Podemosek salatu du EAJrentzat berea dela 'Euskadi posible bakarra'
Lander Martinez Podemos Euskadiren idazkari nagusiak salatu du EAJk helburu duela "Euskadi bakarra haiek proposatzen dutena dela sinestaraztea, haien Euskadi soilik dela posible, haiek bakarrik erabakitzen dutela euskal agenda, politika bakarrak haienak direla, ez dagoela beste proiektu posiblerik, eta ezin dugula Euskadi hobe batekin amets egin".
Martinezek Bilbon egindako ekitaldi batean azaldu duenez, koalizioa Euskadi hobea lortzeko "amets egiten" ari da, eta "Euskadi hobe batekin amets egiten dutenengandik ikasten eta horiei laguntzen" jarraitzen du. "Gainera, ez dugu beldurrik esateko Podemos Euskadi dela Euskadi hobe batera eraman gaitzakeen bakarra", erantsi du.
Horren harira, Podemos Euskadik "ezkerretik eta euskal errealitatetik pentsatutako" proiektua aurrera eramateko agenda duela adierazi du. "Euskal ezkerraren proiektua. Udalentzat, lurraldeentzat eta Euskadirentzat, eta horietatik, proposamenak eta erantzunak dituen herri proiektua", zehaztu du.
"Ezkerretik ardura dugu jendearen ilusioa erakundeetara eramateko, Europako herritarrek egunerokoan dituzten arazo eta erronkei aurre egiteko politikak egi bihurtzeko", berretsi du.
Era berean, PSE-EEren kontra ere jo du alderdi morearen buruak, egungo egoeran "ezkerra alde batera uztea" erabaki duelako, hau da, "justizia soziala eta berdintasuna" bazterrean utzi eta EAJrekin bat egin duela, "neoliberal kutsuko politikak arazorik gabe sustatzen dituenarekin".
Batzarra
Elkarrekin Podemos, Melenchonen Frantzia Intsumisoa eta Portugalgo Bloco de Esquerda Bilborocken elkartu dira gaur Europar Batasunaren egoera aztertzeko eta etorkizunari begira dauden aukerak lantzeko.
Podemos Euskadiren aldetik Xabier Benito europarlamentaria, Lander Marinez bera eta Neskutz Rodriguez nazioarteko arduraduna egon dira. Frantzia Intsumisotik Leila Chaibi eta Bloco de Esquerdatik Francisco Colaço bertaratu dira.
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.