturan, eta Maria Angels (PDeCAT) Enpresa eta Ezagutza kontseilari izango da.
Torrak "eskerrak" eman dizkie Jordi Turull, Josep Rull, Lluis Puig eta Toni Comin kontseilari ohiei, erakutsi duten “eskuzabaltasunagatik”.
El Periodico de Catalunya egunkariak ematen dituen sarietan agerraldia egin du Torrak, kontseilariak aldatzea erabaki duela jakin eta gero.
"Haiekin dudan konpromisoa betiko da", azpimarratu du, eta Gobernu berriaren helburuetako bat preso edo erbestean dauden politikari katalanen askatasuna lortzea izango dela erantsi du.
Espainiako Gobernuaren jarrera salatu du, "Kataluniako erakundeek hartutako erabaki demokratikoak boikotatu dituelako". Gatazka politiko guztiak elkarrizketaren bidez konpondu behar direla aldarrikatu du.
"Ezin dugu onartu preso eta iheslari politikoak egotea, existitzen ez diren delituak egotzita", nabarmendu du.
Bestalde, Torrak adierazi du jakin badakiela Kataluniako herritar guztiak independentziaren aldekoak ez direla, baina garrantzitsuena hitz egitea dela zehaztu du. "Hitzak ez du zatiketarik eragiten; isiltasunak eta inposizioak zatitzen du gizartea", esan du.
Zure interesekoa izan daiteke
EH Bilduk eta EAJk Adamuzeko istripua argitzea eskatu dute, herritarrek trenbide sarean konfiantza izan dezaten
Urteko lehen osoko bilkura hartu du Espainiako Diputatuen Kongresuak, eta Pedro Sanchez Espainiako Gobernuko presidenteak agerraldia egin du, berak hala eskatuta, trenbide-istripuei buruzko azalpenak emateko.
EAJ Pasaiako portua "liga nazional batetik erregionalera jaisten" saiatzen ari dela kritikatu du PPk
Mikel Lezama PPk Gipuzkoako Batzar Nagusietan duen bozeramaileak gogor kritikatu du EAJren "asmo ideologikoa", portuaren kudeaketa Eusko Jaurlaritzaren esku uztea baita. Gaineratu du hori ezin dela egin, "Estatuaren interes orokorreko portua" delako.
"Maiatza eta ekaina artean" irekiko dute Zubietako espetxe berria
Gipuzkoako espetxe berria ireki eta Donostiako kartzela zaharra eraitsiko dute. Ondoren, 400 etxebizitza babestu egingo dituzte Txomin Enean.
Cerdanek "errugabea" dela defendatu du eta adierazi du ez dela eta ez dela sekula izan Antxon Alonsoren bazkide
Nafarroako Parlamentuko ikerketa batzordean agerraldia egin du Santos Cerdan PSOEren Antolakuntza idazkari ohiak, eta nabarmendu du ikerketa batzordea baino UPNren "mendeku" gosea asetzeko batzordea dela.
Estatuko Fiskaltza eta Abokatutza Puigdemonti amnistia ematearen alde agertu dira, Gorenaren ezezkoaren aurrean
Bi erakundeek Kontsituzionaleko berme-gortean aurkeztu dituzte beren idazkiak, Auzitegi Gorenak dirua bidegabe erabiltzeagatik amnistia ez aplikatzeko hartutako erabakiaren aurka presidente ohiak jarritako babes-errekurtsoa onar dezan eskatzeko. Bi erakundeek uste dute Auzitegi Gorenak amnistia aplikatu behar ziola, eta kritikatu dute Amnistia Legea modu "arrazoigabe eta arbitrarioan" interpretatu zuela, hura aplikatzea saihesteko.
Arabako Batzar Nagusiek ohorezko tituluak kendu dizkiete Francori eta Molari
Tituluak baliogabetzeko mozioa Arabako Aldizkari Ofizialean argitaratu eta hurrengo egunean sartuko da indarrean.
Pradalesek iritzi dio Sanchezek Estatutuarekiko duen borondatea "itxaropentsu" egoteko modukoa dela, baina ez du atzerapenik onartuko
Imanol Pradalesek gogorarazi du negoziazioei "jarraibide politiko erabakitzaileagoak onartuz" ekitea eskatu dutela. "Hau da, maila politikoan hitzartutakoak ez dituela etengabe topatzen oztopo eta erresistentzia administratibo eta politikoak. Jarrera horrek, ekintza politikoa debaluatzeaz gain, eragin zuzena du Euskadiren aukeretan eta euskal herritarren bizi-kalitatean", esan du.
Sanchezek agindu du "beharrezko neurri guztiak" hartuko dituela Adamuzeko istripuaren ostean, eta Estatuak azkar erantzun zuela defendatu
Espainiako Gobernuko presidenteak larrialdi dispositiboa berehala martxan jarri zuela defendatu du Kongresuan, eta biktimei laguntzeko administrazioen arteko koordinazioa nabarmendu du.
Euskal Herria herritarrei ziurtasuna emateko proiektu kolektiboa dela defendatuko du EH Bilduk Aberri Egunean
"Zazpiak bat egin" lelopean, koalizio abertzaleak apirilaren 5ean egingo du urteroko hitzordua, Iruñean.
EAJ eta PSE-EE aurrez aurre berriz ere, Donostiako Udalak atxilotuen jatorria argitaratzeko hartutako erabakiagatik
Donostiako Udalak atxilotuen jatorria argitaratzeko hartutako erabakiak EAJren eta PSE-EEren arteko tentsioa areagotu du. Aitor Estebanek jeltzaleen baietza defendatzen duen bitartean, Eneko Andueza ez dago ados eta "akats larria" dela esan du.