Erkidegoek alarma-egoera osteko marko juridikoa definitzeko eskatuko dute gaur
Osasun Sistema Nazionaleko Lurraldearteko Kontseiluaren bilera izango da gaur arratsaldean, maiatzaren 9an alarma-egoera bertan behera gelditu aurretik azkenaurrekoa, eta bi gai izango dira nagusi: alarma-egoeraren amaiera bera eta txertaketa egutegi eguneratua.
Pedro Sanchez Espainiako Gobernuko presidenteak iragarritako alarma-egoera amaitzeko hamabi egun falta direnean, zenbait erkidegok, besteak beste, aurreikusitakoaren arabera, EAEk eta Nafarroak, lege batzuk aldatzea planteatuko dute gaurko bileran, itxiera perimetrlak eta etxeratze-mugak dekretatzeko tresna juridikoak izateko eta, oro har, pandemiaren aurrean neurriak hartzeko izango duten erabakimen-tartea zehazteko.
Bingen Zupiria Eusko Jaurlaritzako bozeramaileak adierazi duenez, Gotzone Sagardui Eusko Jaurlaritzako Osasun sailburuak arratsaldean eskatuko du EAEk behar adina tresna izan ditzala "murrizketei eutsi ahal izateko"; izan ere, egoera epidemiologikoa eta kutsadura-maila kontuan hartuta, beharrezkoak dira oraindik Osasun Sailaren arabera.
Gaur goizean Idoia Mendia Eusko Jaurlaritzako bigarren lehendakariorde eta PSE-EEko idazkari nagusiak Radio Euskadin adierazi duenez, "alarma-egoera autonomia erkidego batzuentzat bakarrik izan liteke", izan ere egoera ez da berdina autonomia erkidego guztietan.
Bestetik, Laura Garrido Euskadiko PPren idazkari nagusiak Faktorian esan duenez, 1986ko Espainiako Osasun Legea aldatu dadin Kongresuan urgentziazko tramitea baliatu liteke, alarma-egoerarik ezean, "erkidegoek baliabideak behar baitituzte" pandemiaren kontra neurriak hartzen jarraitzeko.
Txertaketa egutegia eta irizpideak
Era berean, erkidegoek Lurraldearteko Kontseiluaren bilera aprobetxatuko dute Osasun Ministerioari txerto gehiago eta egutegi eguneratua eskatzeko, Janssenek aurreikusitako dosien erdia emango duela (300.000 espero ziren apirilean, eta horietatik erdia banatu da gutxi gorabehera ) iragarri ondoren.
Argitu beharko duten beste kontu bat da zer txerto jarriko zaien jada AstraZenecaren lehen dosia jaso zuten funtsezko bi sektoretako (poliziak eta irakasleak) 60 urtetik beherako ia bi milioi herritarrei.
Zure interesekoa izan daiteke
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.
Euskararen aurkako "oldarraldia marra gorri guztiak gainditzen" ari dela salatu du EH Bilduk
Euskalgintzaren Kontseiluak larunbat honetarako Bilbao Arenan antolatu duen ekitaldian parte hartzeko deia egin du koalizio subiranistak, "euskaltzaleen indar eta batasun erakustaldiarekin" bat egiteko.
Jon Insausti: "Politika ez da pankartetatik edo sare sozialetatik egiten"
Urriaren 29an hartu zuen Gipuzkoako hiriburuko aginte-makila, Eneko Goiak uko egin ostean, baina dio ez duela "minutu bat ere" galdu.
Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
Eusko Legebiltzarrak "eztabaidak errespetuz" egiteko deia egin du, De Andresi aipamen berezirik egin gabe
PPko presidenteak EH Bilduren "sarraskia" etorriko zela esan ondoren, koalizio abertzaleak babesa eskatu zion Legebiltzarreko Mahaiari baina honek ez dio zigorrik ezarri De Andresi.