PSOEk PPren boto-kopuru bikoitza lortuko luke, CISen arabera
PSOEek gora egin du boto-asmoan, CIS inkestaren arabera. Hala, botoen % 31,6 lortuko luke, ia PPren bikoitza. Alderdi popularra indarra galtzen ari da azkenaldian, eta gaur egun Estatuko hirugarren indar bozkatuena litzateke, botoen % 18,2rekin. Ciudadanos, berriz, bigarren indarra litzateke, boto-asmoari dagokionez; hain zuzen ere, % 21eko babesa jasoko luke. Bukatzeko, Unidos Podemosentzat gorakada aurreikusi du CISek, botoen % 17,3 lortuko lukeelako.
Hainbat ministrorengan eragina izan zuen polemikarekin bat etorri zen Ikerketa Soziologikoen Zentroak egindako galdeketa, baita urriaren 1eko urteurrenarekin ere. Alabaina, PSOEk, hilabeteko epean, gora egin du, % 30,5etik % 31,6ra. Aitzitik, PPk bi puntutik gorako beherakada izango du: % 20,8tik % 18,2ra.
Nabarmentzeko modukoa da, bestalde, Ciudanos bigarren indarra dela gaur-gaurkoz, eta % 19,6tik % 21era igoko litzatekeela. Unidos Podemosek ere, PSOEren antzeko igoera izango luke, alegia, 1,2 puntukoa, eta horrek laugarren tokian sailkatuko luke.
Boto zuzenaren datuak ere argitaratu ditu CISek. Kasu horretan ere, PSOE da lehen indar politikoa, botoen % 21,7rekin, eta Ciudadanos bigarrena, % 15,3 erdietsita.
Boto-asmora itzulita, aipatzekoa da ERC izango litzatekeela babes handiena jasoko lukeen bosgarren alderdia (botoen %4,3). PACMAk jarraitzen dio zerrendan, botoen % 1,6rekin. Voxek ere behera egingo luke, % 1,3ra arte, hain justu.
PDeCATek eta EH Bilduk ere boto gutxiago lortuko lituzkete: % 1,9 lehenak, eta % 0,8 bigarrenak.
Kontrara, boto-asmoa % 1,0ekoa da EAJren kasuan. Bukatzeko, Coalicion Canariak indarra galduko luke: boto-asmoaren % 0,1.
PSOEren igoerak lotura dauka Pedro Sanchez Espainiako presidenteari buruz herritarrek duten iritziarekin. Izan ere, Sanchez da lau alderdi nagusietako buruen artean puntuaziorik onena lortu duena.
Gobernuko gainerako ministroen balorazioa, aldiz, ez da batere ona izan. Guztiek lortu dute aurreko inkestan baino puntuazio baxuagoa, bereziki, Dolores Delgadok, Isabel Celaak eta Pedro Duquek, haien inguruan sortutako polemikak tarteko.
Aurreko inkestetan ez bezala, CISek "amorru politikoari" eta "ustelkeriari" buruz galdetu die herritarrei.
Zure interesekoa izan daiteke
Urdaibaiko Guggenheim proiektua baztertzeko erabakia hizpide izan dute Eusko Legebiltzarrean
Pello Otxandianok esan du eskualdean egindako entzuketa aktiboko prozesua heldutasun ariketa izan dela, etorkizunerako adibide izan beharko lukeena. Lehendakariak, berriz, gogora ekarri ditu ezker abertzaleak bere garaian Bilboko Guggenheim proiektuaren aurka egin zituen adierazpenak.
Eusko Jaurlaritzak "kontuz ibiltzeko" eskatu du, Euskadi "Espainiako eredu politikoarekin kutsa ez dadin"
Radio Euskadin egindako elkarrizketa batean, Euskadin aurkari politikoa ulertzeko eta errespetatzeko dagoen gaitasuna azpimarratu du Ibone Bengoetxeak. Bere iritziz, ordea, "kontu handiz ibili behar da etengabeko polarizazio eta liskar saiakerekin". Ildo horretatik, Jaurlaritza prest agertu da entzuteko, hitz egiteko eta akordioak lortzeko.
Lehendakariak "arduragabekeriatzat" jo du ostegun honetan Eusko Legebiltzarrean izandako polemika
Imanol Pradales lehendakariak EH Bilduk eta PPk Eusko Legebiltzarrean izandako eztabaida gogorra izan du hizpide.
Zein da Atlantikoko Makroeskualdearen helburua?
Atlantikora begira dauden eskualdeak Europar Batasunean duten eragina indartzeko ideiak hamarkadak daramatza mahai gainean. Orain, Bruselak urrats bat gehiago eman du eta lurralde horiek guztiak bilduko dituen egitura komun bat sortzea aztertzen ari da.
Makroeskualde Atlantikoa martxan jartzea "berri pozgarria" da Pradalesen ustez, "Euskadiren pisu politikoa handitzen duelako"
Imanol Pradales lehendakaria pozik agertu da Europako buruzagiek atzo emandako pausoarekin. Izan ere, 2027ko ekainean beranduenez, Makroeskualde Atlantikoa bultzatzeko estrategia garatzeko eskatu zioten Europako Batzordeari.
27ek Makroeskualde Atlantikoa osatzeko estrategia eskatu diote Europako Batzordeari
Urteko azken goi-bileran bildutako estatuburu eta gobernuburuek 2027ko ekainerako estrategia hori garatzea eskatu dute. Imanol Pradalesek "urtetako lanaren, aliantzen eta lidergoaren emaitza" dela azpimarratu du.
Makroeskualde Atlantikoaren sorrerarako urratsak ematea eskatuko dute 27ek
Lehendakaritzan "baikor" daude baina "zuhurrak" izan nahi dute, "Euskadirentzat garrantzi handia duen" albiste hau baieztatu arte. Izan ere, Europar Batasuneko estatuburuak eta gobernuburuak Bruselan bilduta daude, urteko azken goi-bileran, gai nagusia Ukrainaren finantziazioa dutela. Hala ere, ondorioen zirriborroak beste puntu bat ere jasotzen du: Europako Batzordeari Makroeskualde Atlantikoa sortzea eskatuko diote.
Ernaik kartelez bete du "El Correo" egunkariaren Bilboko egoitzako atea
Sare sozialetan bideo batean hartu dute astelehen gaueko ekintza bere gain.
Onartu dira Nafarroako 2026ko aurrekontuak, bazkideen babesarekin eta UPN, PPN eta Voxen kontrako botoekin
2026rako aurrekontuak 6.471 milioi eurokoak dira, iazkoak baino % 4,8 gehiago, eta Nafarroan inoizko aurrkontu altuenak. Azken asteotan 19,1 milioi euroko balioa duten 368 zuzenketa gehitu zaizkio Gobernuaren proposamenari, guztiak ere Gobernu-bazkideen alderdiek (PSN, Geroa Bai eta Contigo-Zurekin) eta EH Bilduk proposatutakoak.
Gogorak Txomin Letamendi EAJko militantea omendu du
Ondarroan eta Bilbon egingo dituzte omenaldiak, abenduaren 19an eta 22an, haren ohorea eta duintasunaren alde.