Torra: 'Autodeterminazio eskubidea gauzatzeak ez du jada atzera bueltarik'
Quim Torra Kataluniako presidentea "preso politikoen eta erbesteratuen" aldeko eta proces-aren epaiaren kontrako mozioak sinatu dituzten alkateekin bildu da gaur goizean, Generalitateko Palauan, ACM Kataluniako Herrien Elkarteak eta AMI Independentziaren Aldeko Herrien Elkarteak deituta.
Kataluniako 800 udal eta toki- eta eskualde-erakundek sinatu dute agiria, eta ordezkari horien aurrean, "autodeterminazio eskubidea berriz ere gauzatzeko duen konpromisoa" berretsi du, "jada ez baitago atzera bueltarik, independentismoa une erabakigarrian dagoelako".
Ildo horretan, autodeterminazio eskubidea ez dutela geldiaraziko ohartarazi du: "Ez errepresioak, ez 155 artikulua aplikatzearen mehatxuak, ez isunek, ez kartzelak, ez zigor prebentiboek ezta Auzitegi Konstituzionalaren inongo errekerimenduk ez dute geldiaraziko autodeterminazio eskubidea oraingo honetan".
Alkatez inguratuta (ez da bertan izan Ada Colau Bartzelonako alkatea), presidenteak esan du epaia eta errepresioa gogor gaitzetsi behar direla, baina gaitzespena ez dela nahikoa: "Orain, inoiz baino gehiago, ezin dugu amore eman, une erabakigarrian baikaude eta soilik elkarrekin izango dugu hasi genuena amaitzeko behar den indarra".
Auzitegi Gorenean izandako epaiketa "politikoa" izan zela salatu du berriz ere, epaiak "eskarmentua" eman nahi izan duela eta Kataluniako subiranotasunari atzera egiteko "mezu argia" eman nahi izan diotela. "Baina berriz ere egingo dugu, burugogor, Kataluniako herriaren jarrera demokratikoarekin".
Eta lortzeko, "kexaren dinamika gainditu" eta "dinamika positibo eta eraikitzailea" hartzearen alde egin du.
Zure interesekoa izan daiteke
Euskadik eta Espainiar Estatuak aldebiko batzorde bat sortuko dute aireportuen kudeaketan parte hartzeko
Aireportu-azpiegiturei buruzko akordioak bi administrazioen arteko lankidetza-organo bat abian jartzea aurreikusten du, indarrean dagoen eskumen-araudia errespetatuz, Euskadik erabaki estrategikoetan esku hartzeko aukera izan dezan.
Euskal Herriaren proiektu nazionala indartzeko beharra azpimarratu du EH Batera herri ekimenak Lizarran
Aberri Egunaren ofizialtasuna eta instituzionalizazioa ere aldarrikatu dituzte ekimeneko ordezkariek gaur Lizarran egin duten ekitaldian. Zehazki, gaur egun ez duen aitortza eta zabalpena emateko eskatu dute, "urrats txikia bezain eraginkorra" izango litzatekeela iritzita.
Etchegarayk eta Blancok hartu dute Baionako eta Biarrizko alkate kargua
Atzo, Kanboko eta Hendaiako aginte makila jaso zuten Peio Etxelekuk eta Kotte Ecenarrok. Bigarren itzuliaren ostean alkate karguak hartu eta gero, orain argitzeko dagoen bakarra da Euskal Hirigune Elkargoko presidente izateko hautagaiak nortzuk izango diren. Etchegarayk ez du horren inguruko arrastorik eman.
Bizikidetza eraikitzeko, egian oinarritutako memoria eskatu du Eneko Anduezak
Euskadiko sozialista gazteek Oroimen Hegoak sariak banatu dituzte Donostiako Miramar Jauregian. PSE-EEk ezberdin pentsatzeko askatasuna bermatzeko lanean jarraituko duela aldarrikatu du Anduezak.
Euskadiren eraikuntzan buru-belarri arituko den gazteria aldarrikatu du Aitor Estebanek, pankarta atzean geratzen direnen aurrean
EGI egunaren ekitaldi nagusian parte hartu du Aitor Esteban EBBko presidenteak, Mungian. Gizartean eta alderdian euren lekua hartzeko eskatu die gazte jeltzaleei.
Aireportuen kudeaketan parte hartzeko gaitasunak iritzi ezberdinak sortu ditu euskal alderdien artean
EAJk uste du "albiste bikaina" dela, eta PSE-EEk, berriz, akordioa bere dimentsioan jartzeko eta gehiegizko espektatibarik ez izateko eskatu du. Oposizioak kritikatu du "lehendakariak argazki bat bilatu duela Madrilen", eta akordioa "kea baino ez" dela.
Mikel Serrano, Zumarragako PSE-EEko alkatea, Korrikaren lekukoarekin
Alkateak eraman du Korrikaren lekukoa Gipuzkoako udalerriko Udalbatzari esleitutako kilometroaren lehen metroetan. PSE-EEk Korrikan alderdi gisa ez parte hartzea erabaki zuen, CCOOk betoa jaso ostean, baina ordezkari batzuk parte hartzen ari dira.
Aena aztertzen ari da Jaurlaritzak eta Espainiako Gobernuak egin duten akordioaren aurkako neurriak hartzeko aukera
Enpresa publikoak azpimarratu duenez, aldebiko organo berria "aholku-emailea besterik ez da izango" eta ez ditu bere eskumenak aldatuko. Gainera, ohartarazi du arriskuan jar daitekeela legedia, egungo araudiaren mugak gainditzen badira.
Torresek ontzat jo ditu itunak, eta "Konstituzioa, Estatutua eta legedia" errespetatzen dituztela esan du
Angel Víctor Torres ministroak Aldebiko Batzordearen bilera "produktiboa" izan dela esan, eta aurrez egin den "lan handia" nabarmendu du. Bi administrazioek, gainera, etorkizunean industria, energia, osasun eta immigrazio alorretan, besteak beste, akordioak lortzeko negoziazioen ildoak ireki dituztela aurreratu du. Horren ustez, "akordioan, askatasun instituzionalean eta kudeaketa publikoaren eraginkortasunean" oinarritutako lankidetza eredua finkatzen ari da.
Pradalesen iritzian,"akats politiko larria" da 'Guernica' ekartzeari atea ixtea kontserbazio txostena jasotze hutsagatik
Lehendakariaren arabera, Reina Sofia Museoaren ezezkoak ez luke nahikoa izan behar Pablo Picassoren margolana Bilboko Guggenheimera 9 hilabetez ekartzea baztertzeko. Guernica Euskadira ekarrita munduari "erreparazio" mezu bat bidaliko litzaioke, horren ustez, eta hori esan dio Pedro Sanchezi.