Lan-erreforma osorik indargabetuko dutela esan du Pablo Iglesiasek
Pablo Iglesias Espainiako Gobernuko presidenteordeak argi utzi du lan-erreforma osorik indargabetuko dutela, eta ez partzialki, hori baira PSOEk EH Bildurekin asteazkenean sinatutako akordioak dioena.
“Argi eta garbi esango dut: pacta sunt servanda (sinatzeak betebeharra dakar)”, esan du Catalunya Radion egindako elkarrizketa batean. Iglesiasek gogor egin du sozialistek azken orduan iragarritako zuzenketaren aurka, EH Bildurekin eta Unidas Podemosekin egindako akordioa sinatu eta ordu gutxi batzuetara.
“Lan-erreforma osorik indargabetzea da sinatu dena. Hori da akordioa. Ondoren, alderdi bakoitzak nahi duena esan dezake. Baina akordioa hiru alderdiek sinatutakoa da. Gero alderdiek nahi dutena esan dezakete, baina sinatutakoa hori da”, azpimarratu du.
Halaber, Iglesiasek gogor egin du CEOE eta Cepymeren aurka, bi elkarte horiek akordioa kritikatu ostean. “Patronalak PPren eta Voxen arteko gobernua nahi duela ez du inork harritzen. Normala da. Baina herri-subiranotasuna deitzen den gauza bat existitzen dela ulertu behar dute”, adierazi du.
Aizpurua: "Akordioa ona da"
Radio Euskadiko "Ganbara" saioan egindako adierazpenetan, Mertxe Aizpurua EH Bilduko diputatuak esan du herritarrentzat "akordio ona" dela, "eta bereziki langileentzat. Horrela, alarma egoera amaitzen denean, languleek babesik ez zaiela falta ikusiko dute. Segurtasuna ematen du".
Akoridoaren ondorioz, tokiko erakundek, foru erakundeek eta erkidegoetakoek krisiaren ondorioei aurre egiteko politika publikoetan gastu handiagoa egiteko aukera izango dute.
Albiste gehiago politika
Gorenak Cerdan inputatu du eta ekainaren 30erako deitu du bere deklarazioa
Epaileak bost enpresaburu ere deitu ditu deklaratzera ikertu gisa. Esleipenen truke ustez legez kanpoko eskupekoak ordaindu zituzten enpresen administratzaileak dira.
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.