Beranduenera, martxoaren 26an izango da Kataluniako inbestidura saioa
Otsailaren 14ko Kataluniako hauteskundeen ostean, XIII. legegintzaldia Parlamentaren osaketarekin hasiko da, eta beranduenera martxoaren 12an izango da hori. Inbestidura eztabaida, berriz, epea amaituz gero, martxoaren 26an izango da, Aste Santuaren aurretik.
Igandeko hauteskundeetatik ateratako Parlamentua 20 eguneko epean osatu beharko da, beraz, martxoaren 12a izango da epemuga.
Osaketa saio horretan, 135 diputatuek Parlamentaren presidente berria hautatuko dute, eta baita bi presidenteordeak eta Mahaiko lau idazkariak ere.
Parlamenta osatuta, hurrengo zortzi egunetan talde parlamentarioak osatuko dira Mahaiari egindako idatzi baten bitartez.
Alderdi guztiek dituzte talde propioa izateko nahikoa diputatu, bost, PPC-k izan ezik, hiru ordezkarirekin talde mistoan jarraituko baitu.
Parlamentua osatu eta 10 eguneko epean inbestidura saioa egin beharko da, ondorioz, beranduenera martxoaren 26an izango da hori.
Parlamentuko presidenteari dagokio inbestidurarako hautagaia proposatzea 135 diputatuen artean, eta alderdietako buruzagiekin bilera sorta egin ostean.
Presidente izendatzeko Parlamentuaren gehiengo osoaren babesa beharko da, hau da, 68 diputaturena, eta hautagaiak babes hori lortzen ez badu, bi egunera beste bozketa bat egin ahalko da, eta orduan gehiengo sinplea nahikoa izango da, hau da, aldeko boto gehiago kontrakoak baino.
Hautagaiak lortuko ez balu, bi hilabeteko epea irekiko litzateke, lehenengo bozketatik hasita, eta tarte horretan inbestidura saio gehiago egiteko aukera egongo litzateke.
Bi hilabete horiek amaituta inbestidurarik ez balego (epeak agortuta maiatzaren 26a izango litzateke), Parlamenta automatikoki desegingo litzateke eta hauteskundeak errepikatu beharko lirateke 54 eguneko epean (beranduenera, uztaila erdialdean).
Zure interesekoa izan daiteke
Estatuari Martxoak 3ko sarraskiaren erantzukizuna eskatzeak berriro aurrez aurre jarri ditu EAJ eta PSE-EE
EAJk eta EH Bilduk Espainiako Gobernuari eskatu diote aitor dezala Martxoak 3ko sarraskian izan zuen erantzukizun zuzena, eta aitortza horrekin maila goreneko adierazpen ofiziala egin dezala. PSE-EE ez dator bat eskari horrekin.
EH Bilduk eta EAJk Adamuzeko istripua argitzea eskatu dute, herritarrek trenbide sarean konfiantza izan dezaten
Urteko lehen osoko bilkura hartu du Espainiako Diputatuen Kongresuak, eta Pedro Sanchez Espainiako Gobernuko presidenteak agerraldia egin du, berak hala eskatuta, trenbide-istripuei buruzko azalpenak emateko.
EAJ Pasaiako portua "liga nazional batetik erregionalera jaisten" saiatzen ari dela kritikatu du PPk
Mikel Lezama PPk Gipuzkoako Batzar Nagusietan duen bozeramaileak gogor kritikatu du EAJren "asmo ideologikoa", portuaren kudeaketa Eusko Jaurlaritzaren esku uztea baita. Gaineratu du hori ezin dela egin, "Estatuaren interes orokorreko portua" delako.
"Maiatza eta ekaina artean" irekiko dute Zubietako espetxe berria
Gipuzkoako espetxe berria ireki eta Donostiako kartzela zaharra eraitsiko dute. Ondoren, 400 etxebizitza babestu egingo dituzte Txomin Enean.
Cerdanek "errugabea" dela defendatu du eta adierazi du ez dela eta ez dela sekula izan Antxon Alonsoren bazkide
Nafarroako Parlamentuko ikerketa batzordean agerraldia egin du Santos Cerdan PSOEren Antolakuntza idazkari ohiak, eta nabarmendu du ikerketa batzordea baino UPNren "mendeku" gosea asetzeko batzordea dela.
Estatuko Fiskaltza eta Abokatutza Puigdemonti amnistia ematearen alde agertu dira, Gorenaren ezezkoaren aurrean
Bi erakundeek Kontsituzionaleko berme-gortean aurkeztu dituzte beren idazkiak, Auzitegi Gorenak dirua bidegabe erabiltzeagatik amnistia ez aplikatzeko hartutako erabakiaren aurka presidente ohiak jarritako babes-errekurtsoa onar dezan eskatzeko. Bi erakundeek uste dute Auzitegi Gorenak amnistia aplikatu behar ziola, eta kritikatu dute Amnistia Legea modu "arrazoigabe eta arbitrarioan" interpretatu zuela, hura aplikatzea saihesteko.
Arabako Batzar Nagusiek ohorezko tituluak kendu dizkiete Francori eta Molari
Tituluak baliogabetzeko mozioa Arabako Aldizkari Ofizialean argitaratu eta hurrengo egunean sartuko da indarrean.
Pradalesek iritzi dio Sanchezek Estatutuarekiko duen borondatea "itxaropentsu" egoteko modukoa dela, baina ez du atzerapenik onartuko
Imanol Pradalesek gogorarazi du negoziazioei "jarraibide politiko erabakitzaileagoak onartuz" ekitea eskatu dutela. "Hau da, maila politikoan hitzartutakoak ez dituela etengabe topatzen oztopo eta erresistentzia administratibo eta politikoak. Jarrera horrek, ekintza politikoa debaluatzeaz gain, eragin zuzena du Euskadiren aukeretan eta euskal herritarren bizi-kalitatean", esan du.
Sanchezek agindu du "beharrezko neurri guztiak" hartuko dituela Adamuzeko istripuaren ostean, eta Estatuak azkar erantzun zuela defendatu
Espainiako Gobernuko presidenteak larrialdi dispositiboa berehala martxan jarri zuela defendatu du Kongresuan, eta biktimei laguntzeko administrazioen arteko koordinazioa nabarmendu du.
Euskal Herria herritarrei ziurtasuna emateko proiektu kolektiboa dela defendatuko du EH Bilduk Aberri Egunean
"Zazpiak bat egin" lelopean, koalizio abertzaleak apirilaren 5ean egingo du urteroko hitzordua, Iruñean.