Egia eta gezurrak
Egia eta gezurraren arteko marra zehaztea ezinezkoa izaten da sarriegi. Adierazteko erak, erabilitako hitzek eta esamoldeen korapiloek benetan gaitza bilaka lezakete jasotakoa egiaztatzea. Hitza dugu gizakiok besteekiko harremanak finkatzeko tresna baliagarriena, baina gero eta maizago benetako eragozpenak ditugu entzun edo irakurritakoa zuzena den egiaztatzeko.
Hauteskunde garai hauetan mezuak berebiziko garrantzia du, hitz gutxitan boto-emailearengan zirrara sortu, hunkitu egin behar dugu eta, ahal izanez gero, zuzenean astindu. Eta itxuraz hori lortzeko bide eta tresna guztiak zilegi dira. Populista deitzen diegu arazo larrietarako konponbide errazak eskaintzen dizkigutenei. Demagogoa, entzun nahi duguna esaten diguna omen da, gure beldurrak, ezinak eta emozioak erabiltzen dituena gugandik zerbait lortzeko. Manipulatzaileak, adierazteko trebeziaren bidez nahi duen lekura eraman ohi ditu sineskorrenak eta ahulenak. Gezurtia ei da, egia ez dena apropos esaten duena besteok ontzat emango dugulakoan…
Matematiketan zuzena eta okerraren arteko aldea argia omen da, ukaezina. Baina beste arlo gehienetan guztia zalantzan jar liteke, baieztapen oro eztabaidagarria da. Eta hemen hasten dira arazoak. Gaur egun iritzi guztiak maila berean daudela sinistarazi digute, edozein aburu errespetagarria dela. Koldarrenen kobazulo bilakatu diren sare sozialetan, pantailatik pantailara oihartzunaren gisa dabiltzan ergelkeria zentzugabeenek, aditu eta ikerlari errespetagarrienen gainetik azaltzen zaizkigu. Lurra laua dela edo Mundua Jaungoikoak zazpi egunetan egin zuela egi borobiltzat dutenek diote eskubide osoa dutela hori sinisteko eta historia liburuetan idazteko. Arerioen populismoa salatzen duten politiko egiatiek ez dute inongo eragozpenik, sekula bete ezingo dutena agintzeko, gaur egungo teknologiak adierazitakoa ezabaezina bilakatuko duela jakin arren. Irudia eta itxura garrantzitsuena den sasoi berezi hauetan, mezu hutsalak nagusitu dira.
Eguna joan eta eguna etorri, tentelkeria beretsuak entzuten ditugu gure botoa eskuratzeko egitasmo erakargarriak eskaini beharko lizkiguketenen aldetik. Modernitatearen gailurrean gauden honetan, orain dela 60 urte idatzitako tangoak gaurkotasun osoa duela dirudi, berdin baita jakintsu edo eskolagabe izan, irakasle edo astakilo. Balio bera duelako gau eta egun lana egiten duenak eta bizkarroiak, hiltzen duenak, apaizak eta legea urratzen duenak…
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.