COVID-19a antzemateko test azkarrak Euskadira noiz iritsiko diren galdetu du Urkulluk
Iñigo Urkullu lehendakariak esan du Euskadik osasun krisiari "bere baliabideekin" aurre egin diola "momentura arte", baina lehentasun nagusia "osasun materialen horniketa ziurtatzea dela". Horren harian, COVID-19a diagnostikatzeko test azkarrak Euskadira noiz iritsiko diren galdetu dio Espainiako Gobernuari.
Erkidegoetako presidenteekin bideokonferentzia bidez koronabirusaren krisiari buruz egindako bilera, Pedro Sanchez Espainiako presidenteak alarma egoera beste 15 egunez luzatzeko erabakiaren berri eman die, eta batasuna eta elkarlana eskatu die larrialdiko egoerari aurrera egiteko.
Urkulluk, berriz, Pedro Sanchezekin "lehentasunak eta premiak" partekatzen dituela esan du, eta Espainiako Gobernuko presidenteari argi utzi dio "elkarlanerako borondate osoa duela".
Lehendakariak azaldu duenez, "ezinbestekoa da Osasun Ministerioak irizpide homogeneoak ezartzea diagnosi-testak egin ahal izateko eta sendatutako pertsonen kopurua zein den jakiteko", izan ere, informazio hori "oinarrizkoa da arazoaren benetako tamaina neurtzeko eta arazoari behar bezala aurre egiteko".
Jaurlaritzak hartutako neurriak
Halaber, Jaurlaritzak osasun alorrean hartutako neurriak azaldu ditu Urkulluk: osasun sistema indartzeko berrantolaketa, telefonoz emandako aholkularitza eta etxez etxeko laguntza zerbitzuak. Neurri horiek adinekoei, pertsona ahulenei zuzenduta daude. Era berean, konfinamendua betetzeko eta kontrolatzeko mahai teknikoa abian jarri da.
Neurri ekonomikoak ere aipatu ditu lehendakariak: enpresentzako eta autonomoentzako laguntzak, eta horien artean nabarmendu egin du Espainiako Gobernuarekin eta Gizarte Segurantzarekin koordinatzeko "premia" dagoela aldi baterako lan espedienteen eraginpean dauden langileen laguntzak azkartzeko.
Autogobernurako erakunde propioen garrantzia
Bestalde, eta Facebooken argitaratutako idatzi batean, COVID-19ak eragindako osasun krisian eta "ziurgabetasunezko testuinguruan, autogobernurako erakunde propioak izatearen balioa”" antzematen duela adierazi du Iñigo Urkullu lehendakariak. "Gure erakundeek babesa eta segurtasuna ematen dizkiete euskal gizarteko herritar guztiei", azpimarratu du.
Euskal gobernuburuak gogora ekarri nahi izan du du igande honetan Jose Antonio Agirre lehendakariaren heriotzaren 60. urteurrena betetzen dela.
"Bere familiarekin bat egiten dugu, Agirre oroitzeko eta omentzeko. Esker on eta aintzateste sakona sentitzen dugu bera oroitzean. Agirre lehendakariak momentu oso zailetan indarrak batzeko gai izan zen. Lehen euskal gobernua martxan jarri eta Euskadi instituzionalizatu zuen", adierazi du Jaurlaritzako buruak.
"Ezberdintasunak añde batera utzi"
Halaber, "aurrekaririk gabeko eta ezusteko zailtasun handiz betetako garaiak" bizi ditugula ohartarazi du lehendakariak, eta osasun krisiaren testuinguru honetan "ezberdintasunak alde batera utzi eta indarrak batzeko beharraren garrantzia" "bere osotasunean" ulertzen duela azpimarratu du.
"Zalantzaz betetako testuinguru honetan, autogobernurako erakunde propioak edukitzea zein garrantzitsua den baieztatu dugu. Gure erakundeek babesa eta segurtasuna ematen diete euskal gizartean bizi diren herritar guztiei. Egoera zail honetan, Agirre lehendakariak erakutsitako baloreak aldarrikatzen ditugu: humanismoa, justizia soziala, europar bokazioa eta unibertsala, demokrazia eta askatasuna", adierazi du artikuluaren amaieran.
Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Batzordearen telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.
