Maddalen Iriarte, Pegasus auziaz: "Azkeneraino argitu behar den eskandalu larri baten aurrean gaude"
Pegasus programaren bitartez egindako espioitza politikoaren auziak zeresana ematen jarraitzen du. Maddalen Iriarte EH Bilduk Eusko Legebiltzarrean duen bozeramailearen iritziz, "eskandalu larria" da, informazio asko falta da eta ildo horretan amaieraraino iristea eskatu du gertaturikoa argitzeko. Euskadi Irratiko "Faktoria" saioan egin dioten elkarrizketan adierazi duenez, PSOEk gaur bertan aukera izango du gaiari argia ematen hasteko. Izan ere, Diputatuen Kongresuko Bozeramaileen Batzordeak espioitza politikoari buruzko ikerketa batzordeari bide ematen dion ala ez bozkatuko du.
Pedro Sanchez eta Margarita Robles ere zelatatu egin zituztela jakinarazi zuen atzo Espainiako Gobernuak. Atzo baino lehen, ordena, jakina zen 65 politikari independentista inguru ere espiatu zituztela. EH Bilduko bozeramailearen esanetan, "lehenik ukatu, ondoren justikatu eta garrantzia kendu zioten" eta azken orduetan, ostera, "irmoki salatu dute" haiek jasandako espioitza. "EH Bilduk bere buruari galdetzen dio zergatik ez duten irmotasun berarekin jokatu Euskal Herria eta Kataluniako 65 kasuen aurrean, espioitza kasu guztiak larriak eta salagarriak direnean", nabarmendu du.
Kontuak kontu, Maddalen Iriartek espero du ez izatea arreta desbideratzeko Espainiako Gobernuaren maniobra bat. Bide horretan, estatuko estolderiak parte hartu duen eta Sanchezen eta Roblesen aurkako espioitzaren berri noiztik zuen argitzea eskatu du.
Bestalde, Eusko Jaurlaritzak atzo Hezkuntzan iragarritako 6.300 lanpostuko lan eskaintza publikoari lotuta, motz gelditu arren etorkizuneko hezkuntza beharrizanei aurre egiteko aurrerapausoa izan daitekeela uste du.
Fiskalitatearen inguruko eztabaida "premiaz" zabaldu behar dela ere azpimarratu du Maddalen Iriartek, "aberastasuna birbanatzeko".
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.