Autogobernua 'ongizatearen sinonimoa' dela nabarmendu du Urkulluk NBEn
Iñigo Urkullu lehendakariak astelehen honetan Nazio Batuen Erakundean (NBE) azpimarratu duenez, “autogobernua ongizatearen sinonimoa dela erakusten du euskal ereduak". Halaber, Euskadi “herrialde jasangarria, solidarioa eta irekia” dela nabarmendu du.
Urkulluk ‘Euskadiko Bonu Jasangarriak’ aurkeztu ditu, eta ekimen “serioa, errealista eta arduratsua” dela esan du. Izan ere, horri esker ‘Agenda 2030’ egitasmoari lotutako gizarte eta ingurumen arloko proiektuak finantzatu ahal direla azaldu du.
Ildo horretatik, Euskadi bere “balioak finkatuta” dituen lurraldea dela esan du Urkulluk, eta “bigarren aukera bat bilatzen duten migratzaileekin solidarioa eta irekia” dela azpimarratu du. “Euskadi ingurumenarekin eta klima-aldaketaren aurkako borrokarekin konprometituta dago, heziketarekin eta bereziki gazteei eskainitako kalitatezko enpleguarekin”, esan du. Era berean, emakumeen eta gizonen arteko “berdintasun eraginkorrean aurrera egiteko” lanean ari dela ziurtatu du.
NBEk Amerikako Estatu Batuetan antolatutako High Level Political Forum 2019 (HLPF 2019) ekitaldian parte hartu du gaur Urkulluk, eta Euskadin 'Agenda 2030' deiturikoan eta garapen jasangarriaren arloan emandako aurrerapausoak azaldu ditu.
Hala, Europan NBEk onartutako Garapen Jasangarrirako 17 Helburuei atxikitzen eta horiek ezartzen Euskadi “aitzindaria” izan dela adierazi du lehendakariak. Testuinguru horretan, 2018ko apirilean Eusko Jaurlaritzak ‘Basque Country 2030 Agenda’ aurkeztu zuela gogora ekarri du, eta berriki bere jarraipena islatzen duen bigarren txostena kaleratu duela esan du.
Iñigo Urkullu lehendakaria, High Level Political Forum 2019 (HLPF 2019) ekitaldian. Argazkia: Irekia
Halaber, legegintzaldi honetan Euskadik kontu publikoetan “zero defizitaren helburua” lortu duela nabarmendu du Urkulluk, eta lortutako kalifikazioa “A positiboa” dela gaineratu du.
Lehendakariak, Euskadiko Bonu Jasangarrien berri eman du jardunaldi horretan. Azaldu duenez, 1.100 milioi euroko bi Bonu Jasangarriren jaulkipena egin du Jaurlaritzak, eta, hori, Euskal Autonomia Erkidegoko (EAE) aurrekontuaren hamarren bat dela azaldu du.
Hartutako funtsek 'Agenda 2030' ekimenari lotutako gizarte edo ingurumen arloko proiektuak finantzatzen dituzte. Zehazki, % 83 gizarte-inbertsioetara bideratzen da, pertsonentzako funtsezko zerbitzuak bermatzeko, eta % 17 ingurumen-inbertsioetara.
Horrez gain, Euskadiko Bonu Jasangarriak “oso harrera ona” izan dutela nabarmendu du lehendakariak. Gauzak horrela, eskariaren ondorioz lau aldiz biderkatu dela eskaintza eta jaulkipenaren bi heren 13 herrialdetako nazioarteko inbertitzaileek sinatu dutela esan du.
“Autogobernua ongizatearen sinonimoa dela erakusten du euskal ereduak", azpimarratu du lehendakariak. Izan ere, “autogobernuak politika publikoen garapenerako eta finantzaziorako eskumenak” dituela esan du Urkulluk.
High Level Political Forumeko gaurko saioko hitzaldiari amaiera emateko, Urkulluk ondorengoa esan du: “Mundu berdinzaleagoa, jasangarriagoa, solidarioagoa eta bidezkoagoa eraikitzeko konpromisoarekin jarraituko dugu lanean Euskadi Basque Countryn”.
Albiste gehiago politika
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Ohar bateratu batean, bi elkarteek, halaber, erakunde publiko, lokal, autonomiko eta estatal guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau herriko etxe auzitara eraman ditu, Palestinako bandera eskegitzeagatik
Funtzio publikoari aurreikusten zaion neutraltasuna haustea leporatzen die Urruña, Ozaze, Izura eta Itsasuko herriko etxeei. Ipar Euskal Herriko beste lau herriko etxek ere jarri dute bandera palestinarra, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.
Espainiako Gobernuari 10 dokumentu helaraziko dizkiotela azpimarratu du Ubarretxenak, urtea amaitu baino lehen "Estatutua ixteko"
Eusko Jaurlaritzako Gobernantza, Administrazio Digital eta Autogobernu sailburuak azpimarratu du datorren astean joango direla Madrilera, aireportuen transferentziari buruz hitz egiteko. Era berean, urtea amaitu baino lehen Estatutua "itxiko" litzatekeela azpimarratu du: "Estatuak orain arte ez digu denbora gehiago eskatu", esan du. Jatorrizko adierazpenak, gaztelaniaz, Radio Euskadiko elkarrizketatik.
Arnaldo Otegi, elkarrizketa nazionalaz: "Guk ez ditugu galdera guztien erantzunak, eta jendearekin bilatu nahi ditugu erantzun horiek"
Otegik adierazi du “oso baiztapen sakona, eta termino politikoetan oso garrantzitsua” izan zela Imanol Pradalesek autogobernurako garai ilunak etor daitezkeela esatea. Koalizioaren koordinatzaile nagusiak azpimarratu du “hain zuzen ere, garai ilun horiek ez etortzeko, edo etortzen badira aurre egiteko prest agertu" direla.
EAJk Parisen berreskuratu duen eraikina jeltzaleena izatea "sinesgaitza eta okerra" dela esaten jarraitzen du PPk
Aitor Esteban EAJko presidenteak larunbatean Parisen egindako ekitaldietan esandako "irainei" erantzun die Partidu Popularrak ohar baten bidez, zalantzan jarri du berriro eraikin hori EAJrena izan izana, eta Eusko Jaurlaritzarena zela defendatu du.
EAJk martxan dauden akordio prozesuekin bat egiteko eskatu dio Otegiri, eta "mundua ez da gelditzen" ohartarazi dio
Iñigo Ansola BBBko presidentearen arabera, Euskadiren aldeko "akordioak martxan daude", eta "aukerak sortu behar ditugu". EH Bilduko buruzagiari eskatu dio atzerapenik gabe egin dezala bat hasitako akordio prozesuekin.