Gure Eskuk Diadan parte hartuko du, preso katalanei elkartasuna adierazteko asmoz
Erabakitzeko eskubidearen aldeko Gure Esku herri mugimenduak astearte honetan jakitera eman duenez, irailaren 11ko Diadan parte hartzeko ordezkaritza bat bidaliko du Kataluniara, “preso politiko katalanei elkartasuna adierazi" eta "autoderminazioaren aldeko jardunaren zilegitasuna aldarrikatzeko" asmoz.
Ohar batean, Gure Eskuk azaldu du aurten “oroitzapen berezia” izango dutela epaiaren zain preso dauden politiko katalanekin. Izan ere, herri mugimenduak “elkartasuna” adierazi nahi die “pairatzen ari diren bidegabekeria dela eta”.
“Nazio Batuen Erakundeko Atxiloaldi arbitrarioari buruzko lan taldeak eskatu bezala, aske egon beharko lirateke”, azpimarratu du Gure Eskuk. “Ez soilik espetxetik kanpo, baizik eta edozein kausa judizialetik libre. Gure Eskuren ustez, bidezkoa den epai bakarra errugabe jotzea da”, gaineratu du.
Hala, irailaren 11ko Diadan parte hartuz, milaka katalanek bizi duten “egoera errepresiboa” salatu nahi du Gure Eskuk. Arrazoi horregatik, “bide politikoak nagusitzeko ordua” dela nabarmendu du herri mugimenduak.
“2017ko urriaren 1eko erreferendumaren harira oinarrizko eskubideak (manifestazio eskubidea, adierazpen askatasuna, bozkatzeko eskubidea…) erabiltzeagatik etorri da olatu errepresibo hau”, esan du Gure Eskuk.
Testuinguru horretan, katalanekin oinarrizko eskubideen defentsan bat egiten duela azaldu du Gure Eskuk, “eskubide horiek guztionak direlako”. Hala, "herri guztiek haien etorkizuna erabakitzeko eta independentziaren bidea jorratzeko eskubidea” dutela berretsi du herri mugimenduak. “Ibilbide horretan, Euskal Herria eta Herrialde Katalanak elkarren ondoan baino ezin dira egon”, gaineratu du.
Azkenik, hurrengo asteazkenean katalanen ondoan egoteko deia luzatu die Gure Ekuk euskal herritarrei “elkartasuna adieraziz eta elkarlanerako prestasuna agertuz”.
Zure interesekoa izan daiteke
Zer da Plus Ultra auzia eta zer lotura du, ustez, Zapaterorekin?
Ustezko ustelkeria auzi hau 2021ean Plus Ultra konpainiari emandako 53 milioi euroko erreskate publikoarekin lotuta dago. Auzitegi Nazionala ikertzen ari da ea Zapaterok bitartekari lana egin ote zuen erreskatea lortzeko, ordain ekonomikoen truke.
PSOEk Zapatero babestu du, Plus Ultra auzian inputatu ostean
Justiziarekiko errespetua eskatu dute sozialistek, eta Jose Luis Rodriguez Zapatero Espainiako Gobernuko presidente ohiaren errugabetasun-presuntzioa azpimarratu dute.
Zapateroren inputazioaren osteko erreakzioak: PPk Sanchezek agerraldia egin dezala eskatu du, eta Voxek, hauteskundeak aurreratzea
Auzitegi Nazionalak inputatu gisa deklaratzera deitu du datorren ekainaren 2an, Plus Ultra hegazkin konpainiaren erreskatearen auzian. Albisteak erreakzio soka luzea ekarri du panorama politikoan.
Epaileak Jose Luis Rodriguez Zapatero inputatu du Plus Ultra auzian, eta dirua zuritzeagatik ikertuko du
Espainiako Gobernuak Plus Ultra airelineari emandako 53 milioi euro modu irregularrean erabili ote ziren ikertzen ari da Jose Luis Calama Auzitegi Nazionaleko magistratua. Inputatu gisa deklaratu beharko du Zapaterok ekainaren 2an.
Munduko Futbol Txapelketaren egoitza izateko Bilbo hautagai izango den zalantzak dituela aitortu du Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du, eta azpimarratu du lan egin behar dela arreta ona jasotzea sorterriaren araberakoa izan ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.