Irailaren 25ean eta 26an epaituko dute Torra, lazo horiak garaiz ez kentzeagatik
Irailaren 25ean eta 26an Quim Torra Generalitateko presidentearen aurkako ahozko epaiketa egingo dute Kataluniako Justizia Auzitegi Nagusian (Bartzelona), apirilaren 28ko hauteskunde kanpainan eraikin publikoetatik lazo horiak garaiz kendu ez izana leporatuta.
Fiskaltzak desobedientzia delitua egozten dio Generalitateko presidenteari. Hala, Kataluniako Justizia Auzitegi Nagusiko Zigor Aretoak astelehen honetan jakinarazi du prozesatze-autoa, onartutako froga-zerrendarekin.
Epaiketarako aurreikusitako bi egunak bat datoz Kataluniako Parlamentuak urtero egiten duen Politika Orokorreko Eztabaidarako finkatu ziren egunekin.
Fiskaltzaren eskaera
Espainiako Hauteskunden Batzordeak eraikin publikoetatik lazo horiak kentzeko agindu zion Torrari, eta agindu hura garaiz ez zuela bete iritzita, Torra salatzeko bidea hasi zuen. Kataluniako Fiskaltza Nagusiak aintzat hartu zuen eskari hori eta Quim Torraren kontrako kereila aurkeztu zuen, hauteskunde kanpainan eraikin publikoetan ikur alderdikoiak erabiltzea leporatuta.
Uztailean, urtebete eta zortzi hilabeteko inhabilitazioa eskatu zuen Ministerio Publikoak Torrarentzat, hauteskunde garaian Generalitateko eraikinetan jarritako lazo horiak eta esteladak kentzeko agindua ez errespetatzeagatik.
Akusazio idatzian, Auzitegi Zibileko eta Zigor-arloko Salako epailearen aurrean ahozko epaiketa egitea eskatu zuen Fiskaltzak, eta, ia bi urteko gaitasungabetzeaz gain, Zigor Kodeko 410. artikuluan jasota dagoen desobedientzia delituagatik 30.000 euroko zigorra jartzea eskatu zuen.
Epe horretan, lurralde, autonomia, Estatu eta Europa mailan kargu publikorik bete ahal ez izateko eta esparru horietan gobernu-eginkizunak ez betetzeko Torraren gaitasungabetzea eskatu zuen Ministerio Publikoak. Hala, inhabilitazioa irauten duen bitartean kargu eta ohore horiek kentzea, eta inola ere ez lortu ezin izatea eskatu zuen.
Zure interesekoa izan daiteke
Zer da Plus Ultra auzia eta zer lotura du, ustez, Zapaterorekin?
Ustezko ustelkeria auzi hau 2021ean Plus Ultra konpainiari emandako 53 milioi euroko erreskate publikoarekin lotuta dago. Auzitegi Nazionala ikertzen ari da ea Zapaterok bitartekari lana egin ote zuen erreskatea lortzeko, ordain ekonomikoen truke.
PSOEk Zapatero babestu du, Plus Ultra auzian inputatu ostean
Justiziarekiko errespetua eskatu dute sozialistek, eta Jose Luis Rodriguez Zapatero Espainiako Gobernuko presidente ohiaren errugabetasun-presuntzioa azpimarratu dute.
Zapateroren inputazioaren osteko erreakzioak: PPk Sanchezek agerraldia egin dezala eskatu du, eta Voxek, hauteskundeak aurreratzea
Auzitegi Nazionalak inputatu gisa deklaratzera deitu du datorren ekainaren 2an, Plus Ultra hegazkin konpainiaren erreskatearen auzian. Albisteak erreakzio soka luzea ekarri du panorama politikoan.
Epaileak Jose Luis Rodriguez Zapatero inputatu du Plus Ultra auzian, eta dirua zuritzeagatik ikertuko du
Espainiako Gobernuak Plus Ultra airelineari emandako 53 milioi euro modu irregularrean erabili ote ziren ikertzen ari da Jose Luis Calama Auzitegi Nazionaleko magistratua. Inputatu gisa deklaratu beharko du Zapaterok ekainaren 2an.
Munduko Futbol Txapelketaren egoitza izateko Bilbo hautagai izango den zalantzak dituela aitortu du Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du, eta azpimarratu du lan egin behar dela arreta ona jasotzea sorterriaren araberakoa izan ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.