Zure interesekoa izan daiteke
Asensiok tonua apaldu eta "normaltasunaren barruan" kokatu ditu Mendozari egindako kritikak
Ayesa operazioa dela eta, buruzagi sozialistak "lidergo falta" egotzi zion Gipuzkoako diputatu nagusiari. Biharamunean, Asensiok esan du "gai zehatzetan" iritzi ezbedinak izatea "normaltasunaren barruan" dagoela.
Martxoaren 3ko sarraskia gogoan mantentzeko helburua duen "Amets berriak" abestia aurkeztu dute
Martxoaren 3an Gasteizen izandako sarraskiaren 50. urteurrena ospatzeko aste gutxi falta direnean, Martxoak 3 elkarteak "Amets berriak" abestia aurkeztu du. Letra Karmele Jaiok idatzi du eta Idoia Asurmendik interpretatu.
Hezkuntza sailburuak LHko euskal eredua goraipatu du, Sanchezek horien irekiera mugatzeko asmoa iragarri ondoren
Begoña Pedrosa Hezkuntza sailburuak Euskadiko Lanbide Heziketaren "kalitatezko eredu inklusiboa" goraipatu du, Pedro Sanchez Espainiako Gobernuko presidenteari emandako erantzunean. Horren arabera, Lanbide Heziketako ikastetxe pribatuen irekierari "mugak jartzeko" eta prestakuntzaren kalitatea "blindatzen jarraitzeko" errege-dekretua sortuko da.
Justizia Administrazioan euskara sustatzea eskatzen duen ekimena atera dute aurrera EAJk eta PSE-EEk
Administrazio publikoan euskararen eskakizuna blindatu ahal izateko legearen negoziazioan jarrerak urrunduta dituztenean, jeltzaleek eta sozialistek bat egin dute gaur Legebiltzarrean euskararekin lotutako ekimen batean.
CCOOk ELAri eta LABi eskatu die LGSri buruzko estrategia "birbideratzeko"
Unai Sordoren arabera, "gutxieneko soldata bat izan behar du, eta gero negoziazio kolektiboak lurrera jaitsi behar du baloia" lurraldeetan. CCOOko idazkari nagusiak mobilizaziorako deia egin du, hitzarmeneko gutxieneko soldatak lortzeko.
Sanchezek esan du "tekno-oligarkek ez dutela demokrazia makurraraziko"
Espainiako Gobernuko presidenteak, izenik esan gabe, Telegrameko kontseilari delegatuari erantzun dio gaur Bilbon, sare sozialen inguruko neurri berrien aurrean atzo plataformako buruak honen aurka egin ondotik.
Javier De Andresen ustez, iraungitako dosien txertaketa "ez da salbuespenezkoa" Osakidetzan
Javier de Andres EAEko PPko presidenteak adierazi duenez, bere alderdiak "zalantza asko" ditu gertatutakoaren inguruan, eta bere ustez "elementu batzuek erakusten dute ez zela noizbehinkako eta ezohiko gauza bat", baizik eta "hasieran transmititu zena baino zabalagoa dela".
Duela 31 urte ETAk hildako Gregorio Ordoñez gogoratu du Eusko Legebiltzarrak
Eusko Legebiltzarrak minutu bateko isilunearekin gogoratu du Gregorio Ordoñez legebiltzarkide eta Donostiako PPko zinegotzi izandakoa. 1995eko urtarrilaren 23an hil zuen ETAk Donostiako taberna batean.
Europako Justiziak bertan behera utzi du Puigdemonti inmunitatea erretiratzeko Europako Parlamentuak hartu zuen erabakia
Epaiak ez du eraginik izango Puigdemonten egoeran, ez zuelako Europako azken hauteskundeetan parte hartu, eta, beraz, jada ez du eserlekurik.
Otxandianok dio "txertoen krisiak" berriro agerian utzi duela Osakidetzak "egiturazko" arazoa duela
Pello Otxandiano EH Bilduk Eusko Legebiltzarrean duen bozeramaileak ohartarazi duenez, iraungitako txertoen "krisia" ez dago "konponduta", informazioa argitzea falta delako. Alberto Martinez Eusko Jaurlaritzako Osasun sailburua egin du egoeraren erantzule. "Osakidetzaren egiturazko arazoak jarraitzen du, gutxi asko, orain bi urte zegoen egoera berean", zehaztu du.