Herri mugimenduak
Gorde
Kendu nire zerrendatik

'Nafarroa berriz altxa'k lurraldearen "askatasuna eta burujabetza" eskatu du

Politikan eta gizarte ekimenetan parte hartu izan duten hainbat pertsonak eta ekintzailek osatu dute herri mugimendua.
"Nafarroa berriz altxa"ren agerraldia Iruñean. EITB Mediaren bideo batetik ateratako irudia

Gizarte mugimenduetako eta politikaren esparruko hainbat ekintzailek “Nafarroa berriz altxa” ekimena jarri dute martxan, nafarren “askatasuna eta burujabetza” aldarrikatzeko.

Plataforma feministek, sindikalistek, euskaltzaleek, pentsiodunek, intsumisoek, ikasleek, ekologistek, “hainbat esparrutako presoek” eta politikaren alorreko aktibistek osatzen dute, ohar batean argitaratu dutenez.

Taldeko kideek azaldu dutenez, ekainean 500 urte beteko dira Noaingo gudutik eta borroka horrek ekarri zuen “Erreinuaren independentziaren aldeko altxamendutik”. Hortaz, “data hura gogora ekarrita, Nafarroaren askatasuna eta burujabetza” aldarrikatu nahi dute.

“Geure bizietan eragina duen guztiaren inguruan erabakitzeko ahalmena izan nahi dugu: hezkuntzari buruz, osasunari buruz, lan harremanei buruz, euskaraz, pentsioez, zerga sistemaz, etxebizitzaz eta, noski, Nafarroaren estatus juridikoaz eta Pirinioen alde bietako lurraldeekin izan nahi dugun harremanaz ere”, berretsi du herri mugimenduak.

Beste alde batetik, gaineratu dute covid-19aren pandemiak argi utzi duela "erabakitzeko gaitasunik ez dugula. Madrilen agintearen menpe bizi gara”.

Albiste gehiago politika

18:00 - 20:00
ZUZENEAN
Duela  min.

Ramiro González: "Talgoren egoitza sozialaren itzulera oso albiste ona da, sinbolismoz betea"

Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.

Gehiago kargatu