Atxilotu egin dute lazo horiak kentzen ari zen emakume bati eraso zion gizona
Espainiako Polizia Nazionalak atxilotu egin du larunbatean Bartzelonako Ciutadella parkean lazo horiak kentzen ari zen emakume bati eraso zion gizona. Senarrarekin eta hiru semeekin zegoen orduan emakumea, Polizia Nazionalak asteazken honetan jakitera eman duenez.
Polizia Nazionalaren hitzetan, Kataluniako hiriburuan atxilotu dute erasotzailea, gorroto eta lesio delituak leporatuta. Izan ere, larunbatean erasoa jasan zuen emakumeak atzo, asteartea, jarri zuen salaketa.
Emakumeak salatutakoaren arabera, erasoa abuztuaren 25ean jasan zuen, Bartzelonako Pujades pasealekuan familiarekin zegoela. Bat-batean, gizon bat hurbildu zitzaien, eta Ciutadella parkeko hesietan zintzilik zeuden lazo horiak kendu eta lurrera bota izana leporatu zion.
Eztabaida izan ostean, gizonak muturrekoa eman zion jatorriz errusiarra den emakumeari, eta "atzerritar nazkagarria" zela esan zion garrasika. Aurpegian jasotako kolpearen eraginez, lurrera erori zen, baina gizonak emakumea kolpatzen jarraitu zuen.
Gizonak emakumearen aurkako salaketa jarri zuen astelehenean, abuztuaren 27an, emakumeak berari eraso ziola salatuz. Halaber, gizonak ukatu egin du eztabaida arrazoi politikoengatik hasi izana, eta bikoteari lazoak lurrera bota izana aurpegiratu ziola azaldu du, kalea zikintzen ari zirelakoan.
Espainiako Polizia Nazionalaren esanetan, emakumeak gorroto eta lesio delituak egotzita jarri du salaketa, eta arrazoi ideologikoak bultzatuta eraso ziola gaineratu du inguruabar astungarri gisa.
Albiste gehiago politika
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".
Ibarrola (UPN): "Chiviteren gobernua azkenetan da, eta irtenbide duin bakarra dimisioa da"
UPNko presidentearen hitzetan, PSNren zuzendaritzaren "duintasuna galdu da jada", baina "Nafarroaren eta nafarren duintasuna jokoan dago, eta horri eutsi egin behar zaio".
Gorenak Cerdan inputatu du eta ekainaren 30erako deitu du bere deklarazioa
Epaileak bost enpresaburu ere deitu ditu deklaratzera ikertu gisa. Esleipenen truke ustez legez kanpoko eskupekoak ordaindu zituzten enpresen administratzaileak dira.
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".