Torrak autodeterminazioa aldarrikatu du, 'bidea amaitzea' xede
Kataluniako Generalitateko presidente Quim Torrak autodeterminazioaren alde egiteko deia egin die katalanei, Kataluniako "askatasunerako bidea amaitzea" helburu, eta adorea eman die herritarrei "ez gelditzeko eta elkarrekin aurrera egiteko", jomuga hori gauzatzeko asmoan.
Horixe aldarrikatu du Torrak irailaren 11ko, hau da, asteazken honetako Diadaren bezperako hitzaldi instituzionalean, Generalitatearen Jauregian. Hainbat aldiz aipatu du Kataluniako prozesua, bai eta Kataluniaren "askatasunaren aldeko etengabeko borroka" ere; presoak, berriz, ez ditu zuzenean aipatu.
Kataluniako herritarrei zuzenduta, Torrak datozen hilabeteotan pentsatuta egin du deia; izan ere, laster kaleratuko dute Kataluniako prozesuaren inguruko epaia: "Eskatzen dizuet iristear dauden garaiei aurre egiteko ausardiaz eta indarrez, adimenez eta bizi, eskuzabaltasunez eta batasunez, ekimenez eta uste osoz, lasaitasunez eta anbizioz, talde-anbizio ahalik eta handienarekin".
"Demokrazia, gure erantzuna"
"Gaur egun gure herrian setio luze eta neketsua dugun honetan, demokrazia da eta izango da beti katalanen erantzuna. Eta hori da guztiei eskatzen diegun erantzuna. Gure gogoz izan nahi dugu gu asetzen gaituen herri-proiektu bateko herritarrak", esan du.
Torraren hitzetan, herriek bi bide dituzte estatuetako kide izateko, "borondatea ala inposatzea, atxikimendua ala errepresioa", eta, horren iritziz, "modu bakarra dago aukeratzeko: autodeterminazio-eskubidea erabiltzea".
Eskubide hori "herriek dute, herriek bakarrik, ez agintariek, eta herriek eskubide osoa dute hori gauzatzeko".
Espainiako Gobernuak behin eta berriz esan du ez duela adostuko erreferendumik Katalunian, eta, horren harira, hauxe esan du Torrak: "Ukatzen diguten eskubide oro berriro aldarrikatuko dugu".
Kataluniako presidentearen arabera, "Katalunia katalanek nahi dutena izango da. Ez zalantzarik izan. XXI. mendean gaude, batzuek XIX. edota XVIII. mendera itzuli nahi badute ere. Borroka demokratiko eta baketsu guztiek arrakasta izateko aukera izan behar dute, herritarren gehiengoaren babesa badute. Ez dago herri solidario, ireki, zuzen eta ausart baten askatasun nahia gelditzerik".
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.