UPNk Adanero eta Sayas kanporatu ditu bi urte eta erdiz
Carlos Garcia Adanero eta Sergio Sayas diputatuak alderditik kanporatu ditu UPNk bi urte eta erdiz. Berme eta Diziplina Batzordeak bi diputatuak militantziatik kanpo uzteko erabakia hartu du, lan erreformaren alde agertzeko UPNk hartutako erabakiari men egin ez ziotelako. Era berean, alderdi barruan edo UPNren ordezkari gisa ezein kargu betetzeko aukera galarazi diete bi urte eta sei hilabetez.
Horixe da aipatu Batzordeak gaur bertan emandako albistea, Garcia Adanerok eta Sayasek aurkeztutako alegazioak aztertu ostean. Zigorrak UPNren estatutuetan daude jasota, eta urratze larritzat jotzen dute gertatutakoa, alderdiak berak ohar baten bidez jakitera eman duenez.
Zigor honen aurka, baina, apelazio helegitea aurkezteko aukera dute orain bi diputatuek. Estatutuen 112. artikuluak dio, asteazken honetatik hasita, hamar eguneko epea dutela horretarako.
Berme eta Diziplina Batzordearen ebazpenaren arabera, Espainiako Gobernuaren lan erreforma babestea adostu zuten alderdikide guztiek, alegia, "negoziazioetan inork ez zuen kontrako jarrerarik erakutsi".
Javier Esparza alderdi erregionalistako presidenteak "UPN hautsi" nahi duela ziurtatu du Sayasek. "UPNtik kanporatzeko berme batzordearen erabakia jakinarazi berri digute. Javier Esparza UPN hausteko tematurik dago, eta lortzeko bidean da", adierazi du diputatuak sare sozialean.
Garcia Adanerok, alderdikideak iragarri bezala, ez du diputatu akta utziko. Alderdi erregionalistak "Gobernuko alternatiba izateari utzi dio", kritikatu duenez.
"UPNtik kanpo nahi gaituela bistakoa da, molestatzen dugulako, eta Sanchezen txanka izateko estrategia horretan, gu arazo bat ginen. Sanchezen makulu izateko estrategia berri horretan ez dugu parte hartuko", salatu du Garcia Adanerok.
Zure interesekoa izan daiteke
EAJk inkestetan lider izaten jarraitzen duela erantzun dio Ansolak Otegiri, herritarren beharrei "erantzuna ematen dielako"
Iñigo Ansola EAJren Bizkaiko presidenteak Arnaldo Otegiren hitzei erantzun die gaur Radio Euskadin, eta Aitor Esteban ez duela "batere urduri" ikusten esan du. EAJk inkestetan lider izaten jarraitzen duela defendatu du, herritarren beharrei "erantzuten" dielako. Bestalde, Bilboko etorkizuneko erronkei aurre egiteko Mikel Hidalgo hautagai "perfektua" dela esan du Ansolak.
Donostia Europako hiri "oparo eta zoriontsuena izatea" du helburu Jon Insaustik
Hiriak eta hiritarrek etorkizunean izango dituzten beharrei buruz hausnarketa egin du Donostiako Udalak Victoria Eugenia antzokian, Donostiarra 2040 Topera! izenburuarekin. Jon Insausti alkateak onartu du "donostiarrek donostiarrontzat egindako hiria" lortzea dutela erronka nagusi.
Marlaskak esan du Nafarroako Unibertsitatean izandako istiluen osteko polizia-operazioa "proportzionala" izan dela
Josu Estarrona EH Bilduko senatariak egindako galdera bati erantzunez, Fernando Grande-Marlaska Barne ministroak esan du joan den astean Nafarroan egindako polizia-operazioa "egokia eta proportzionala" izan zela, "2025eko urriaren 30ean Nafarroako Unibertsitatearen inguruan Vito Quilesen ekitaldi baten aurka izandako istiluengatik". Guztira 28 pertsona atxilotu zituzten.
Mojtar Leboihi, saharar herriaren ordezkaria Euskadin: "Droneekin hildako asko izan ditugu jada azken gerra honetan"
Marokok Fronte Polisarioko hiru kide hil zituen joan den igandean, zihoazen autoari droneekin eraso eginez. Horietako bat Lahbib Abdulaziz zen, Polisarioko buruzagietako bat eta Mohamed Abdulaziz presidente sahararraren semea. Erasoa, gainera, NBEren Sahararako ordezkaria Tindufeko kanpamentuak bisitatzen ari zen egun berean gertatu zen.
Bizkaiko garraio publikoen artean egindako aldaketak doakoak izango dira 2027an
Lehen fasea 2026ko urriaren 1ean hasiko da, Metro Bilbaoren eta Euskotrenen arteko proba pilotu batekin. Era berean, lurraldea 5 gunetik 3ra pasako da, eta horrek egungo tarifa-sistema sinplifikatzea ahalbidetuko du.
Eusko Jaurlaritzak 70 milioi eskaini ditu medikuen lan-baldintzak eta soldatak hobetzeko
Alberto Martinez Osasun sailburuak Euskadiko osasun profesionalekin egindako negoziazioen aurrerapenak azpimarratu ditu, eta Estatutu Marko berriaren tramitazioan Osasun Ministerioak egindako kudeaketa kritikatu du.
Otegi, Enplegu Publikoaren Legeaz: "Akordio eza ez da aukera bat"
Arnaldo Otegi EH Bilduren koordinatzaile nagusiak esan du "denbora irabazi" nahi izan dutela, euskararen legean negoziatzen jarraitu ahal izateko. Espainiako ustelkeria kasuen inguruan esan du "zalantzarik gabe borrokatu" behar dela, baina, haren ustez, funtsean helburu politiko batek eragin ditu operazioak: "PSOE hau" eta Pedro Sanchezek osatu duen ezkerreko aliantza suntsitzea.
Nor da Mikel Hidalgo, EAJren Bilboko alkategaia?
Bilbon 1993an jaioa, sektore pribatuaren eta Eusko Jaurlaritzaren artean garatu du bere ibilbidea. 2022tik garapen iraunkorrari eta 2030 Agendari lotutako Nazio Batuen proiektuetan dihardu.
Albiste izango dira: Eusko Jaurlaritzaren 90. urteurrenaren hasiera, Leon XIV.a Bartzelonan eta Euskal Herriko Bertsolari Txapelketaren aurkezpena
Orain-ek gaur landuko dituen albiste nagusien laburpena.
Mikel Hidalgo izendatu dute Bilboko alkatetzarako EAJren hautagai, eta oinarrien esku geratu da berrespena
33 urte ditu eta Enpresen Administrazio eta Zuzendaritzan graduatua da. Imanol Pradalesen Lehendakaritzako kide da gaur egun. Hain zuzen ere, Nazio Batuen 2030 Agenda Euskadin aplikatzeko arduradunetako bat da.