Eskuduntzak eskualdatzeko egutegia urtea amaitu aurretik itxiko dute
2018 urtea amaitu aurretik Gernikako Estatutuan jasota dauden hainbat eskuduntza eskualdatzeko egutegia itxiko dutela iragarri du Meritxell Batet Espainiako Gobernuko Lurralde Politika eta Funtzio Publikoko ministroak.
Buruzagi sozialistak berretsi duenez, Gobernu zentrala prest dago espetxeen eskumena negoziatzeko eta EAEren esku uzteko. Aldiz, Gizarte Segurantzaren kudeaketaren eskumema negoziaziotik kanpo geratuko dela jakinarazi du ministroak.
Transferentzien Batzorde Mistoa elkartu da gaur Bilbon, zazpi urtez biltzeke egon eta gero. Batzarraren ostean, Batetek eta Josu Erkoreka Eusko Jaurlaritzako Gobernantza Publikoko eta Autogobernuko sailburuak agerraldia egin dute hedabideen aurrean, hitz egindakoaren berri emateko.
Joan den asteartean, azaroaren 20an, adostu bezala, AP-1 autobidearen Armiñon eta Burgos arteko zatia eta Alonsotegi-Barakaldo eta Bilbao-Basauri trenbide lineak EAEren esku utzi ditu gaur Madrilek. Auzitegi Konstituzionalak 2016an ebatzi zuen eskumen horiek EAEri zegozkiola.
Urtarrilaren 1etik aurrera hartuko ditu Jaurlaritzak bere gain gaur eskuz aldatutako azpiegiturak. Urtero 425.965 euro kenduko ditu Kupotik Jaurlaritzak eskuduntza horiengatik.
Erkorekaren hitzetan, "zazpi urteko lehortearen eta inkomunikazioaren ondoren", aro hori "itxita" geratu da gaur. Gizarte Segurantzaren eskumena "oso konplexua" dela eta Jaurlaritzak, oraingoz, ez duela "lehentasunen artean" jarriko esan du. Halere, Gasteizko Gobernuak Gizarte Segurantzaren kudeaketari ez diola "uko egingo" azpimarratu du.
Jaurlaritzaren izenean, Erkorekakin batera, Arantza Tapia Ekonomiaren Garapen eta Azpiegitura sailburua, Pedro Azpiazu Ogasun sailburua, Sabino Torre Araubide Juridikoaren sailburuordea, Antonio Aiz Azpiegitura eta Garraioko sailburuordea, Itziar Agirre Ogasun sailburuordea, Begoña Perez de Eulate Estatutuaren Garapenerako Zuzendaria eta Aitziber Beldarrain Erakundeen Baliabideetako zuzendaria izan dira batzarrean. Espainiako Gobernuaren izenean ere ordezkaritza zabala izan da, tartean, Jesus Loza Espainiako Gobernuak EAEn duen ordezkaria.
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.