64 atxilotu eta 182 zauritu Katalunian, bart izandako istiluetan
Esquadra Mossoek 54 pertsona atxilotu zituzten atzo Katalunian, 'prozes'aren epaiaren kontrako bosgarren istilu gauean. Desordena publikoak eta autoritatearen agenteen aurkako atentatua leporatzen diete.
Bartzelonan Via Layetanan (Polizia Nazionalaren komisaria nagusia dago bertan) eta Urquinaona plazan kontzentratu ziren liskarrak. Bertan, 12 lagun atxilotu zituzten Mossoek. Lleidan beste 18 pertsona atxilotu zituzten, 12 Gironan, 9 Tarragonan, 2 erdialdean eta bat Sant Celonin.
Espainiako Poliziak beste 10 pertsona atxilotu zituen Layetana etorbidean.
SEMek 182 zauritu artatu ditu eta 63 osasun zentroetara eraman dituzte
Bestalde, Osasun Larrialdietarako Zerbitzuak (SEM) jakitera eman duenez, 182 pertsona artatu behar izan dituzte azken orduetan Katalunian, horietatik 152 Bartzelonan.
SEMek zehaztu du Bartzelonako 50 zauritu osasun zentroetara eraman behar izan zituztela eta besteei lekuan bertan eman zietela alta.
Bartzelonatik kanpora, 7 pertsona artatu zituzten Tarragonan, 12 Gironan, 6 Lleidan, bat C-58 Batzelona parean, bat Terrassan (Bartzelona), bat Alellan (Bartzelona), bat Montcada i Reixacen (Bartzelonan) eta beste bat Molins de Rein (Bartzelona).
Guztira, 63 pertsona eraman behar izan zituzten osasun zentroetara.
Marlaska Bartzelonara joan da Buchekin eta poliziaburuekin biltzera
Fernando Grande-Marlaska funtziotan den Espainiako Barne ministroa Bartzelonara joan da larunbat honetan, Kataluniako segurtasun operatiboko buruekin elkartzera.
Kataluniako Barne Kontseilaritzan dagoen CECOR Koordinazio Zentroa bisitatu du eta Buch kontseilariarekin batera, Mossoen, Polizia Nazionalaren eta Guardia Zibilaren buruekin bildudira.
Istiluetan zauritutako lau poliziak ere bisitatu ditu Bartzelonako Sagrat Cor hospitalean.
Bederatzi zauritu larri, eta bat oso larri
Guztira, 18 pertsona daude une honetan Kataluniako ospitaleetan ingresatuta, aste honetan izan diren istiluengatik. Bat oso larri dago eta bederatzi larri.
Generalitateko Osasun Departamentuak esan duenez, oso larri dagoen pertsona Vall d'Hebron ospitalean dago. Buruko traumatismoa du.
Larrien zaurituetako bost Sant Pau ospitalean daude. Hiruk "objektu esferikoek eragindakoak izan daitezkeen" (pilotak) lesioak dituzte begietan. Bik begi bana galdu dute eta hirugarrena ebakuntza egiteko zain dago. Kataluniako Segurtasun kontseilaria ospitaleko arduradunekin izan da gaur.
Zure interesekoa izan daiteke
Estatuari Martxoak 3ko sarraskiaren erantzukizuna eskatzeak berriro aurrez aurre jarri ditu EAJ eta PSE-EE
EAJk eta EH Bilduk Espainiako Gobernuari eskatu diote aitor dezala Martxoak 3ko sarraskian izan zuen erantzukizun zuzena, eta aitortza horrekin maila goreneko adierazpen ofiziala egin dezala. PSE-EE ez dator bat eskari horrekin.
EH Bilduk eta EAJk Adamuzeko istripua argitzea eskatu dute, herritarrek trenbide sarean konfiantza izan dezaten
Urteko lehen osoko bilkura hartu du Espainiako Diputatuen Kongresuak, eta Pedro Sanchez Espainiako Gobernuko presidenteak agerraldia egin du, berak hala eskatuta, trenbide-istripuei buruzko azalpenak emateko.
EAJ Pasaiako portua "liga nazional batetik erregionalera jaisten" saiatzen ari dela kritikatu du PPk
Mikel Lezama PPk Gipuzkoako Batzar Nagusietan duen bozeramaileak gogor kritikatu du EAJren "asmo ideologikoa", portuaren kudeaketa Eusko Jaurlaritzaren esku uztea baita. Gaineratu du hori ezin dela egin, "Estatuaren interes orokorreko portua" delako.
"Maiatza eta ekaina artean" irekiko dute Zubietako espetxe berria
Gipuzkoako espetxe berria ireki eta Donostiako kartzela zaharra eraitsiko dute. Ondoren, 400 etxebizitza babestu egingo dituzte Txomin Enean.
Cerdanek "errugabea" dela defendatu du eta adierazi du ez dela eta ez dela sekula izan Antxon Alonsoren bazkide
Nafarroako Parlamentuko ikerketa batzordean agerraldia egin du Santos Cerdan PSOEren Antolakuntza idazkari ohiak, eta nabarmendu du ikerketa batzordea baino UPNren "mendeku" gosea asetzeko batzordea dela.
Estatuko Fiskaltza eta Abokatutza Puigdemonti amnistia ematearen alde agertu dira, Gorenaren ezezkoaren aurrean
Bi erakundeek Kontsituzionaleko berme-gortean aurkeztu dituzte beren idazkiak, Auzitegi Gorenak dirua bidegabe erabiltzeagatik amnistia ez aplikatzeko hartutako erabakiaren aurka presidente ohiak jarritako babes-errekurtsoa onar dezan eskatzeko. Bi erakundeek uste dute Auzitegi Gorenak amnistia aplikatu behar ziola, eta kritikatu dute Amnistia Legea modu "arrazoigabe eta arbitrarioan" interpretatu zuela, hura aplikatzea saihesteko.
Arabako Batzar Nagusiek ohorezko tituluak kendu dizkiete Francori eta Molari
Tituluak baliogabetzeko mozioa Arabako Aldizkari Ofizialean argitaratu eta hurrengo egunean sartuko da indarrean.
Pradalesek iritzi dio Sanchezek Estatutuarekiko duen borondatea "itxaropentsu" egoteko modukoa dela, baina ez du atzerapenik onartuko
Imanol Pradalesek gogorarazi du negoziazioei "jarraibide politiko erabakitzaileagoak onartuz" ekitea eskatu dutela. "Hau da, maila politikoan hitzartutakoak ez dituela etengabe topatzen oztopo eta erresistentzia administratibo eta politikoak. Jarrera horrek, ekintza politikoa debaluatzeaz gain, eragin zuzena du Euskadiren aukeretan eta euskal herritarren bizi-kalitatean", esan du.
Sanchezek agindu du "beharrezko neurri guztiak" hartuko dituela Adamuzeko istripuaren ostean, eta Estatuak azkar erantzun zuela defendatu
Espainiako Gobernuko presidenteak larrialdi dispositiboa berehala martxan jarri zuela defendatu du Kongresuan, eta biktimei laguntzeko administrazioen arteko koordinazioa nabarmendu du.
Euskal Herria herritarrei ziurtasuna emateko proiektu kolektiboa dela defendatuko du EH Bilduk Aberri Egunean
"Zazpiak bat egin" lelopean, koalizio abertzaleak apirilaren 5ean egingo du urteroko hitzordua, Iruñean.