Rementeriak bi diputatu ordezkatu ditu foru gobernuari "freskotasuna" emateko
Unai Rementeria Bizkaiko ahaldun nagusiak Ibone Bengoetxea eta Elena Unzueta diputatuak ordezkatu ditu foru gobernuari "freskotasuna" emateko. Rementeriak "birmoldaketa" egin du pandemia gainditu eta gero Bizkaiak behar duen lehengoratzeari "freskotasunez eta indarrez" aurre egiteko helburuarekin.
Bilbon egindako prentsaurreko batean azaldu duenez, gobernu aldaketaren atzean ez dago "inolako arazorik", eta birmoldaketa "naturaltasunez eta normaltasunez" egin du, lurraldeak pandemiaren osteko erronkei behar den moduan hel diezaien.
Bengoetxea Herri Administraziorako eta Erakunde Harremanetarako foru diputatua izan da orain arte, eta Unzueta, bozeramaile eta Iraunkortasuna eta Ingurune Naturala zaintzeko diputatua. Biak ala biak Rementeriaren ondoan izan dira 2015az geroztik, eta orain, agintaldi berriaren erdia agortu ez denean, ordezkatu egin ditu Rementeriak. Elixabete Etxanobe Eusko Jaurlaritzako Administrazio eta Zerbitzuen sailburuordeak hartuko du Bengoetxearen kargua, eta Amaia Antxustegi Lekeitioko alkateordeak, Unzuetarena.
Unzueta, Bizkaiko Foru Aldundiaren argazki instituzionalean.
Bengoetxea, Bizkaiko Foru Aldundiaren argazki instituzionalean.
Gobernuaren bozeramaile lanetan, berriz, Lorea Bilbao Euskara, Kultura eta Kirol diputatua arituko da aurrerantzean, Unzuetaren ordez.
Rementeriak "bihotzez" eskertu die egindako lana Bengoetxeari eta Unzuetari, eta diputatu izendatu berriak ahotan, "funtsezkoak diren bi eremuz" arduratuko direla nabarmendu du ahaldun nagusiak: "Esperientzia dute, behetik hasi dira, Bizkaia ilusioz ulertzen dute eta Bizkaiarentzat lan egiteko prest daude. Niretzat funtsezkoak diren bi eremuz arduratuko dira: udalekiko, udalerriekiko, lurralde berdintasunarekiko, ingurumenarekiko eta iraunkortasunarekiko harremanaz".
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.