Kataluniako prozesuaren egutegi judiziala
Behin Fiskaltzak eta Estatuko Abokatutzak Kataluniako buruzagi independentisten aurkako behin-behineko akusazio-idazkiak aurkeztuta, ahozko epaiketara gerturatzen ari da auzia.
Hau da, hain zuzen, aurreikusitako egutegia. Defentsen idazkien eta eskaeren arabera, baliteke gehiago luzatzea.
-Azaroak 2: Fiskaltzak eta Abokatutzak behin-behineko ebazpena jasotzen duten idazkiak aurkeztu dituzte, Gorenean gertakariak epaituko dituen salaren aurrean: delituen kalifikazioa, zigor-eskaerak eta epaiketarako froga-eskaerak barne hartzen dituzte horiek.
-Azaroak 5: Herri-akusazio gisa aurkeztuko den Vox alderdiak akusazio-idazkia aurkeztuko du auzitegian. Azaroaren erdialdean: kalifikazio-idazkiak aurkeztu orduko, aurretiaz erabaki beharreko artikuluak (aurretiko eginbideen parekoak) proposatuko dituzte defentsek. Aurreikusitakoaren arabera, gertakariak Kataluniako Justizia Auzitegi Nagusiak epaitzeko eskatuko dute, Gorena alde batera utzita.
-Abenduaren erdialdea: Aurretiaz erabaki beharreko artikuluak eztabaidatzeko saioa. Egun bat geroago, Gorenak epaia emango du, saio horren hurrengo egunean proposatutako gaiak ebazteko.
-Urtarrilaren erdialdea: Ahozko epaiketaren hasiera. Bi edo hiru hilabetez luzatuko dute, saioak antolatzeko moduaren arabera. Litekeena da saioak astelehenetik ostegunera, goizez eta arratsaldez, egitea.
-Martxoaren amaiera: Ahozko epaiketaren azken erabakien irakurketa eta aurkezpena. Akusatuen hitz egiteko azken aukera. Epaiketaren amaiera. Ekainean: epaia. Auzitegiak ez du nahi erabakiak maiatzeko hauteskunde autonomiko eta munizipaletan eraginik izatea. Hori dela eta, hauteskundeen ostean jakinaraziko dute epaia, seguruenik ekainean.
-Behin Gorenaren epaia ezagututa, Kataluniako prozesuan murgildutako Poliziaren goi-karguen aurkako epaiketari ekingo dio Auzitegi Nazionalak. Oraindik argitu gabe dago uda aurretik edo ondoren izango den, presorik ez dagoenez, auzia ez delako premiazkoa.
Zure interesekoa izan daiteke
Irango gerraren ondorioak arintzeko dekretua aurrera aterako da Kongresuan, PPk egingo duenaren zain
Espainiako Gobernuak inbestidurako bazkideen babesa bermatuta du, eta, hortaz, beherapen fiskalak, oinarrizko hornigaiak eteteko debekua eta sektore kaltetuenentzako neurri orokorrak aurrera aterako dira.
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.