Feministas al Congreso jaio da, agenda feminista garatu eta "emakumeen kontrako gehiegikeriekin bukatzeko"
Indar politiko berria aurkeztuko dute gaur: Feministas al Congreso (FAC). Pilar Aguilar alderdiko presidenteak azaldu duenez, alderdiak hainbat helburu ditu: agenda feminista garatzea, "emakumeen kontrako gehiegikeriekin bukatzeko politikak martxan jartzea" eta "pobreziaren feminizazioari neurri eraginkor eta zehatzekin aurre egitea", besteak beste.
Espainian egitekoak diren hurrengo hauteskunde orokorretan lehiatuko direla iragarri du, gainera. Horren hitzetan, "erakundeetara iristen ez bagara, kexatu eta protestatu besterik ez dugu egingo, eta ez dugu boterea duten mekanismoetan eragingo", argudiatu du EFE albiste agentziari eskainitako elkarrizketa batean.
Aguilarrekin batera, honakoek osatzen dute alderdi berriaren zuzendaritza: Fatima Arranz Madrilgo Universidad Complutenseko Soziologia irakaslea presidenteordea izango da; Puri Lietor psikologoa, idazkari nagusi; Juana Gallego Bartzelonako unibertsitate autonomoko irakaslea, idazkariorde lehena; eta Sandra Moreno Zuzenbidean doktorea, idazkariorde bigarrena.
Aguilarren hitzetan, alderdia osatu dutenetik "afiliazio eskaera asko" jaso dituzte, eta "2.000 emakume eta gizon atxiki" zaizkie. Azken horiei buruz esan dutenez, gizonek ez dute inoiz alderdia zuzenduko. "Gizonak feminista izan daitezke, ez diegu sarbidea ukatuko (...) Gizonek zuzentzen dituzte egungo alderdiak, eta emakumeak jartzen dituzte leku estrategikoetan kontrolari eusteko", azaldu du.
Feminismo alorrean Espainiako Gobernuak eta, zehazki, Berdintasun Ministerioak egindako lanaz galdetuta, irmo mintzatu da Aguilar: "Berdintasun Ministerioak ez du ezertxo ere egin. Irmotasuna behar dugu, ez txioak. Presioa eginez eta gainerako ministerioekin akordioak lortuz hobetuko luke emakumeen bizimodua, baina ez da egiten ari".
Zure interesekoa izan daiteke
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.