Unibertsitate sailburuak, Deustu ixteari buruz: "Kafkiarra da Bilbo hankaz gora jartzea pertsona bakar bategatik"
Perez Iglesiasek ez du egoki ikusi Deustuko Unibertsitateak Bizkaiko campusa ixtea, Vito Quiles eskuin muturreko xaxatzailearen bisita dela eta. Gogorarazi duenez, EHUk Arabako campusa zarratu zuenean ere kontra azaldu zen.
Perez Iglesias, Europa Pressen artxiboko argazki batean.
Juan Ignacio Perez Iglesias Eusko Jaurlaritzako Zientzia, Unibertsitate eta Berrikuntza sailburuak nabarmendu du ez zaiola "zuzena" iruditzen Deustuko Unibertsitateak Bizkaiko campusa itxi izana, Vito Quiles ultraeskuineko xaxatzaileak egin asmo zuen ekitaldi bat tarteko.
"Kafkiarra da hiriburu oso bat hankaz gora jartzea pertsona bakar bategatik, probokatzaile profesionala da, baina pertsona bakarra finean", irakur daiteke Zientzia, Unibertsitate eta Berrikuntza Sailak zabaldutako adierazpenetan.
Sailburuak gogorarazi duenez, Voxen ekitaldi bat tarteko, EHUk Arabako campusa ixtea erabaki zuenean ere kontra azaldu zela.
Vito Quilesek Bilbora etorri behar zuela eta, talde antifaxistek eta ikasleek mobilizazioak egin dituzte gaur arratsaldean Deustuko Unibertsitatearen inguruan. Eskuin muturreko xaxatzaileak, baina, bertan behera utzi du iragarrita zuen ekitaldia.
Zure interesekoa izan daiteke
Ikasleek protesta egin dute Bilbon, Vito Quilesen bisita gaitzesteko
Pradales, Illa, Moreno eta Clavijo Bilbon batu dira adimen artifizialak ekarriko dituen aukerez eta arriskuez hitz egiteko
Elkarrekin Podemosek EAJri eta PSEri ohartarazi die ez duela "zerga pribilegiorik" onartuko
Deustuko Unibertsitateak jarduera eten eta campusa itxiko du gaur arratsaldean, segurtasunagatik
"Olatu erreakzionarioaren" aurrean "Euskal Herri gehiago eraikitzeko" deia egin du Gure Eskuk
Gernikako Estatutua erabat betetzeko eta estatus berria errespetatzeko eskatuko du EAJk Kongresuan
Estatus berriaren eztabaida erdigunean jartzeko eskatu du Otxandianok, Gernikako Estatutua "bete gabe eta mugatuta" baitago
Gernikako Estatutua "euskal etxearen defentsarik onena" dela aldarrikatu du lehendakariak, eta hura babesteko deia egin
