NBEren Behartutako Desagerpenen Lantaldea 'Naparra'ren familiarekin bilduko da
Nazio Batuen Erakundearen Behartutako Desagerpenen Lantaldeak gutuna igorri die Jose Miguel Etxeberria Alvarez 'Naparra'ren senideei, Espainiako Gobernuari kasuaren inguruan zeukan informazioa jakinarazteko eskatu ondoren, honek ez daukala "informazio osagarririk" erantzun diola jakinaraziz. Horren aurrean, Lantaldeak 2020ko otsailaren 10 eta 14 artean Genevan (Suitza) egingo dituzten 120. jardunaldietara gonbidatu ditu, ikerketarekin jarraitu ahal izateko: "Espainiako Gobernuak emandako informazioa nahikoa ez denez Etxeberria Alvarez jaunari gertatuta edo lokalizazioa argitzeko, zure kasua aztertzen jarraituko du Lantalde honek. Lantaldeak eskertuko luke, lehenbailehen, helaraziko bazeniguke Gobernuak eman duen erantzunaren inguruan egin nahi duzun edozein komentario, aipamen edo galdera" idatzi dute.
Naparraren senideek zabaldu dutenez, jada jakinarazi diote NBEren Behartutako Desagerpenen Lantaldeari joango direla otsailean Genevara, eta bilera pribatua egiteko data zehazteko zain dira orain.
Espainiako Gobernuak emandako erantzun hutsalari, Frantziako Gobernuaren mugimendu eza gehitu behar zaio. Ez baitu oraindik aktibatu Landetan egin beharko litzatekeen bigarren bilaketa saioa, 2017ko apirilaren 4an egin zenak porrot egin ostean.
Bere garaian, Frantziako Gobernuak artxibatu egin zuen Naparraren desagerketaren auzia, salaketa jarri eta bi urtera. Espainiako Auzitegi Nazionaleko Zigor Aretoak, berriz, 2004an artxibatu zuen kasua, Batallon Vasco Españolek erreibindikatutako bahiketaren eta hilketaren arduradunak identifikatzea lortu ez zutelako.
Gerra zikinaren baitan kokatzen den auzia argitzeko borrokan jarraitu zuen, ordea, familiak eta 2016ko urrian, Ismael Moreno Auzitegi Nazionaleko epaileak auzia berrirekitzea lortu zuten. Iñaki Errazkin kazetariak lortutako informazio bati esker eta informazio hori aitzat hartuta Paco Etxeberria auzitegi-medikuak gorpua non egon zitekeen egindako txostena oinarri hartuta ireki zuen auzia Moreno epaileak. Naparraren gorpua Mont-De-Marsan inguruan bilatzeko eskatu zion Frantziari.
2017ko apirilean egin zuten bilaketa baina ez zuen arrakastarik izan. Familiak presioa egiten jarraitu zuen eta 2018ko maiatzean Auzitegi Nazionalak diligentziak berrirekitzea erabaki zuen Naparraren gorpua berriz ere Mont de Marsan inguruan bilatzeko, baina lehen aldian arakatu ez zen toki batean. Bi diligentzia berri egitea erabaki zen: bigarren bilaketa hori eta gorpua non egon zitekeen ohartarazi zuen ustezko CESIDeko agenteari deklarazioa hartzea.
Familia bigarren bilaketa prozesu horren zain dago orduz geroztik.
NBEk "behartutako desagertze" gisa izendatu zuen, eta beraz, Naparraren kasua ez da preskribatzen.
Kasua
Jose Miguel Etxeberria Alvarez Naparra 1980ko ekainaren 11n ikusi zuten azken aldiz, Simca 1100 autoan, Baiona-Donibane Lohitzune errepidean 14:30 aldera. Eta ondoren, Donibane Lohitzuneko La Consolation tabernan pertsona batekin eztabaidatzen.
Senideek 1980ko ekaiaren 18an jarri zuten desagerpenaren salaketa. Hurrengo egunean, ekainaren 19an, Ziburun agertu zen autoa, komisaria baten ondoan.
Ekainaren 20an, Komando Autonomo Antikapitalista Independenteek oharra kaleratu zuten Etxeberriaren militantzia aitortuz eta desagerpena salatuz.
Ekainaren 21ean, BVE Batallon Vasco-Español taldeak bahiketa erreibindikatu zuen Deia egunkariari egindako dei batean. Uztailaren 3an berriz ere deitu zuten eta ekainaren 30ean hil egin zutela jakinarazi zuten. Biarritzen, Txantxako zonaldean lurperatu zutela ere adierazi zuten eta zortzi egun lehenago mapa bidali ziotela Baionako suprefekturara, non zegoen lurperatuta jakinaraziz.
Uztailaren 24an eta abuztuaren 2an Batallon Vasco-Españolek Egin egunkarira deitu zuen eta hiru gendarmek Naparraren gorpua deshobiratu eta Txantakotik San Vicente de Triossira eraman zutela (Dax-etik gertu) jakinarazi zuten.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.