Sanchezek amore ematea eta koalizio gobernu bat osatzea espero du Unidas Podemosek
Irene Montero Unidas Podemosek Espainiako Diputatuen Kongresuan duen bozeramailearen esanetan, "lehenago edo geroago koalizio gobernu bat egongo da" PSOErekin.
Ser irrati kateari eskainitako elkarrizketan, gaur arratsaldetik bertatik Pedro Sanchez Espainiako Gobernuko jarduneko presidentearekin eta inbestidurarako hautagai denarekin negoziatzeko prest daude koalizioko kideak. Pedro Sanchezek eta Pablo Iglesiasek egindako bosgarren bilera ofiziala adostasunik gabe amaitu zen atzo, eta, beraz, gaur-gaurkoz, uztaileko inbestidura saioak kolokan jarraitzen du.
Dena dela, Irene Montero baikor mintzatu da. Haren esanetan, Sanchezek PPren eta Ciudadanosen babesik ez duela egiaztatzen duenean Unidas Podemosekin elkarrizketak berrartuko ditu.
Atzoko bilerari buruz galdetuta, Sanchezek kolore bateko gobernu bate osatzeko asmoan tematuta jarraitzen duela adierazi du Monterok. "Alderdi ororen asmoa izatea ulertzen badugu ere, hiritarrek ez dute hori bozkatu... Ez dago gehiengo absoluturik eta besteekin negoziatu behar du", ziurtatu du.
Iglesiasek Sanchezi presidenteorde izatea eskatu ote zion galdetuta, uko egin dio zuzenean erantzuteari. Atzo, ordea, gezurtatu egin zuten koalizio moreko iturriek.
"PSOEk inbestidurak porrot egitea erabaki du kooperazio gobernu bat inposatzen saiatzeko", salatu du.
Lastrak (PSOE) Monterori deituko dio, arratsaldean bertan negoziatzen hasteko
Adriana Lastra PSOEko idazkari nagusiorde eta sozialisten Kongresuko bozeramaileak berehala erantzun dio Irene Monterori, eta gaur arratsaldean bertan hitz egiten hastea proposatu dio.
"Hemendik irten eta alderdiaren egoitzara iristen naizenean deitu egingo diot, posible bada, gaur bertan programari buruz hitz egiten hasteko", esan du Lastrak Ser irrati kateari eskainitako elkarrizketan.
Unidas Podemosekin negoziatzeko PSOEko zuzendaritzak aukeratutako taldeko burua ere badenaren esanetan, koalizio gobernua edo kooperazio gobernua osatu da bi aldeen arteko desadostasun nagusia. Gaineratu duenez, Podemosen baitan ospe ona duten pertsonak kooperazio gobernu batean sartzea da inbestidura eta gobernagarritasuna bermatzeko aukera bakarra.
Zure interesekoa izan daiteke
PPk 26 eserleku lortu ditu Aragoin, PSOEk 19 eta Voxek 13, botoen % 54,5 zenbatuta
PPk irabaziko lituzke hauteskunde autonomikoak Aragoin, 67 eserlekutatik 26 eskuratuta (azken hauteskundeetan baino 2 gutxiago); PSOEk, berriz, 19 lortuko lituzke (4 gutxiago), eta Voxek bere ordezkaritza bikoiztuko luke, 7tik 13ra igarota.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.